ՀՀ ԱՆ Հանրապետական շտապ օգնության ծառայություն

31/08/2026

🚨 Անաֆիլաքսիա

Հանրապետական շտապ օգնության ծառայության բժիշկ Գևորգ Զիրոյանը պատմում է անաֆիլաքսիայի, դրա հիմնական նշանների և հնարավոր պատճառների մասին։

▶️ Իսկ տեսանյութի երկրորդ մասում՝ ի՞նչ անել անաֆիլաքսիայի դեպքում և ինչպե՞ս ճիշտ գործել մինչև շտապ օգնության ժամանումը։

29/07/2026

11/07/2026

🔵 Ինչպե՞ս խուսափել ողբերգական հետևանքներից ավտոմեքենայի հրդեհի դեպքում

Ավտոմեքենայի հրդեհի ժամանակ իրավիճակը զարգանում է վայրկյանների ընթացքում։ Հանրապետական շտապ օգնության ծառայությունը հորդորում է լինել զգոն և հիշել այն կանոնները, որոնք կօգնեն խուսափել ծանր այրվածքներից և վնասվածքներից։

🚩 Նախանշաններ, որոնք չի կարելի անտեսել.
🔹 Անսովոր հոտեր (բենզին, գազ, այրվող պլաստիկ)։
🔹 Ծուխ շարժիչի հատվածից կամ սրահից։
🔹 Վառելիքի կամ այլ հեղուկների արտահոսք մեքենայի տակ։

❗ Ձեր գործողությունները վտանգի դեպքում.
1️⃣ Կանգնեցրե՛ք մեքենան անվտանգ վայրում և անջատե՛ք շարժիչը։
2️⃣ Անմիջապես տարհանե՛ք բոլոր ուղևորներին։ Մի՛ փորձեք վերադառնալ իրերի կամ փաստաթղթերի հետևից։
3️⃣ Հեռացե՛ք անվտանգ տարածություն (առնվազն 30-50 մետր)։
4️⃣ Ահազանգե՛ք 911 (Փրկարար ծառայություն) և 103 (Շտապօգնություն), եթե կան տուժածներ կամ ծխահարվածներ։

🚫 Ինչ ՉԻ ԿԱՐԵԼԻ անել.
✖️ Մի՛ բացեք շարժիչի ծածկը, եթե այնտեղից ծուխ է դուրս գալիս։ Թթվածնի ներհոսքը կհանգեցնի բոցի ակնթարթային բռնկման՝ պատճառելով դեմքի և ձեռքերի ծանր այրվածքներ։
✖️ Մի՛ փորձեք ինքնուրույն մարել կրակը, եթե այն արդեն տարածվել է։ Պայթյունի վտանգը ցանկացած պահի իրական է։

🟦 Կարևոր է հիշել.
Էլեկտրական և հիբրիդային մեքենաների հրդեհի դեպքում արտադրվում են խիստ թունավոր գազեր։ Նույնիսկ եթե բաց կրակ չկա, ծխի ներշնչումը կարող է առաջացնել շնչուղիների ծանր թունավորում։

🔹 Մեքենան վերանորոգելը հնարավոր է, կորցրած առողջությունը՝ ոչ միշտ։ Եղե՛ք զգոն, պահպանե՛ք անվտանգության կանոնները և հոգ տարե՛ք Ձեր ու Ձեր մտերիմների մասին։

#ՇտապՕգնություն #Անվտանգություն #ԱռաջինՕգնություն #ՀանրապետականՇտապՕգնություն #ՃանապարհայինԱնվտանգություն

03/07/2026

🔵 Տեղեկացնում ենք, որ 2026 թվականի հունիսի 30-ից Ճամբարակ համայնքի շտապօգնության ծառայությունը ևս անցել է ՀՀ ԱՆ Հանրապետական շտապօգնության ծառայության ենթակայության ներքո։

🟦 Այս փոփոխություններին ընդառաջ՝ ՀՇՕԾ տնօրենի և ղեկավար կազմի մասնակցությամբ աշխատանքային այց է իրականացվել Գեղարքունիքի մարզ։ Ճամբարակում տեղի ունեցած շրջայցի և խորհրդակցության ընթացքում քննարկվել են ծառայության մատուցմանն առնչվող օրհասական հարցեր և առաջիկա անելիքները։

🔹 Մեր նպատակն է ստեղծել միասնական և հուսալի համակարգ, որտեղ յուրաքանչյուր համայնք ստանում է միջազգային ստանդարտներին համապատասխան բուժօգնություն։

#ՇտապՕգնություն #Ճամբարակ #Գեղարքունիք #Մարտունի #ԱշխատանքայինԱյց #ՀանրապետականՇտապՕգնություն

01/07/2026

🔵 Ինչպե՞ս ճիշտ օգնել անգիտակից մարդուն մինչև շտապօգնության ժամանումը. մանրամասները՝ տեսանյութում։

21/06/2026

Սիրելի´ բուժաշխատողներ, սրտանց շնորհավորում եմ մասնագիտական տոնի առթիվ ❤️

Հասարակությունը սովորաբար տեսնում է ձեր աշխատանքի արդյունքը, բայց ոչ միշտ՝ դրա հետևում կանգնած անքուն գիշերները, դժվար որոշումները, շարունակական ուսուցումը և մեծ պատասխանատվությունը։ Ուզում եմ գնահատանքի խոսքս ուղղել այդ անտեսանելի նվիրում համար:

Հատուկ շնորհակալություն եմ հայտնում մեր կարևորագույն բարեփոխման` առողջության ապահովագրության համակարգի ներդրման ընթացքն այսքան ճիշտ ապահովելու, համբերատարություն դրսևորելու համար: Ի վերջո, գործնականում մեր քաղաքացիներին դուք եք ներկայացնում ու մատուցում բարեփոխումը, իսկ այն, որ ապահովագրության համակարգի հանդեպ մեր հասարակությունն ունի միանշանակ ընկալում, սա նաև ձեր աշխատանքի, մեր միասնական գործակցության արդյունքն է:
Շնորհակալ եմ🤝

Ժամանակակից առողջապահությունը փոխվում է, զարգանում են տեխնոլոգիաները, բուժման նոր մեթոդները, սակայն անփոփոխ է մնում մեկ բան՝ բուժաշխատողի մարդասիրությունը։

Հենց այդ արժեքն է եղել և շարունակելու է լինել առողջապահության հիմքում:

Շնորհավորում եմ բոլորիս` բժիշկներից մինչև մայրապետեր, բուժքույրեր, առողջապահական կազմակերպիչներից մինչև համակարգի նվիրյալներ:

Սեր և բարօրություն բոլորիս ընտանիքներին և արարում` խաղաղ Հայաստանում:

21/06/2026

🔹 Ամեն տարի Հունիսի 21-ը կարևոր առիթ է արժևորելու բոլոր նրանց, ովքեր մասնագիտական բարձր պատասխանատվությամբ և անձնվիրումով կանգնած են առողջապահական համակարգի հիմքում՝ ապահովելով շուրջօրյա՝ 24/7 ռեժիմով բժշկական օգնության հասանելիությունը։

🔵 Շտապօգնության ծառայությունը բժշկական համակարգի ամենաօպերատիվ օղակն է, ինչը ենթադրում է մասնագիտական խիստ պատրաստվածություն, հավասարակշռված մոտեցում և արագ կողմնորոշում ամենաբարդ իրավիճակներում։ Մեր կառույցի յուրաքանչյուր աշխատակցի դերն առանցքային է այն միասնական ու անդադար աշխատանքում, որի նպատակը մարդկային կյանքերի պահպանումն ու առողջության վերականգնումն է։

🔹Շնորհակալություն ենք հայտնում ձեզ՝ մասնագիտական առաքելությունը բարեխղճորեն իրականացնելու և աշխատանքային բարձր կարգապահություն դրսևորելու համար։

🔵 Մաղթում ենք նորանոր ձեռքբերումներ՝ ի նպաստ մեր բնակչության առողջության պահպանման, և անմնացորդ նվիրում ձեր բարձր առաքելությանը:

🔹 Թող ձեր պատասխանատու գործունեությունը միշտ արժանանա հասարակական բարձր գնահատանքի և մասնագիտական հպարտության:

15/06/2026

🔵 Տեղեկացնում ենք, որ հունիսի 15-ից ՀՀ ԱՆ Հանրապետական Շտապ Օգնության Ծառայություն ՓԲԸ - ի կազմում իր աշխատանքներն է մեկնարկում Դիլիջանի ենթակայանը։

🟦 Ամբողջությամբ նոր և հիմնանորոգված կայանը կսպասարկի Դիլիջան համայնքը ապահովելով միասնական չափանիշներով գործող, արդիական ու որակյալ բուժօգնություն։

🔹 Աշխատանքների մեկնարկի կապակցությամբ «Հանրապետական Շտապ Օգնության Ծառայություն» ՓԲԸ-ն իր շնորհակալությունն է հայտնում Erebouni MC / Էրեբունի ԲԿ-ի հիմնադիր տնօրեն Հարություն Քուշկյանին և Դիլիջան Բժշկական Կենտրոն / Dilijan MC-ի տնօրեն Ռուբեն Բաբակեխյանին՝ ցուցաբերած աջակցության և արդյունավետ համագործակցության համար։