22/03/2023
Qaraciyər yağlanmasına nə səbəb olur?
Çoxları bu barədə heç vaxt eşitməyib. Amma məhz bu xəstəlik qaraciyərlə bağlı problemin yaranmasına səbəb olur. Hətta heç vaxt spirtli içki içməyən və hepatit xəstəsi olmayanlarda da.
Qeyri-alkoqol mənşəli qaraciyər piylənməsi xəstəliyi (QAQPX) və ya daha sadə dildə desək, qaraciyər yağlanması sirrozun üçüncü səbəbidir (alkoqolizm və viral hepatitdən sonra).
Son məlumatlara görə, bu xəstəlik yetişkin insanların 30%-də var.
Piylənmə zamanı qaraciyərdə yağ toplanır. Qaraciyər nə qədər çox yağlanarsa, funksiyası da bir o qədər pozulur.
Amma qaraciyər çox dözümlü orqandır. Bir çoxları bunun fəsadları ilə üzləşir: qaraciyər piylənməsi ilə bağlı əlamətlər illərlə üzə çıxmaya bilər və ya simptomları çox zaman digər xəstəliklərlə əlaqələndirilir.
Aşağıdakı əlamətlərə diqqət yetirin:
🔸️Xroniki yorğunluq, zəiflik;
🔸️Daima dəri problemlərinin olması: sızanaq, ekzema, dermatit;
🔸️Yeməkdən sonra özünü p*s hiss etmək: ürəkbulanma, yan tərəfdə ağırlıq hissi, ağızda acılıq və s.;
Bu əlamətlərin olması onu göstərir ki, qaraciyərin sağalması yönündə təcili tədbirə ehtiyac var!
Bəs, spirtli içki və viruslardan başqa, başqa nələr piylənmə və qaraciyər xəstəliyinə səbəb olur? QAQPX-i üçün risk faktorları:
🔻 piylənmə
🔻 2-ci tip şəkərli diabet
🔻 rasionda karbohidrat çoxluğu
🔻 rasionda zülalın həddindən artıq və ya əksinə, çox az olması
🔻 şəkər, konserv və yarımfabrikatları tükətmək
🔻 dərmanların nəzarətsiz qəbulu
🔻 fiziki aktivliyin az olması
Hətta yanlış tərzdə çəki vermək də qaraciyər piylənməsinə səbəb ola bilər.
Bu amillərin əksəriyyəti birbaşa qidalanma ilə bağlıdır. Deməli, pəhrizinizi dəyişdirməklə qaraciyərinizi qoruya və onun normal fəaliyyətini bərpa edə bilərsiniz!
