18/09/2022
🤔Nevrasteniya nədir?
Nevrozların ən geniş yayılmış növlərindən biridir. Ilk dəfə C.Brid tərəfindən təsvir edilmişdir. Nevrasteniya yüksək oyanıqlıq, həssaslıq halları ilə yanaşı, astenik, depressiv sindrom və zəifliklə xarakterizə olunur. Bu xəstəliyi olan şəxslər ən adi iş gördükdə belə tez yorulur, güclü baş ağrılarından, zəiflikdən və yuxu pozğunluğundan əziyyət çəkirlər, əhval ruhiyyələri tez tez dəyişir. Bəzən insanın yaddaşı zəifləyir, tez-tez başı gicəllənir, əzələləri keyləşir, fikrini cəmləyə bilmir.
Nevroloji müayinə zamanı xəstədə heç bir üzvi pozğunluq aşkarlanmadığı halda, reflekslərin yüksəlməsi, əl barmaqlarının titrəməsi kimi bir sıra funksional pozulma əlamətləri ayırd edilir.
📍Nevrasteniyadan əziyyət çəkən xəstələrin başlıca xüsusiyyətlərindən biri də onların son dərəcə öz xəstəliklərini “şişirtmələridir”. Belə ki, nevrastenik özünü həmişə ağır xəstə kimi qələmə verir, müxtəlif həkimlərə müraciət edir, bütün müayinələrdən keçməyə cəhd göstərirlər.
🔺Nevrestiyanın 3 mərhələsi var
🔅Hipersteniya
🔅Qıcıqlandırıcı zəiflik
🔅Hiposteniya
Hipersteniya mərhələsi – rast gəlinən başlıca əlamətlər: qıcığa qarşı həssaslığın artması, səbirsizlik, dözümsüzlük və diqqətin pozulmasıdır. Bəzən fikirlərin dolaşıqlığı da qeyd oluna bilər.
Bir müddət keçdikdən sonra xəstəliyin klinikası tədricən dəyişir
Qıcıqlandırıcı zəiflik mərhələsi – ümumi zəiflik, əhvalın tez – tez enməsi, yuxuculuq kimi əlamətlər meydana çıxır
Hipostenik mərhələ – psixi və fiziki yorğunluğun üstünlüyü ilə cərrəyan edir. İnsanın əmək qabiliyyəti daha da enir, bütün gün əzgin və qəmgin görünür.
🛑Mərhələlərin davamlılığı xəstəliyin ağırlıq dərəcəsindən, orqanizmin fərdi müqavimətindən və xəstəliyə səbəb olan amillərin davam etmə müddətindən asılı olur. Bəzən xəstəlik aylarla bəzən isə illərlə davam edə bilir.
•
•
