11/02/2026
‼️Դե ինչ, նորից եկավ ադմինիստրատոր փնտրելու ժամանակը
Մեր սիրելի ադմիններ Անիի և Իռայի 3 տարվա փառահեղ աշխատանքը հասավ իր պլանավորված ավարտին։ Ու հիմա առնվազն մեկ արժանի փոխարինող ենք փնտրում, որը հնարավորինս արագ կկպնի գործին։
MHS Հոգեկան առողջության ծառայությունը փնտրում է ադմինիստրատոր
Հիմնական պարտականությունները.
- Ապահովել կապը կենտրոնի այցելուների հետ՝ աշխատանքային ժամերին, բացառիկ դեպքերում՝ նաև աշխատանքային ժամերից դուրս
- Կատարել այցելուների գրանցում մասնագետների մոտ և հետևել ժամանակացույցի հստակ պահպանմանը
- Կատարել կենտրոնի գործունեության նախնական վիճակագրական հաշվարկը
- Կատարել անհրաժեշտ ֆինանսական գործողություններ՝ դրամարկղի վարում, վճարումների կազմակերպում, մուտքերի/ելքերի վերահսկողություն և հաշվարկ
- Պատասխանել էլ․փոստին և սոց․ցանցերի հաղորդագրություններին, տրամադրել տեղեկանքներ
- Աջակցել կրթական և հանրային միջոցառումների կազմակերպումը՝ մասնակիցների գրանցում, անհրաժեշտ նյութերի պատրաստում և ամիջական միջոցառման կազմակերպում
- Կազմակերպել գրասենյակի աշխատանքը՝ ապահովել աշխատասաենյակների և մասնագետների տնտեսական կարիքները, վերահսկել հավաքարարի աշխատանքը, խնամել սենյակային բույսերը, ընդհանուր «տնավարի տիրություն անել»
Պահանջվող հմտությունները.
- Զարգացած և ճկուն կոմունիկատիվ հմտությոններ, որոնք թույլ կտան արդյունավետ, բարեհամբյուր և հարգալից շփում ապահովել տարբեր բնավորությամբ և տարբեր խնդիրներով մարդկանց հետ
- Նախաձեռնողականություն և նոր հմտություններ ձեռք բերելու ցանկություն
- Պահանջներին հարմարվելու և արագ կողմնորոշվելու ունակություն, ընթացիկ հանձնարարություններ կատարելու պատրաստակամություն
- Կարգապահություն և ժամանակի լավ կառավարում
- Բարձր գրագիտություն, ուշադրություն մանրուքների նկատմամբ
- Անգլերեն և ռուսերեն լեզուների գերազանց իմացությունը խիստ ցանկալի է
- Հոգեկան առողջության ոլորտի նկատմամբ հետաքրքրություն և մարդկանց օգնելու ցանկություն
- Ղոչաղ, քթի ծակով ու լավ խասյաթով թեկնածուները կստանան առավելություն
Աշխատանքային ռեժիմը՝ մասնակի զբաղվածություն (շաբաթական 20-30 ժամ, հիմնականում օրվա առաջին կես)։ Կենտրոնի աշխատանքային ժամերն են 10։00-19։00, որոնք կարող են կիսվել երկու հերթափոխի։
Հանգստյան օրերին ձեզ հարմար ժամին կարող է անհրաժեշտ լինել 5-10 րոպե տրամադրել այցելուների հետ կապ հաստատելու համար։ Սա ավելի շատ բացառություն է ու հազվադեպ է պատահում, բայց քանի որ մենք երբեմն գործ ենք ունենում ճգնաժամային իրավիճակների հետ, այս օպցիան պետք է ներառված լինի։
Առաջին ամսվա ընթացքում նախատեսվում է վարձատրվող փորձաշրջան՝ սահմանափակ ժամացուցակով և պարտականություններով
Աշխատավարձը՝ կորոշվի հարցազրույցի և փորձաշրջանի արդյունքում, սկզբնականը՝ շուկայականի բարձր շեմին մոտ
Մեր մասին՝ MHS Հոգեկան առողջության ծառայությունը հիմնադրվել է 2017թ․ և այսօր դարձէլ է ոլորտի առաջատար կազմակերպություններից մեկը, որը ընդունում է տարեկան մոտ 2000 այցելու և որի կազմում ներգրավված են երկրի լավագույն մասնագետները։
Մեր աշխատանքային սկզբունքներն են՝ գիտահեն, ժամանակակից և միջազգային չափանիշներին համապատասխանող մոտեցումների կիրառում, մասնագետների շարունակական կրթություն և զարգացում, ծառայության որակի շարունակական բարձրացում, բարեխիղճ և էթիկական վերաբերմունք բնակչության բոլոր խմբերին, ցանկացած տեսակի խտրականության բացառում։
Մեր առավելությունները՝ թեթև և ուրախ աշխատանքային մթնոլորտ, անձնական աճի լավ հնարավորություններ, հետաքրքիր նախագծեր, աշխատակիցների նախաձեռնությունների խրախուսում և աջակցություն, ընդարձակ և լուսավոր գրասենյակ քաղաքի կենտրոնում։
Մենք անում ենք ամեն ինչ, որպեսզի մեր աշխատակիցները ոչ միայն գոհ լինեն իրենց աշխատանքից, այլ զգան իրենց մեր մեծ ընտանիքի սիրված ու ընդունված մի մաս, և աշխատեն կարևոր գործի մի կարևոր մասնիկ լինելու գիտակցումով։
Դիմելու համար ուղարկեք ինքնակենսագրությունը և հակիրճ մոտիվացիոն նամակը [email protected] Էլ․փոստին
