Միջազգային չափանիշներին համապատասխան վերականգնողական ոլորտի մասնագետների մասնագիտական որակի բարձրացում` միջազգային հավաստագրմամբ, կրեդիտավորում, միջազգային առաջնությունների, կոնֆերանսների կազմակերպում։ «Հայաստանի Կինեզիոլոգների և Արհեստավարժ Մերսողների Ասոցիացիա» ՀԿ-ն հիմնադրվել է 2019 թվականի մայիսի 22-ին և իր գործունեության շրջանակներում հանդիսանում է ՀՀ-ում առաջինը:
Հեղինակային բոլոր իրավունքները պահպանված են ՀՀ օրենքով սահմանված կարգով. հիմք՝ «Հեղինակային իրավունքի և հարակից իրավունքների մասին» ՀՀ օրենք, հոդ. 65-69, 2021թ. մարտի 24-ին 08/5599 թվի ներքո:
Կազմակերպության առանցքային խնդիրներն ու գործունեության նպատակներն են՝ գործող օրենսդրությամբ սահմանված կարգով.
1. Բարձրացնել վերականգնողական ոլորտի (կինեզիոլոգ, կինեզիստ, մերսող, նաև բուժքույր) մասնագետների (նաև հաշմանդամներ) մասնագիտական որակը մասնագիտական ուսումնական ծրագրերի, վարպետաց դասերի, սեմինարների, ֆորումների, մրցույթների, ազգային և միջազգային առաջնությունների միջոցով՝ ներդնելով միջազգային և համաշխարհային փորձը Հայաստանում:
2. Գործատուի և մասնագետների միջև ստեղծել կապակցող հարթակ:
3. Համագործակցություն տարածաշրջանային և միջազգային նմանատիպ կազմակերպությունների հետ կրթության, առողջապահության, գիտական և ուսումնամեթոդական, գիտակրթական և գործնական կատարելագործման նպատակով:
ՀԿԱՄԱ-ն կրեդիտավորված է Առողջապահության Նախարարության կողմից:
2019 թվականին Հայաստանում ՀԿԱՄԱ-ն առաջին անգամ Կուրորտաբանության և ֆիզիկական բժշկության գիտահետազոտական ինստիտուտում կազմակերպեց մերսման տարածաշրջանային բաց առաջնություն «Ոսկե Ձեռքեր», որից հետո ներգրավվեց միջազգային հարթակ և առաջին անգամ ներկայացրեց հայ մասնագետին մերսման եվրասիական առաջնությանը Մոլդովայում:
Կազմակերպության հետ ներկայումս համագործակցում են ինչպես ՀՀ-ի մի շարք բուժկենտրոններ, ուսումնական և սպա կենտրոններ, այնպես էլ եվրոպական և ասիական բազմաթիվ կազմակերպություններ (54 տարբեր երկրներ):
2020 թվականին ՀԿԱՄԱ-ն և եվրասիական մի շարք կազմակերպություններ հիմնադրեցին Եվրասիական Մերսման Կոնֆեդերացիա (EAMC): Նույն թվականին Ասոցիացիան դարձավ «Աբիլիմպիկս» միջազգային (Ճապոնիա) կազմակերպության անդամ, որն իրականացնում է հաշմանդամների համար հատուկ կրթական ծրագրեր: 2021 թվականին ՀԿԱՄԱ-ն ընդգրկվեց Մերսման Համաշխարհային Խորհրդի (WMC) կազմի մեջ՝ որպես Հայաստանյան պաշտոնական ներկայացչություն:
Անդամակցելով ՀԿԱՄ Ասոցիացիային՝ ձեռք կբերեք
- միջազգային մակարդակի մասնագիտական բարձր հմտություններ և կարողություններ,
- միջազգային, համաշխարհային ճանաչում,
- հնարավորություն կունենաք մասնակցել ազգային, միջազգային և համաշխարհային առաջնություններում՝ ներկայացնելով Հայաստանը միջազգային և համաշխարհային հարթակներում,
- հնարավորություն կունենաք մասնակցել կազմակերպության կողմից կազմակերպվող բոլոր միջոցառումներին զեղչված կամ անվճար հիմունքներով,
- կարող եք հանդես գալ մասնագիտական առաջարկություններով և ներդրումներով:
Անդամագրվել կարող եք՝ գրանցվելով
https://docs.google.com/forms/d/1g8sXLcpb9cFnUTYzts9wF-J1yyj67UT9rK0b-5sZR94/edit
Կապ մեզ հետ՝ 091684902, 098684902
