Իզմիրլյան բժշկական կենտրոն Izmirlian Medical Center

15/09/2026

Ոտնաթաթը մարդու հենաշարժիչ համակարգի կարևորագույն մասերից է, որն ապահովում է մարմնի հենումը և տեղաշարժը։

Ոտնաթաթի ծռվածությունը կամ դեֆորմացիան տարածված խնդիր է, որը կարող է լինել ինչպես բնածին, այնպես էլ ձեռքբերովի: Այն ոչ միայն էսթետիկ խնդիր է, այլև ազդում է քայլվածքի, ողնաշարի և հոդերի առողջության վրա:

11/09/2026

Իզմիրլյան ԲԿ-ի պլաստիկ վերականգնողական վիրաբույժ և միկրովիրաբույժ, ԵՊԲՀ-ի դասախոս Թեհմինե Ասատրյանը ԵՊԲՀ-ում մասնակցել է «Պերիֆերիկ նյարդերի առաջադեմ պատկերային ախտորոշում (ՈւՁՀ, MRN) և ուլտրաձայնային հսկողությամբ միջամտություններ» խորագրով երկօրյա սեմինարին։

Թեհմինե Ասատրյանը հանդես է եկել «Ուլտրաձայնը ծայրամասային նյարդերի վիրաբուժության նախավիրահատական պլանավորման մեջ» զեկույցով և ներկայացրել է կլինիկական դեպքերի շարք։

Հանդիպմանը դասախոսություն է կարդացել նաև Վիեննայի բժշկական համալսարանի պրոֆեսոր, նեյրոմկանային (նյարդային և հենաշարժողական) համակարգերի ճշգրիտ պատկերման և ախտորոշման ոլորտում մասնագիտացած բժիշկ-ռադիոլոգ Սուրեն Ենգոյանը։
Սեմինարը մեծ հնարավորություն էր սովորելու, փոխանակվելու գիտելիքներով ու փորձով, ինչպես նաև ստեղծելու երկարատև մասնագիտական և մարդկային կապեր աշխարհի տարբեր երկրներից ժամանած բացառիկ մասնագետների հետ։

10/09/2026

Մետաբոլիկ և բարիատրիկ վիրահատությունը հուսահատության քայլ չէ։ Այն հիվանդությունների բուժման, դրանց բարդությունները կանխող, գիտականորեն ապացուցված արմատական լուծում է՝որոշիչ քայլ դեպի նոր՝ առողջ կենսակերպ։

09/09/2026

Շատերը կարծում են, որ որովայնի աջ կողմում ցավը լյարդից է։ Սակայն լյարդը, գործնականում, ցավի ընկալիչներ չունի, ուստի անհարմարության զգացում հաճախ կարող է առաջանալ, երբ մեծացած կամ բորբոքված լյարդը ձգում է այն պատող թաղանթը։

Աջ կողմում ցավ լինում է նաև լեղապարկի, լեղուղիների, ստամոքս-աղիքային համակարգի կամ նույնիսկ այլ օրգանների խնդիրներից։

Եթե այն կրկնվող է, երկար է տևում կամ ուղեկցվում է սրտխառնոցով, մաշկի կամ աչքերի դեղնությամբ, թուլությամբ կամ ջերմությամբ, մի՛ զբաղվեք ինքնաբուժմամբ, դիմեք Իզմիրլյան բժշկական կենտրոնի մասնագետներին՝ խորհրդատվության և անհրաժեշտ հետազոտությունների համար։

07/09/2026

Ինչպես է ախտորոշվում և բուժվում հարթաթաթությունը

07/09/2026

Իզմիրլյան ԲԿ-ն աշխատանքի է հրավիրում Տնտեսական գծով փոխտնօրենի

Պահանջվող որակավորումը.
Բարձրագույն կրթություն և առնվազն 5 տարվա տնտեսական կամ ադմինիստրատիվ-տնտեսական կամ ինժեներատեխնիկական աշխատանքի փորձ:

Աշխատանքային գործառույթները.

🔹Իրականացնել բժշկական կենտրոնի տնտեսական գործունեության կազմակերպումը և հսկողությունը:
🔹Ապահովել նյութական և տնտեսական ռեսուրսների ռացիոնալ օգտագործումը, իր ենթակայության տակ գտնվող ստորաբաժանման գործունեության ընթացքը:
🔹Կազմակերպել բոլոր շինարարական և մոնտաժային, վերակառուցման և կապիտալ վերանորոգման անհրաժեշտ հրատապ և պլանային գործընթացները և տրամադրվող միջոցների ռացիոնալ օգտագործումը:
🔹Իրականացնել բժշկական կենտրոնի գործունեության համալիր տնտեսական վերլուծությունը և տեխնիկատնտեսական պլանավորման աշխատանքները:
🔹Կազմակերպել նյութական արժեքների գույքագրման իրականացումը և ոչ պիտանի ապրանքների դուրսգրումը:
🔹Տնօրինությանը ներկայացնել հիվանդանոցի պահեստներից նյութական արժեքների բացթողնման դիմումները, տեղեկագրերը և պահանջագրերը:
🔹Վերահսկել նյութատեխնիկական և տնտեսական մատակարարման պլանի իրականացումը և միջոցներ ձեռնարկել դրանց լիարժեք իրականացման համար: Կազմակերպել պլանային ցուցանիշների պարբերական վերահսկողություն: Ապահովել տնտեսական գործունեության արդյունքների հաշվետվության ժամանակին ներկայացումը տնօրինությանը:
🔹Իր իրավասության սահմաններում կազմակերպել այլ կազմակերպությունների հետ պայմանագրերի կատարումը:
🔹Իրեն ենթակա աշխատակիցներին իրազեկել տնօրինության` իրենց վերաբերող հրամանների, կարգադրությունների, հրահանգների և այլնի մասին:

Պաշտոնի համար դիմող թեկնածուներն իրենց CV-ները կարող են ուղարկել [email protected] էլեկտրոնային հասցեին

02/09/2026

Գործ կա

Իզմիրլյան ԲԿ-ում առկա է Անոթային վիրաբուժության բաժանմունքի վարիչի թափուր հաստիք։

Անոթային վիրաբուժություն մասնագիտացումով թեկնածուները իրենց CV-ները կարող են ուղարկել [email protected] էլեկտրոնային հասցեին

01/09/2026

Պրոկտոլոգիական հիվանդությունների ժամանակ ինքնաբուժումը լավագույն լուծումը չէ։ Այն կարող է ավելի սրել վիճակը և բարդացնել բժիշկի աշխատանքը։ Առաջին իսկ ախտանշանների դեպքում անհապաղ դիմեք մասնագետի։ Դրանով դուք կկանխեք հիվանդության զարգացումը և կօգնեք բժիշկին ավելի հեշտ լուծել ձեր խնդիրը։

31/08/2026

«Ճարպակալում և բարիատրիկ վիրաբուժություն» Որոնք են ճարպակալման էնդոկրին պատճառները, բուժման մեթոդները և արդյոք բարիատրիկ վիրաբուժությունը կարող է համարվել որպես վերջնական լուծում։ Թեմայի շուրջ Հանրային ռադիոյի «Ես առողջ եմ» հաղորդաշարի շրջանակներում խոսել են Իզմիրլյան բժշկական կենտրոնի էնդոկրինոլոգ Սյուզաննա Ղարաքեշիշյանը և ընդհանուր և լապարոսկոպիկ վիրաբույժ Նարեկ Պողոսյանը։

Հաղորդավար և հեղինակ՝ Լուսի ՔոչարյանՀյուրեր՝ Իզմիրլյան բժշկական կ...

29/08/2026

«Իզմիրլյան» բժշկական կենտրոնն այսուհետ ունի նոր թթվածնային կայան։ Կայանի սարքավորումների ձեռքբերումը ֆինանսավորվել է Բուդապեշտում գործող Մալթայի Օրդենի կողմից։ Նույն ծրագրի շրջանակում ֆինանսավորվել է նաև Իզմիրլյան ԲԿ-ի ավտոկլավի ձեռքբերումը։
Թթվածնային կայանի բացման արարողությանը մասնակցելու նպատակով Երևան էին ժամանել Մալթայի Օրդենի ներկայացուցիչներ՝ Ռաքել Շիրժակը և Նորա Սեբեսին։
Համագործակցության մեկնարկը տրվել է 2025 թվականին։