Antara Medical Center Aruba VBA

23/05/2026

Diahuebs atardi gastroenteroloog Franca tabata na parlamento di Aruba riba invitacion di parlamentario Goeloe. Durante e reunion a papia tocante e tema di prevencion y cancer na tripa. Franca a…

25/04/2026

Cuminsando awe te cu 2 di mei, Aruba hunto cu henter e region ta celebra e di 24 edicion di e Siman di Vacunacion 🗓️🌎

Bou di e lema "Bo decision ta haci e diferencia: Vacunacion pa tur", e campaña e aña aki ta enfoca riba e importancia di cada persona pa tuma e decision responsabel di vacuna🤝💉

Inmunisacion (of vacunacion) ta keda e herment mas potente y sigur pa proteha nos comunidad contra enfermedadnan cu por wordo preveni, garantisando un bida mas largo y saludabel pa tur generacion. 💪✨

Ta importante pa corda cu e mayor parti di e vacunanan cu nos ta uza awe, manera esunnan contra Poliomielitis, Sarampi of tetanos, tin hopi decada caba den uzo rond mundo y a wordo proba door di tempo ⏳📜
Casi nos tur a lanta cu e vacunanan aki y danki na nan, hopi enfermedad cu antes tawata causa daño grave, awe casi no ta existi mas🙌🩺
na e debatenan recien, e vacunanan tradicional aki tin un historia largo di seguridad y eficacia cu a demostra caba di ta bon pa nos salud, duna door di expertonan cu e unico meta di salba bida. 👨‍⚕️👩‍⚕️

Nos ta invita henter e comunidad di Aruba pa check si nan skema di vacunacion ta 'al dia' ✅

🩹 Participa activamente den e siman aki y corda cu cada vacuna cu bo ricibi no solamente ta proteha abo mes, sino tambe bo famia y henter nos comunidad❤️
👨‍👩‍👧‍👦 Bo decision awe ta esun cu realmente ta marca e diferencia pa un mañan mas sano🌟🚀

Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

09/04/2026

06/04/2026

05/04/2026

DVG ta alerta riba uzo iresponsabel di medicina pa baha peso!

Directie Volksgezondheid (DVG) ta alerta comunidad riba uzo cada bes mas frecuente y peligroso di medicamentonan pa baha peso manera Ozempic, Mounjaro, Wegovy y otro producto di e grupo GLP-1.

Den su rol pa promove salud general y prevenci malesanan, DVG a tuma nota di un alerta epidemiologico emiti pa Organizacion Panamericano di Salud (PAHO/WHO) tocante uzo indebido di e tipo di medicamentonan aki.

E medicamentonan aki ta wordo desaroya principalmente pa trata diabetes tipo 2 y den algun caso specifico obesidad cu complicacionnan medico. Sin embargo, nan uzo mester tuma luga exclusivamente bou supervision medico y cu prescripcion di
un doctor, basa riba evaluacion individual di cada pashent.

DVG ta preocupa cu:
⚠E medicamentonan ta wordo uza sin prescripcion, puramente pa baha peso
⚠Tin aumento den compra via canalnan no oficial, manera online of importacion ilegal

Segun PAHO/WHO, e uzo incorecto por causa efecto secundario serio, manera:
🤕Inflamacion di pancreas (pancreatitis)
🤕Probleman cu vesicula biliar
🤕Bloqueo di tripa
🤕Complicacionnan adicional cu ainda ta den investigacion

Compra di e medicacionan aki via canalnan no oficial (ilegal) ta aumenta e riesgo cu e producto por ta falso, contamina of no a wordo warda den condicionnan corecto, poniendo bo salud y bo bida na peligro.

DVG ta haci un yamado na comunidad pa:
👉No uza medicacion pa baha peso sin conseho medico
👉No cumpra producto via canal informal of online (ilegal)
👉Consulta semper cu un profesional di salud prome cu uza cualkier tipo di medicina

DVG lo sigui vigila e situacion y ta haci un yamada na comunidad pa tuma decisionnan reponsabel door di ta bon informa; sea consciente, ta bo salud.

Bo Salud nos Prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

04/04/2026

April ta Luna di Conscientisacion pa Consumo di Alcohol!

Meta di e luna aki ta pa siña tur hende e peligronan di bebe di mas, fomenta un estilo di bida mas saludabel y promove apoyo y tratamento

👉Pakico esaki ta importante?
Abuso di alcohol ta un di e causanan principal di morto cu por wordo preveni, locual ta haci di esaki un problema serio pa salud publico, tanto na Aruba como na resto di mundo. Door di crea consciencia, nos ta yuda reduci e sentimento di berguensa, motiva hende pa busca ayudo y crea un ambiente pa logra recuperacion.

👉Consecuencianan di abuso di alcohol:
- Problemanan fisico: Cirosis di higra, enfermedadnan di curason, riesgo di cancer y daño na otro organonan.
- Problemanan mental y psicologico: Adiccion na alcohol por causa depresion, ansiedad, perdida di memoria y otro trastornonan mental.
- Problemanan social: E ta daña relacionnan familiar, ta conduci na perdida di trabou y problemanan financiero.
- Siguridad: E ta aumenta e riesgo di accidente y heridanan, como tambe e transmision di infeccionnan pa medio di s**o sin proteccion.
- Recuperacion: Abstencion di alcohol por rekeri un proceso largo di recuperacion di salud fisico y mental.
- Impacto general: E ta reduci e speransa di bida y por conduci na complicacionnan fatal

Comparti e informacion aki, educa bo mes y otronan, y boga pa crea ambientenan caminda por papia di e tema y por acoge, sin señala, esnan cu ta padece di alcoholismo.

Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

04/04/2026