Dr Mehdi Gülaliyev, 5-ci mkr. , 20 Yanvar küç. 51(hazırda 88) Bakı, Azərbaycan, Baku (2026)

06/04/2026

Səhər Vərdişi: "Hər səhər 1 qaşıq zeytun yağı və ilıq su: Nələrə səbəb olur?"

Hər sabah yüngül gimnastik idmanla yanaşı qəbul etdiyimiz ilk qida və ya maye günümüzün qalan hissəsinin "ahəngini" müəyyən edir.

🌿 Sizə sadə bir vərdişindən deyil, hüceyrə səviyyəsində bir yenilənmə mexanizmindən bəhs etmək istəyirəm:
Hər sabah 1 xörək qaşığı soyuq sıxılmış (extra virgin) zeytun yağı və üzərindən 1 stəkan ilıq su orqamizmə necə təsir edir?:

🫁 Tənəffüs Sistemi üçün Antioksidant Qalxan
Ağciyərlərimiz gün boyu xarici mühitlə (toz, allergenlər, çirklənmiş hava) təmasda olduğu üçün ciddi oksidativ stressə məruz qalır. Zeytun yağındakı E vitamini və polifenollar bronxların selikli qişasını qoruyur, regenrasiyasını və elastikliyini dəstəkləyir, bədənin iltihab əleyhinə müdafiəsini gücləndirir. Bu, sadəcə yağ deyil, tənəffüs yollarınız üçün təbii bir "yumşaldıcıdır".
🩸 Damarların Dostu (Xolesterin Balansı)
Zeytun yağındakı olein turşusu "p*s" xolesterini (LDL) hədəf alır. Damar keçiriciliyini artıraraq ürək-damar sisteminin yükünü azaldır. Terapevtik baxımdan bu, sağlam bir qan dövranı və stabil təzyiq deməkdir.
🫧 Daxili Detoks və Həzm
Ilıq su ilə birləşən zeytun yağı öd kisəsini və bağırsaq peristaltikasını aktivləşdirir. Toksinlərdən təmizlənmiş bir bağırsaq isə güclü immunitetin təməlidir.

🔥Kimlərə Məsləhət deyil? (Əks göstərişlər)
Hər nə qədər faydalı olsa da, bəzi insanlar ehtiyatlı olmalıdır:
• Öd Daşı Olanlar: Zeytun yağı öd ifrazını kəskin artırdığı üçün, əgər öd kisəsində iri daşlar varsa, bu, daşın hərəkətinə və sancıya (kolik) səbəb ola bilər.
• Mədə-Bağırsaq Yarası (Kəskinləşmə dövrü): Qastrit və ya xora xəstəliyinin kəskinləşmə dövründə yağın birbaşa acqarına qəbulu bəzən ürəkbulanma və ağrı yarada bilər.
• Aşağı Təzyiqi Olanlar: Zeytun yağı damarları genişləndirmə xüsusiyyətinə malik olduğu üçün təzyiqi bir qədər də sala bilər.

Qeyd: Əgər hər hansı xroniki xəstəliyiniz və ya müntəzəm qəbul etdiyiniz dərmanlar varsa, bu vərdişə başlamazdan əvvəl həkiminizlə məsləhətləşməyiniz ən doğru addımdır.

Özünüzü və sağlamlığınızı qoruyun!

SəhərRitualı SağlamHəyat Xolesterin

21/01/2024

Öskürəyin müalicəsi zamanı buraxılan səhvlər:

👉 Dərmanların səhv seçimi !

Bəlğəmli öskürək zamanı bəlğəm asanlıqla və ya çətinliklə xaric ola bilər.
📌 Birinci halda, ağciyərlər və ya bronxlar bəlğəmdən rahatlıqla təmizlənir. Bu halda təyin edilən dərmanların məqsədi bu işdə ona kömək etmək, sağalma prosesini sürətləndirməkdir. Buna görə də, bu vəziyyətdə ekspektoran (sekretomotor) agentlər kifayətdir.

📌 İkinci halda adətən tənəffüs sistemi yoluxucu infeksiyaya məruz qalır, iltihabi sekresiyanın konsistensiyası zamanla artır, qatılaşması baş vermiş olur və bu da onun ləngiməsinə səbəb olur. Bu halda ağciyərlərin bəlğəmdən təmizlənməsi prosesini stimullaşdıran preparatlar təyin edilməlidir. Sekretolitik dərmanlar bu prosesi stimullaşdırır. Onlar selik istehsalını aktivləşdirir və bəlğəmin xaric olmasını asanlaşdırmaq üçün onu durulaşdırır.

👉 Öskürəyin yatırılması !

Bir çox insanlar öskürək refleksini müstəqil bir xəstəlik kimi qəbul edir və onu yatırmağa çalışırlar. Ancaq bilmək vacibdir ki, öskürək, ağciyər və bronxların təmizlənməsini təmin edən orqanizmin təbii müdafiə reaksiyasıdır.

📌 Antitüsivləri (öskürək əleyhinə dərmanlar) qəbul edilməsi, əgər bəlğəm varsa yolverilməzdir. Çünki onun xaric olmasına mane olacaq, ağciyərlərdə və bronxlarda yığılmasına, xəstəliyin ağırlaşmasına səbəb olacaqdır. Bu halda bəlğəmgətiricilər və ya sekretolitiklər qəbul edilməlidir.

📌 Antitüsiv dərmanlar yalnız quru öskürək üçün icazə verilir. Onları təyin etmək üçün öskürək refleksinin ürək-damar, endokrin və ya nevroloji xəstəliklərdən qaynaqlandığına əmin olmaq vacibdir.

🗨 Özünüzü və sağlamlığınızı qoruyun!

bronxit öskürək bronxit reflüks xəstəliyi preparatlar preparatlar axıntı

07/01/2024

Bəlğəmin rəngləri nələrdən xəbər verir!

📌 Yaşıl bəlğəm

- Yaşıl bəlğəm aktiv bakterial infeksiyanın əlamətidir. Sinusit, sətəlcəm, kistik fibroz, ağciyər absesi və s. xəstəliklər zamanı yaranmış olur.

📌 Ağ bəlğəm

- Ağ bəlgəm tənəffüs yollarında iltihabı prosesin işarəsidir. Sonrakı mərhələlərdə sarı və ya yaşılımtıl olur.
- Digər səbəbi ekoloji cəhətdən hava çirkliliyi fonunda orqanizmin intoksikasiyasıdır.
- Müəyyən dərmanların qəbulu zamanı da yarana bilər.
- Əgər ağ bəlğəm topalar şəklində ifraz olunursa və konsistensiyası qıvrılmış formaya bənzəyirsə, bu, göbələk mənşəli pnevmoniyanın əlaməti ola bilər.

📌 Boz və ya qaramtıl bəlğəm

- Bəlğəmin açıq boz rəngi yoluxucu xəstəliklərin başlanğıc mərhələsi üçün xarakterdir. KRVI, qrip zamanı müşahidə olunur.
- Tünd boz və ya qara bəlğəm şaxtaçılar və digər oxşar peşə sahiblərində müşahidə olunur.
- Coca-Cola, tünd çay, şokolad kimi məhsulların tərkibindəki rəngləndirici maddələr də bəlğəmə tünd rəng verə bilər.
- Uzun müddət siqaret çəkmək də boz və qara bəlğəm yarada bilər.
- Vərəmin kəskin mərhələsi, həmçinin tənəffüs sistemi xərçəngi zamanı boz rəngli bəlğəm müşahidə oluna bilər.

📌 Sarı bəlğəm

- Sarı bəlğəm tənəffüs yolları infeksiyasına immun sistemnin bir növ cavab reaksiyasıdır. KRVI, bronxit, sinusit və s. zamanı baş verir.
- Sarı bəlğəmin tərkibində irin çirkləri pnevmoniya əlamətidir. Parlaq kanareyka rəngi Aspergillus kifinin yaratdığı xəstəlik olan pulmonar aspergilloz üçün xarakterikdir.

📌 Paslanmış və ya qəhvəyi rəngli bəlğəm

- Bəlğəmin paslı rəngi, eləcə də qəhvəyi çalarları siqaret çəkənlərdə tez-tez olur. Bu, tütünün yanma məhsullarının yığılması nəticəsində baş verir.
- Bəlğəmın qırmızı tonu tənəffüs yollarında qan əlamətidir. Bununla belə, narahatlığa ehtiyac yoxdur. Bu, güclü öskürək zamanı kiçik qan damarlarının zədələnməsi zamanı baş verir və bəlğəm nə qədər tünd qara olarsa, damar zədələnməsindən daha çox vaxt keçməsini göstərir.
- Qəhvəyi və pas rəngli bəlğəm bronxların, ağciyərlərin iltihabı xəstəlikləri, qan damarlarının tıxanması, sətəlcəm, kistik fibroz, ağciyər absesi zamanı müşahidə olunur.
🗨Özünüzü və sağlamlığınızı qoruyun!

Address

5-ci Mkr. , 20 Yanvar Küç. 51(hazırda 88) Bakı, Azərbaycan
Baku
STARLABKLINIKASI

Telephone

+994502726225

Website

http://starlab.az/

Alerts

Be the first to know and let us send you an email when Dr Mehdi Gülaliyev posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Mehdi Gülaliyev:

Dr Mehdi Gülaliyev