15/09/2026
🤒Կոկորդում քերծոցի կամ չորության զգացում, ցավ կուլ տալիս, կարմրություն․ այս ախտանշանները հաճախ բնորոշ են ֆարինգիտին՝ ըմպանի լորձաթաղանթի բորբոքմանը։
🦠 Ինչո՞ւ է առաջանում ֆարինգիտը։ Սուր ֆարինգիտի դեպքերի մեծ մասը վիրուսային ծագում ունի։ Այն կարող է զարգանալ մրսածության, գրիպի և այլ շնչառական վիրուսային վարակների ժամանակ։ Ավելի հազվադեպ պատճառը բակտերիալ վարակն է, օրինակ՝ A խմբի ստրեպտոկոկը։ Կոկորդի գրգռմանը կարող են նպաստել նաև չոր օդը, ծուխը և այլ գրգռիչներ։
🔎 Ինչպե՞ս կարող է դրսևորվել։
✔️ կոկորդի ցավ և այրոցի կամ քերծոցի զգացում,
✔️ ցավ կամ անհարմարություն կուլ տալիս,
✔️ կոկորդի կարմրություն և չորություն,
✔️ վիրուսային վարակի դեպքում՝ նաև քթահոսություն, հազ, խռպոտություն կամ ջերմություն։
💡 Կոկորդի ուժեղ ցավը դեռ չի նշանակում, որ անհրաժեշտ է հակաբիոտիկ։ Եթե ֆարինգիտը վիրուսային է, հակաբիոտիկները չեն ազդում վիրուսի վրա։ Բակտերիալ վարակի կասկածի դեպքում բժիշկը կարող է առաջարկել ստրեպտոկոկի արագ թեստ կամ այլ հետազոտություն։
