Azərbaycan Toksikoloqlar Dərnəyi - Azerbaijan Society of Toxicologists

14/09/2026

Azərbaycan Toksikoloqlar Dərnəyinin tövsiyəsi:

💧 “Cavanlaşma”, “detoks”, “enerji” sistemləri - cəlbedici adlar, bəs sübutlar?

Sağlam insanlarda bu prosedurların orqanizmi “təmizlədiyini” və qocalmanı ləngitdiyini təsdiqləyən inandırıcı elmi sübut yoxdur. Risklər isə realdır: ağır allergik reaksiyalar, infeksiya, damar və böyrək zədələnməsi.

🩺 Venadaxili müalicə yalnız həkimin müəyyən etdiyi tibbi göstərişlər əsasında tətbiq olunmalıdır. Orqanizmi “toksinlərdən təmizləyən” universal sistem mövcud deyil.

❗️Sağlamlığınızla bağlı qərarları reklam vədlərinə əsaslanaraq verməyin. Gözəl ad müalicənin faydalı olduğunu sübut etmir.

08/09/2026

Azərbaycanda 72 212 tibb işçisinin əməkhaqlarının artırılması ilə bağlı qərar səhiyyə ictimaiyyətində böyük sevinc və dərin minnətdarlıq doğuran əlamətdar hadisədir. Bu mühüm addım gecəsini gündüzünə qataraq insan həyatı uğrunda mübarizə aparan, hər bir xəstənin ağrısını öz qəlbində duyan, bilik və bacarığını xalqına xidmətə həsr edən tibb işçilərinin fədakar əməyinə yüksək ehtiramın ifadəsidir.
Azərbaycan Toksikoloqlar Dərnəyinin üzvləri adından səhiyyə işçilərinə göstərilən bu diqqət və qayğıya, əməyimizə verilən yüksək dəyərə görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya dərin minnətdarlığımızı və səmimi təşəkkürümüzü bildiririk!
Bu etimad və qayğı hər birimizi öz peşə borcumuza daha böyük məsuliyyətlə yanaşmağa, xalqımızın sağlamlığı naminə daha əzmlə çalışmağa ruhlandırır. Ən böyük cavabımız isə şəfa tapan insanlar, xilas edilən həyatlar və Vətənimizə layiqli xidmət olacaqdır!

01/09/2026

Teflon, alüminium, plastik: Mətbəxdə nədən qorxmalı, nədən qorxmamalıyıq?

19/08/2026

Криминальные отравления:
от мышьяка и рицина до полония и эпибатидина

Azərbaycan və dünyada baş verən hadisələr haqqında operativ xəbərləri fasiləsiz çatdırır. Xəbərlə bitmir, foto, video, peşəkar reportyor araşdırması, müəllif layihələri və əyləncə...

05/08/2026

🍉 🍉 🍉 Qarpızla bağlı ən böyük qorxu çox vaxt nitratlar olur. Halbuki real həyatda risk daha çox mikroblar və düzgün saxlanmama ilə bağlıdır.

Qarpızı almamışdan əvvəl onun bütöv və zədəsiz olmasına diqqət edin, kəsməzdən əvvəl yaxşı yuyun, doğrandıqdan sonra isə mütləq soyuducuda saxlayın.

Unutmayaq: sağlamlıq miflərdən deyil, real risklərdən qorunmaqla başlayır.

Əlavə məlumat şəkildədə ⬇️

13/07/2026

https://media.az/society/kleshi-zhara-p*shevye-otravleniya-kak-ne-isportit-otdyh-na-prirode-media-az-beseduet-s-toksikologom

С наступлением лета тысячи жителей Азербайджана отправляются на природу. Пикники, семейные прогулки, отдых у рек, в лесных зонах и горной местности становятся неот...

23/06/2026

22–23 iyun 2026-cı il tarixlərində Azərbaycan Toksikoloqlar Dərnəyinin dəstəyi ilə “Kəskin zəhərlənmələrin təcili idarə olunması və müasir müalicə yanaşmaları” mövzusunda intensiv təlim kursu uğurla keçirilib.

Təlim İ.M. Seçenov adına Birinci Moskva Dövlət Tibb Universitetinin Bakı filialının Simulyasiya Mərkəzində təşkil olunub və ölkənin müxtəlif tibb müəssisələrində anesteziologiya-reanimatologiya və təcili tibbi yardım sahələrində çalışan həkimlər tərəfindən böyük maraqla qarşılanıb.

Təlimin rəhbəri - Azərbaycan Toksikoloqlar Dərnəyinin sədri, tibb üzrə fəlsəfə doktoru, dosent İsmayıl Əfəndiyev olub. Kurs Azərbaycan Respublikası Səhiyyə Nazirliyi tərəfindən akkreditasiya olunmuş və 18 DDT balı ilə qiymətləndirilmişdir.

İki gün davam edən proqram çərçivəsində iştirakçılara kəskin dərman və kimyəvi maddələrlə zəhərlənmələr, narkotik vasitələr, alkoqol və yeni psixoaktiv maddələr, dəm qazı ilə zəhərlənmələr, zəhərli heyvan sancmaları, bitki və göbələk mənşəli intoksikasiyalar, antidot terapiyası, detoksikasiya üsulları, kütləvi toksikoloji hadisələrin idarə olunması, ABCDE yanaşması və əsas toksidromlar barədə müasir elmi biliklər təqdim olunub.

Təlimin əsas üstünlüklərindən biri nəzəri biliklərin praktiki məşğələlərlə birləşdirilməsi olub. Simulyasiya Mərkəzində təşkil edilən praktik bacarıq stansiyaları və yüksək reallıqlı klinik ssenarilər vasitəsilə iştirakçılar müxtəlif toksikoloji halların diaqnostika və müalicəsi üzrə praktiki vərdişlərini təkmilləşdiriblər.

Kurs iştirakçıları proqramın yüksək elmi səviyyəsini, interaktiv formatını və gündəlik klinik praktikada tətbiq oluna biləcək bilik və bacarıqlar qazandırmasını xüsusi qeyd ediblər.

21/06/2026

19/06/2026

Последствия ударов по объектам нефтеперерабатывающей промышленности с точки зрения врача-токсиколога

Врач-токсиколог Исмаил Эфендиев даёт рекомендации москвичам, как не...

16/06/2026

🍓 Niyə çiyələk mövsümünün əvvəlində zəhərlənmə halları artır?

Son günlər çiyələkdən sonra özünü p*s hiss edən insanların sayı artıb. Lakin hər belə halı “qida zəhərlənməsi” kimi qiymətləndirmək düzgün deyil. Çiyələkdən sonra yaranan problemlərin səbəbi müxtəlif ola bilər və onları bir-birindən ayırmaq vacibdir.

🔬 Mümkün səbəblər nələrdir?

✅ Pestisid və nitrat qalıqları
Mövsümün əvvəlində bazara çıxarılan çiyələklərin böyük hissəsi istixanalarda yetişdirilir. Bəzən pestisidlərin tətbiqindən sonra tələb olunan gözləmə müddətinə əməl olunmur və məhsul üzərində qalıq maddələr qalır. Həmçinin həddindən artıq azotlu gübrələrin istifadəsi nitratların toplanmasına səbəb ola bilər.

✅ Bakterial və viral çirklənmə
Çiyələk torpağa yaxın yetişir, yumşaq quruluşa malikdir və çox vaxt çiy halda istehlak olunur. Buna görə də bakteriya və viruslarla çirklənmə riski yüksəkdir. Çirkli su ilə yuyulması, düzgün saxlanmaması və ya xarab olmuş gilələrin seçilməməsi qida zəhərlənməsinə səbəb ola bilər.

✅ Allergik reaksiyalar
Bəzi insanlarda çiyələk histamin ifrazını artıraraq allergik reaksiyalara səbəb olur. Qaşınma, səpki, dodaq və dilin şişməsi, hətta nəfəs darlığı yarana bilər. Bu hallar bəzən səhvən zəhərlənmə kimi qiymətləndirilir.

⚠️ Allergiya ilə zəhərlənməni necə fərqləndirmək olar?

🔹 Allergiya adətən meyvə qəbulundan qısa müddət sonra başlayır və daha çox dəri və tənəffüs əlamətləri ilə özünü göstərir.

🔹 Qida zəhərlənməsi isə əsasən ürəkbulanma, qusma, qarın ağrısı və ishal kimi həzm sistemi pozğunluqları ilə müşayiət olunur və simptomlar bir qədər gec inkişaf edir.

🛡️ Riskləri azaltmaq üçün:

✔️ Mövsümün ən erkən məhsullarına ehtiyatla yanaşın; mövsümünə uyğun yerli çiyələyə üstünlük verin.

✔️ Çiyələyi axar su altında yaxşı yuyun.

✔️ Pestisid qalıqlarını azaltmaq üçün 1 litr suya 1 xörək qaşığı soda və ya sirkə əlavə edərək 5 dəqiqə saxlayın, sonra təmiz su ilə yaxalayın.

✔️ Yalnız istifadə etməzdən əvvəl yuyun.

✔️ Soyuducuda (+4°C) saxlayın və xarab olmuş gilələri dərhal ayırın.

✔️ Məhsulu etibarlı və nəzarətdən keçmiş satış məntəqələrindən alın.

👶🤰 Xüsusilə uşaqlar, hamilələr və allergiyaya meylli şəxslər çiyələk istehlakında daha diqqətli olmalıdırlar.

Sağlam və təhlükəsiz qidalanma üçün məhsulun mənşəyinə, gigiyenasına və saxlanma şəraitinə diqqət yetirmək ən etibarlı qorunma yoludur.

#🍓