10/07/2026
ԿՈՏՐԵ՞Լ, ԹԵ՞ ԿԱՌՈՒՑԵԼ ԿԱՐԾՐԱՏԻՊԵՐԸ _
Ամենակարծրատիպ No1_«Պետք է կոտրել կարծրատիպերը» 😊
- Հարց. Իսկ հետո՞…
-Պատասխան. Նոր կարծրատիպեր … 😊
⚠️ Եվ այս արատավոր շրջանը կկրկնվի մինչև անվերջություն, եթե այն չփարատենք օգտակարության որոշումով:
❗ Կարծրատիպերի հիմնական ֆունկցիաներն են.
① Ջանքերի (էներգիայի) խնայում _ Որպեսզի ստիպված չլինենք ամեն անգամ իրերն ու երևույթները հասկանալ նորից ու մանրակրկիտ… Հակառակ դեպքում նյարդային համակարգը արագ կհյուծվի, իմացական ունակությունները շատ շուտ կսպառվեն, իսկ գործունեությունը կտապալվի՝ հազիվ սկսած:
② Պաշտպանություն _ Կարծրատիպերը դիմադրում են քննադատությանը և ձևափոխություններին: Երբ նոր փորձն ու կարծրատիպերը հակասության մեջ են մտնում, ապա կարող ենք երկակի ելք ստանալ.
🔻 եթե արդեն վատնել ենք մեզ հասանելիք մտքի ճկունությունը կամ շահերից չի բխում փոխել համոզմունքը, ապա կարող ենք մերժել այդ հակասությունը, կամ ինչ-որ սխալ հայտնաբերել դրանում՝ լիցքաթափելով մտա-հուզական լարվածությունը, և մոռանալ տվյալ իրադարձության մասին…
🔺 իսկ եթե մեր հետաքրքրասիրությունը կամ մտածելու կարողությունները դեռ չեն սպառվել, ապա տվյալ նորույթը ներառվում է արդեն գոյություն ունեցող կարծրատիպի մեջ՝ թեթևակի թարմացնելով այն…
③ Աշխարհի նշագծում _ Աշխարհի և մարդկանց մասին մեր պատկերացումները դառնում են կարգավորված, շատ թե քիչ անհակասական:
_ Այդպիսի պատկերում մեր սովորությունները, հայացքները, ճաշակները, հույսերն ու սպասումները հարմարավետ տեղավորվում են: Ստերեոտիպիկ աշխարհի պատկերը կարող է ոչ լիարժեք լինել, սակայն դա մեզ տրված հնարավոր աշխարհի նկարն է, որի շրջանակներում մենք լավ կամ վատ հարմարվում ենք և կանխատեսում հետագա իրադարձությունները:
🆘 Կարծրատիպերը հիմնականում խանգարում են այն ժամանակ, երբ անհրաժեշտ է դուրս գալ սահմանափակող շրջանակներից և խնդիրներին տալ ոչ ստանդարտ կամ ստեղծագործական լուծումներ:
_ Ինչպես նաև կարող են խոչընդոտել միջանձնային և միջխմբային արդյունավետ փոխհարաբերություններին խտրականության պատճառով:
❓
👇 Կարծրատիպերը «կոտրելուց» առաջ ծանր ու թեթև արեք.
կյանքում քանի՞ դեպքերից քանիսում եք այն աստիճան ստեղծագործում, կամ այնքան ալտրուիստ լինում, որ նախընտրելի է հրաժարվելը սովորություններից, հոգեկան կոմֆորտից և էներգախնայողությունից…
👆 Ե՞րբ եք վերջին անգամ կարծրատիպ կոտրել, և ի՞նչ ձեռքբերում եք ունեցել դրա շնորհիվ…
#հոգեբան #հոգեբանական #խորհրդատվություն #հոգեբանություն #վարքաբանություն #հոգեբանականարվեստանոց
