CardioLab Armenia

CardioLab Armenia “CardioLab” Medical Clinic, founded in 2024, specializes in modern heart care that prioritizes your well-being. Echocardiography. Electrocardiography.

CardioLab | Ձեր սրտի առողջության կենտրոնը

Մեծահասակների և երեխաների սրտի խնամք
📌 Ծառայություններ՝
• Սրտաբանական խորհրդատվություն
• Սրտի զննում և համապարփակ հետազոտություններ
• Արդիական մոնիտորինգի լուծումներ

📞 033 991 188
🌐https://www.cardiolab.am/am We provide a range of services for adults and children, from cardiology consultations and heart screenings to comprehensive health checks and advanced monitoring solutions. Provided services:

Cardiology, Rhythmology and Vascular Consultations. Holter Monitoring. Event Recording. Exercise Test.
6-Minute Walk Test. Cardiac screenings and Risk Stratification. Outpatient Follow-up and Cardiovascular Disease Management.

22/08/2026

💚 Մենոպաուզա և հորմոնալ թերապիա․ ինչի՞ց են կանայք վախենում և ի՞նչ է ասում բժշկությունը

▫️Մենոպաուզան, որը հաճախ անվանում են նաև դաշտանադադար կամ կլիմաքս, և դրան նախորդող պերիմենոպաուզան կնոջ օրգանիզմում բնական ֆիզիոլոգիական փուլեր են, սակայն դրանց ընթացքում տեղի ունեցող հորմոնալ փոփոխությունները կարող են էական ազդեցություն ունենալ ոչ միայն ինքնազգացողության, այլև սրտանոթային, նյարդային, ոսկրային և նյութափոխանակային համակարգերի վրա։ Ջերմային հորդանքները, քնի խանգարումները, տրամադրության տատանումները, հիշողության և կենտրոնացման դժվարությունները հաճախ ընկալվում են որպես պարզապես տարիքային փոփոխություններ, մինչդեռ որոշ դեպքերում դրանք կարող են ազդարարել առողջական ավելի լայն ռիսկերի մասին։

🩺 CardioLab Podcast-ի այս էպիզոդում գինեկոլոգ և սեքսոլոգ Արմինե Հովհաննիսյանը խոսում է մենոպաուզայի, դաշտանադադարի, կլիմաքսի և պերիմենոպաուզայի մասին՝ ներկայացնելով, թե երբ են սկսվում հորմոնալ փոփոխությունները, ինչպես են դրսևորվում ջերմային հորդանքները, քնի և տրամադրության խանգարումները, «մշուշոտ ուղեղի» զգացողությունն ու աշխատունակության անկումը։ Քննարկում ենք նաև, թե ինչ կապ կարող են ունենալ այս փոփոխությունները սրտանոթային հիվանդությունների, ոսկրային խտության նվազման, մկանային զանգվածի կորստի և կյանքի որակի փոփոխության հետ։

💙 Անդրադառնում ենք նաև մենոպաուզալ հորմոնալ թերապիային՝ երբ այն կարող է կիրառվել, ինչ տարբերություն կա համակարգային և տեղային բուժման, բնական և սինթետիկ հորմոնների միջև, ինչպես նաև՝ ինչու են տարիներ շարունակ ձևավորված մի շարք վախեր և պատկերացումներ այսօր վերանայվում նոր գիտական տվյալների հիման վրա։ Խոսում ենք վաղաժամ դաշտանադադարի, վաղ կլիմաքսի, հորմոնալ բուժման ժամանակի ընտրության, հակացուցումների և անհատականացված մոտեցման կարևորության մասին։

▫️Այս զրույցը կնոջ առողջության, կյանքի որակի և տեղեկացված որոշումների մասին է։ Այն հիշեցնում է, որ մենոպաուզան կամ դաշտանադադարը պարզապես «տարիքային փուլ» չէ, որը պետք է լուռ հաղթահարել, այլ ժամանակահատված, երբ ճիշտ գնահատումն ու համապատասխան բժշկական աջակցությունը կարող են զգալիորեն բարելավել թե՛ ինքնազգացողությունը, թե՛ երկարաժամկետ առողջությունը։

Ամբողջական թողարկումը կարող եք դիտել ստորև նշված հղումով: Հաճելի դիտում 💚💙

https://linktw.in/qptEum

📍Ծիծեռնակաբերդի խճուղի ½, 303
📞 033 991 188 | 044 991 188
🌐 cardiolab.am

20/08/2026

🎙️ CardioMic | Խոլեստերին և դիսլիպիդեմիա (մաս 2)

Ինչո՞ւ է խոլեստերինը կենսականորեն անհրաժեշտ օրգանիզմին, և ո՞ր դեպքում է դրա մակարդակը դառնում վտանգավոր։

Այս թողարկման ընթացքում կխոսենք խոլեստերինի նյութափոխանակության խանգարումների՝ դիսլիպիդեմիաների մասին՝ պարզաբանելով, թե
🫀 ինչ դեր ունի խոլեստերինն օրգանիզմում,
🫀 որտեղ և ինչպես է այն արտադրվում,
🫀 ինչ են «լավ» և «վատ» խոլեստերինները,
🫀 ինչու դրանց հավասարակշռությունը կարող է խախտվել,
🫀 և ինչպես են ձևավորվում աթերոսկլերոտիկ վահանիկները։

🎧 CardioMic՝ սրտաբանի հետ մասնագիտական զրույցներ սրտի առողջության, հիվանդությունների և ժամանակակից բուժման մասին։

💙 Թողարկման առաջին մասին կարող եք ծանոթանալ մեր էջում։

📍 Ծիծեռնակաբերդի խճուղի ½, 303
📞 033 991 188 | 044 991 188
🌐 cardiolab.am

🫀 Կարդիոմիոպաթիան սրտամկանի հիվանդությունների խումբ է, որի դեպքում փոխվում են սրտամկանի կառուցվածքն ու աշխատանքը՝ դժվարա...
19/08/2026

🫀 Կարդիոմիոպաթիան սրտամկանի հիվանդությունների խումբ է, որի դեպքում փոխվում են սրտամկանի կառուցվածքն ու աշխատանքը՝ դժվարացնելով արյան արդյունավետ մղումը դեպի օրգանիզմի մնացած մասեր։

🔹 Կարդիոմիոպաթիայի հիմնական տեսակներն են՝
• դիլատացիոն կարդիոմիոպաթիա՝ ձախ փորոքը լայնանում է, իսկ սրտի կծկողականությունը՝ նվազում։ Այն կարող է կապված լինել սրտի իշեմիկ հիվանդության, սրտամկանի ինֆարկտի կամ գենետիկ փոփոխությունների հետ։
• հիպերտրոֆիկ կարդիոմիոպաթիա՝ սրտամկանը ոչ բնականոն հաստանում է՝ դժվարացնելով սրտի աշխատանքը։ Հաճախ այն ունի ժառանգական բնույթ։
• ռեստրիկտիվ կարդիոմիոպաթիա՝ սրտամկանը դառնում է կոշտ և պակաս առաձգական, ինչի հետևանքով սիրտը չի կարողանում բավարար չափով լցվել արյունով։
• առիթմոգեն կարդիոմիոպաթիա՝ սրտամկանի մի մասը փոխարինվում է ճարպային կամ սպիական հյուսվածքով, ինչը կարող է առաջացնել սրտի ռիթմի խանգարումներ։

💚 Կարդիոմիոպաթիան կարող է երկար ժամանակ ընթանալ առանց արտահայտված ախտանիշների։ Հնարավոր դրսևորումներն են շնչահեղձությունը, հոգնածությունը, սրտխփոցը, գլխապտույտը և ոտքերի այտուցը։

💙 Վաղ ախտորոշումն ու կանոնավոր սրտաբանական հսկողությունը կարևոր են հիվանդության տեսակը որոշելու և ճիշտ բուժման մարտավարություն ընտրելու համար։

📍 Ծիծեռնակաբերդի խճուղի ½, 303
📞 033 991 188 | 044 991 188
🌐 cardiolab.am

🇬🇧 ԲՐԻՏԱՆԱԿԱՆ ԲԺՇԿԱԿԱՆ ՓՈՐՁԸ՝ ՄԵԿ ՀԱՆԴԻՊՄԱՆ ՇՐՋԱՆԱԿՈՒՄ🫀 «ԿարդիոԼաբ» ԲԿ-ն հրավիրում է մասնագիտական զարգացման հանդիպման՝«Բ...
18/08/2026

🇬🇧 ԲՐԻՏԱՆԱԿԱՆ ԲԺՇԿԱԿԱՆ ՓՈՐՁԸ՝ ՄԵԿ ՀԱՆԴԻՊՄԱՆ ՇՐՋԱՆԱԿՈՒՄ

🫀 «ԿարդիոԼաբ» ԲԿ-ն հրավիրում է մասնագիտական զարգացման հանդիպման՝
«Բրիտանական բժշկական մշակույթ․ ժամանակակից բժշկության համընդհանուր սկզբունքներ» թեմայով։

🎓 Դասընթացավար՝
Սրտաբան-էլեկտրոֆիզիոլոգ Սերգեյ Բարսամյան
🇬🇧 Բլեքփուլ Վիկտորիա հիվանդանոց, Մեծ Բրիտանիա

Թիրախային լսարան՝ ավագ և միջին բուժաշխատողներ

📆 Օգոստոսի 21
📍 Ծիծեռնակաբերդի խճուղի ½, 303, «ԿարդիոԼաբ» ԲԿ

🏷️ Մասնակցությունն անվճար է

‼️ Տեղերը խիստ սահմանափակ են

Գրանցման համար՝
📞 033 991 188 | 044 991 188

🩺 Ծանոթանանք «ԿարդիոԼաբ»-ի հոգատար թիմի անդամներին։Մեր թիմը համալրել է կլինիկական դեղագետ Նարեկ Վարժապետյանը։ Նրա մասնագ...
17/08/2026

🩺 Ծանոթանանք «ԿարդիոԼաբ»-ի հոգատար թիմի անդամներին։

Մեր թիմը համալրել է կլինիկական դեղագետ Նարեկ Վարժապետյանը։ Նրա մասնագիտական ուղին համատեղում է կլինիկական դեղագիտությունը, դեղաբանությունը, դեղարտադրությունը և դեղերի գրանցման գործընթացների կառավարման բազմամյա փորձը։

📚 Կրթություն և մասնագիտական ուղի
Բարձրագույն դեղագիտական կրթությունը ստացել է Երևանի Մխիթար Հերացու անվան պետական բժշկական համալսարանում՝ ստանալով դեղագիտության դոկտորի (PharmD) որակավորում։
2024 թվականին նույն համալսարանում ավարտել է կլինիկական դեղագիտության օրդինատուրան։

💙 Մասնագիտական ուղղվածություն
Նարեկ Վարժապետյանի մասնագիտական գործունեությունն ընդգրկում է՝
▫️ կլինիկական դեղագիտություն և կլինիկական դեղաբանություն
▫️ կարգավորող հարցերի և դեղերի գրանցման գործընթացների կառավարում
▫️ CTD/eCTD գրանցման փաթեթների կառավարում և ներկայացման ընթացքի վերահսկում
▫️ դեղարտադրական գործընթացներ
▫️ մասնագիտական թիմերի ղեկավարում և տեխնիկական մենթորություն
▫️ դեղաբանության և կլինիկական դեղաբանության դասավանդում

📝 Հրապարակումներ և հոդվածներ
▫️ «Biosimilars – A Landscape of Innovation and Regulatory Nuances»
Համահեղինակ՝ Անահիտ Գրիգորյան | OncoDaily, 2024 թ.
▫️ «Antidiabetic Drugs and Cancer Prevention» | OncoDaily, 2024 թ.
▫️ «Vitamin B17 – Natural Cancer Cure or Hidden Cyanide Threat? (Amygdalin and Cancer Cure)» | OncoDaily

🎓 Մասնագիտական դասընթացներ և հավաստագրեր
▫️ Clinical Research Associate Role in Trials | ClinChoice ՍՊԸ
▫️ PMP Exam Preparation Course | ClinChoice ՍՊԸ
▫️ QMS, ISMS և PIMS համակարգերի դասընթացներ | ClinChoice ՍՊԸ
▫️ Good Clinical Practice (GCP) | ԵՊԲՀ, «Դարման Տեստ Լաբս», K&L Europe
▫️ CTD Dossier, Module 1, EMA/FDA/MHRA/HPRA & ROW Processing | FMD K&L Europe
▫️ Drug Discovery & Development, SmPC, Application Form Testing | FMD K&L Europe
▫️ 7 Habits of Highly Effective People | Stephen R. Covey Program
▫️ Basic and Advanced Sales & Presentation Skills | IBN ALHAYTHAM Pharma

📍 Ծիծեռնակաբերդի խճուղի ½, 303
📞 033 991 188 | 044 991 188
🌐 cardiolab.am

🫀Երիկամները կարգավորում են օրգանիզմում հեղուկի և աղերի հավասարակշռությունը, մասնակցում արյան ճնշման վերահսկմանը, իսկ սիր...
14/08/2026

🫀Երիկամները կարգավորում են օրգանիզմում հեղուկի և աղերի հավասարակշռությունը, մասնակցում արյան ճնշման վերահսկմանը, իսկ սիրտն ապահովում է դրանց բավարար արյունամատակարարումը։

🔹 Երբ երիկամների աշխատանքը խանգարվում է, օրգանիզմում կարող են կուտակվել հեղուկ և նատրիում՝ նպաստելով արյան ճնշման բարձրացմանը, այտուցների և սրտի ծանրաբեռնվածության առաջացմանը։

🔹 Միաժամանակ սրտի աշխատանքի թուլացման դեպքում երիկամների արյունամատակարարումը կարող է նվազել՝ վատթարացնելով դրանց ֆունկցիան։

💚 Երիկամային հիվանդությունները կարող են երկար ժամանակ զարգանալ առանց արտահայտված ախտանիշների, սակայն նույնիսկ վաղ փուլերում բարձրացնել սիրտ-անոթային բարդությունների վտանգը։

💙 Արյան ճնշման, արյան մեջ շաքարի քանակի, խոլեստերինի և երիկամների ֆունկցիայի կանոնավոր գնահատումը կարևոր է երկու համակարգերի առողջության պահպանման համար։ 

📍 Ծիծեռնակաբերդի խճուղի ½, 303
📞 033 991 188 | 044 991 188
🌐 cardiolab.am

💙💚 Ձեր վստահությունը մեր աշխատանքի ամենակարևոր գնահատականներից է։Յուրաքանչյուր կարծիք ու արձագանք մեզ համար արժեքավոր է․...
12/08/2026

💙💚 Ձեր վստահությունը մեր աշխատանքի ամենակարևոր գնահատականներից է։

Յուրաքանչյուր կարծիք ու արձագանք մեզ համար արժեքավոր է․ այն օգնում է ավելի լավ հասկանալ մեր բուժառուների փորձառությունը, շարունակաբար կատարելագործել ծառայությունների որակը և պահպանել մասնագիտական բարձր չափանիշները։

Շնորհակալ ենք, որ վստահում եք «ԿարդիոԼաբ»-ին և կիսվում մեզ հետ Ձեր փորձով։ 💙

📍 Ծիծեռնակաբերդի խճուղի ½, 303
📞 033 991 188 | 044 991 188
🌐 cardiolab.am

10/08/2026

🎙️ CardioMic | Կոտրված սրտի համախտանիշ (մաս 2)

Կարո՞ղ է ուժեղ սթրեսը կամ հուզական ցնցումը իսկապես ազդել սրտի աշխատանքի վրա։

Այս թողարկման ընթացքում կխոսենք կոտրված սրտի համախտանիշի մասին՝ պարզաբանելով, թե
🫀 ինչ է այն,
🫀 ինչու է առաջանում,
🫀 ինչ ախտանիշներ ունի,
🫀 ինչպես է ախտորոշվում և բուժվում,
🫀 և արդյոք հնարավոր է լիարժեք վերականգնում։

🎧 CardioMic՝ սրտաբանի հետ մասնագիտական զրույցներ սրտի առողջության, հիվանդությունների և ժամանակակից բուժման մասին։

💙 Թողարկման առաջին մասին կարող եք ծանոթանալ մեր էջում։

📍 Ծիծեռնակաբերդի խճուղի ½, 303
📞 033 991 188 | 044 991 188
🌐 cardiolab.am

Address

Tsitsernakaberd Highway, ½, 303
Yerevan

Opening Hours

Monday 09:00 - 19:00
Tuesday 09:00 - 19:00
Wednesday 09:00 - 19:00
Thursday 09:00 - 19:00
Friday 09:00 - 19:00
Saturday 09:00 - 17:00

Telephone

+37411991180

Website

Alerts

Be the first to know and let us send you an email when CardioLab Armenia posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to CardioLab Armenia:

Shortcuts

Share

Category