25/03/2022
Hər kəsin şikayətçi olduğu mədə-bağırsaq problemləri.Xora xəstəliyi mədə və onikibarmaq bağırsağın ən çox rast gəlinən xəstəliyidir.
Xora-mədə və onikibarmaq bağırsaq divarının selikli qişadan başlayan dərin qüsurudur. Bir çox mütəxəssislər bu xəstəliyi mədə şirəsinin aqressiv təsiri nəticəsində meydana çıxdığını bildirirlər.
Yaranma səbəbləri: son dövrlərdə əsas səbəb kimi:
1. Mədənin hipersekretor funksiyası (HCl turşusunun normadan artıq ifrazı)
2.Helicobacter pylori (H.P.) bakteriyası
3.Davamlı və ya uzunmüddətli qeyri-steroid iltihab əleyhinə preparatların qəbulu (aspirin, ibuprofen və s.)
4.Qeyri düzgün qidalanma göstərilir.
Simptomları: ən xarakter simptomlardan biri qarın nahiyəsinin yuxarı hissəsində ağrının yaranmasıdır, bu çox vaxt ac olan zaman meydana çıxır. Ağrı gecələr də meydana çıxa bilər və bu zaman pasient məcburi qalxaraq ya dərman, ya da qida qəbul etməli olur. Xəstəlik üçün spesifik olmayan əlamətlərdən isə ürəkbulanma, qida qəbulundan sonra mədədə ağırlıq hissi, mədənin dolma hissi, nadir halda rahatlıq gətirən qusma, iştahanın azalması, bədən kütləsinin azalması, qıcqırmanı göstərmək olar. Əgər bu simptomlar artıq xoranın kəskinləşməsindən sonra meydana çıxıbsa, bu, çox hallarda ağırlaşmaların verdiyi nəticələrdir.
Xora xəstəliyinin ağırlaşmaları.
Ağırlaşmalara aşağıdakılar aiddir:
1. qanaxma
2. perforasiya (deşilmə)
3. stenoz (mədə və ya onikibarmaq bağırsağın çıxış hissəsinin daralması)
Hospitalımızın savadlı həkimlərinə müraciət edərək bu problemlərdən azad ola bilərsiniz. Sağlamlığınız bizim üçün çox dəyərlidir.
📍Quba rayonu H. Əliyev prospekti 451D
📞+994516192444
📞+994776192444
🇦🇿
