Respublika Neyrocərrahiyyə Xəstəxanası

07/05/2026

Respublika Neyrocərrahiyyə Xəstəxanasında Xüsusi təhlükəli infeksiyalara görə mövzusunda maarifləndirici təlim təşkil olunub.

Təlim Respublika Gigiyena və Epidemiologiya Mərkəzinin Xətai rayonu Epidemioloji şöbəsinin müdiri Minaxanım Hüseynova tərəfindən keçirilib. Tədbirdə xəstəxananın həkim, orta tibb işçiləri və digər əməkdaşları iştirak ediblər.

Çıxışı zamanı M.Hüseynova xüsusi təhlükəli infeksiyaların yayılma yolları, profilaktik tədbirlər, infeksiyaların erkən aşkarlanması və tibbi müəssisələrdə sanitar-gigiyenik qaydalara əməl olunmasının vacibliyi barədə ətraflı məlumat verib.

O, həmçinin fövqəladə epidemioloji hallarda operativ fəaliyyətin təşkili, qoruyucu vasitələrdən düzgün istifadə və infeksiyaya nəzarət tədbirlərinin gücləndirilməsinin əhəmiyyətini vurğulayıb.

Bildirilib ki, təlimin əsas məqsədi tibb müəssisələrində epidemioloji təhlükəsizliyin təmin olunması, ekoloji təhlükəsizliyin qorunması və sağlam iş mühitinin formalaşdırılmasına töhfə verməkdir.

Tədbir çərçivəsində iştirakçılara infeksiya nəzarəti sahəsində mövcud qaydalar, dezinfeksiya prosedurları və tibbi tullantıların düzgün idarə olunması ilə bağlı tövsiyələr də təqdim olunub.

Tədbirin sonunda mövzu ətrafında geniş müzakirələr aparılıb, iştirakçıları maraqlandıran suallar ətraflı şəkildə cavablandırılıb və xüsusi təhlükəli infeksiyalarla mübarizə sahəsində qarşılıqlı fikir mübadiləsi həyata keçirilib.

05/05/2026

Respublika Neyrocərrahiyyə Xəstəxanasında təlim keçirilib.

Xəstəxananın Tibb bacıları şöbəsinin baş tibb bacısı Səidə Babayeva tərəfindən Ümumdünya Əl Gigiyenası Günü mövzusunda geniş tərkibli təlim təşkil olunub.

Təlimdə tibb personalı iştirak edib.

Təlimin əsas məqsədi əl gigiyenasının əhəmiyyəti, infeksiyaların qarşısının alınmasında rolu və düzgün əl dezinfeksiyası qaydaları barədə biliklərin artırılması olub.

Təlim çərçivəsində müvafiq şöbələrin baş tibb bacıları tərəfindən praktik tövsiyələr təqdim olunub, əl gigiyenasının düzgün tətbiqi üsulları əyani şəkildə nümayiş etdirilib.

Sonda iştirakçıların sualları cavablandırılaraq, mövzu ətrafında müzakirələr aparılıb.

04/05/2026

20/04/2026

Respublika Neyrocərrahiyyə Xəstəxanasında təlim keçirilib.

Xəstəxananın Tibb bacıları şöbəsinin baş tibb bacısı Səidə Babayeva tərəfindən “Tibbi tullantıların idarə edilməsi” mövzusunda geniş tərkibli təlim təşkil olunub.

Təlimdə tibb personalı iştirak edib.

Təlimin əsas məqsədi tibbi tullantıların düzgün idarə olunması, onların təhlükəsiz toplanması, daşınması və utilizasiyası qaydaları barədə bilik və bacarıqların artırılması olub.

Təlim çərçivəsində həmçinin xəstələrin qiymətləndirilməsi, risk faktorlarının müəyyən edilməsi, diaqnostik üsullar, intensiv terapiya prinsipləri və cərrahi müdaxilə göstərişləri barədə ətraflı məlumat verilib.

Sonda iştirakçıların sualları cavablandırılıb və mövzu ətrafında müzakirələr aparılıb.

17/04/2026

Hər il 17 Aprel tarixi dünyada Ümumdünya Hemofiliya Günü kimi qeyd olunur.

Bu günün qeyd olunmasının əsas məqsədi hemofiliya və digər irsi qanaxma xəstəlikləri barədə ictimaiyyətin maarifləndirilməsi, xəstələrin problemlərinə diqqət çəkilməsi və onların dəstəklənməsidir.

15/04/2026

Qlioma nədir?

Qlioma, beyin və ya onurğa beynindəki dəstəkləyici hüceyrələrdən (qlial hüceyrələr) inkişaf edən, sinir uclarını əhatə edən şişlərin ümumi adıdır. Bu şişlər əsasən beyin daxilində böyüyür və bədxassəli ola bilər.

Qliomanın əlamətləri

-davamlı baş ağrıları və ya səhər qusmaları;
-görmə qabilliyyətinin itməsi, eşitmə, ikiqat görmə;
-tarazlıq və yerimə çətinliyi;
-epileptik tutmalar (qıcolma);
-şəxsiyyət və ya davranış dəyişiklikləri.

Qliomanın növləri

-Astrositomalar;
-Pilositik astrositoma (I dərəcə);
-Diffuz astrositoma (II dərəcə); -Anaplastik astrositoma (III dərəcə); -Oliqodendroqliomalar; -Qlioblastoma (IV dərəcə); -Ependimomalar.

Qliomanın diaqnostikası

-MRT (Maqnit Rezonans Tomoqrafiya);
-KT (Kompüter Tomoqrafiyaı);
-Biopsiya;
-Molekulyar Genetik Analiz.

Müalicə Üsulları

-Cərrahi əməliyyat;
-Radiasiya Terapiyası (Şüa Müalicəsi);
-Kimyaterapiya;
-Hədəli Terapiya;
-Müşahidə.

Respublika Neyrocərrahiyyə Xəstəxanası
Xudu Məmmədov küçəsi 4
Əlaqə: +994 12 3716001

14/04/2026

-böyük uğurdur! #

Respublika Neyrocərrahiyyə Xəstəxanasına müraciət edən pasiyent uğurlu əməliyyatdan sonra ambulator müalicə üçün evə buraxılıb.

Pasiyent baş ağrıları, sağ əl və ayağlarda zəiflik sikayətləri ilə Respublika Neyrocərrahiyyə Xəstəxanasına müraciət olunub.

KT müayinə nəticəsinə əsasən, pasiyentdə sol alın-təpə nahiyyədə, hərəkət mərkəzinin (precentral gyrus) həmən üzərində böyük ölçülü (8*5 sm) meningioma aşkar edilib və cərrahi əməlliyat olunması qərara alınıb.

Həkim-neyrocərrah Kərəm Əsgərov tərəfindən sol alın-təpə parasaggital (orta xəttə yaxın) kraniotomiya üzrə cərrahi əməliyyat uğurlu icra edərək, pasiyent nevroloji defisitsiz ambulator müalicə üçün evə buraxılıb.

Bizim üçün hər bir pasiyentin sağlamlığı və gülümsəməsi ən böyük mükafatdır.

10/04/2026

Respublika Neyrocərrahiyyə Xəstəxanasında təlim keçirilib.

Respublika Neyrocərrahiyyə Xəstəxanasının farmakonəzarət üzrə məsul şəxsi Sevinc Ağayeva tərəfindən “Elektron resept istifadəçi təlimatı” mövzusunda geniş tərkibli təlim təşkil olunub. Təlimdə tibb personalı iştirak ediblər.

Təlimin əsas məqsədi elektron resept sisteminin düzgün və effektiv istifadəsini təmin etmək, həkim və digər tibb işçilərinin bu sahədə bilik və bacarıqlarını artırmaq olub.

Bununla yanaşı, təlim zamanı elektron reseptlərin yazılması qaydaları, sistemdə qeydiyyat və istifadə prosesi, həmçinin qarşıya çıxa biləcək texniki məsələlərin həlli yolları iştirakçılara ətraflı izah edilib.

İştirakçıların sualları cavablandırılıb və praktiki nümunələr üzərində izahlar aparılıb.

08/04/2026

8 Aprel – Ümumdünya Neyrocərrahlar Günüdür.

Beyin və sinir sistemi xəstəlikləri ilə mübarizədə böyük məsuliyyət və dəqiqliklə çalışan, hər gün həyatlara ümid olan bütün neyrocərrahları ürəkdən təbrik edirik!

Respublika Neyrocərrahiyyə Xəstəxanası olaraq, bu şərəfli peşəyə həyatını həsr edən həkimlərimizə sonsuz təşəkkür edir, onlara güc, səbr və yeni uğurlar arzulayırıq.

✨ Əlləriniz şəfa, yolunuz daim işıqlı olsun!

07/04/2026

Respublika Neyrocərrahiyyə Xəstəxanasında təlim keçirilib.

Xəstəxananın Baş-beyin şöbəsinin həkim-neyrocərrahı Elşən Hüseynzadə tərəfindən “Subaraxnoidal qanamaların menecmenti” mövzusunda geniş tərkibli təlim təşkil olunub.

Təlimdə tibb personalı iştirak edib.

Təlimin əsas məqsədi subaraxnoidal qanamaların erkən diaqnostikası, düzgün klinik yanaşma və müasir müalicə metodları üzrə iştirakçıların bilik və bacarıqlarını artırmaqdan ibarət olub.

Təlim çərçivəsində xəstələrin qiymətləndirilməsi, risk faktorlarının müəyyən edilməsi, diaqnostik üsullar, intensiv terapiya prinsipləri və cərrahi müdaxilə göstərişləri barədə ətraflı məlumat verilib.

Sonda iştirakçıların sualları cavablandırılıb və mövzu ətrafında müzakirələr aparılıb.

03/04/2026

Respublika Neyrocərrahiyyə Xəstəxanasında təlim keçirilib.

Respublika Neyrocərrahiyyə Xəstəxanasının farmakonəzarət üzrə məsul şəxsi Sevinc Ağayeva tərəfindən “Dərman vasitələrinin saxlanılması və düzgün istifadə qaydaları” mövzusunda geniş tərkibli təlim təşkil olunub.

Təlimdə tibb personalı iştirak ediblər.

Təlimin əsas məqsədi dərman vasitələrinin düzgün saxlanma şəraitinə riayət olunmasının vacibliyini diqqətə çatdırmaq, onların keyfiyyətinin qorunması, təhlükəsiz və effektiv istifadəsinin təmin edilməsi ilə bağlı iştirakçıların bilik və bacarıqlarını artırmaqdan ibarət olub. Bu çərçivədə dərmanların temperatur rejimi, rütubətə həssaslıq, saxlanma müddətləri, yararlılıq tarixlərinin izlənməsi, qablaşdırma qaydaları və istifadədən əvvəl yoxlanılması kimi mühüm məqamlar ətraflı izah edilib.

Bununla yanaşı, təlim zamanı dərman vasitələrinin düzgün istifadəsi zamanı buraxılan tipik səhvlər, onların qarşısının alınması yolları, eləcə də farmakonəzarətin əhəmiyyəti və bu sahədə məsul şəxslərin rolu barədə məlumat verilib.

Real nümunələr və praktik vəziyyətlər üzərindən aparılan izahlar mövzunun daha yaxşı mənimsənilməsinə kömək edib.

İnteraktiv formada keçirilən təlim zamanı iştirakçıların sualları cavablandırılıb, onların gündəlik fəaliyyətlərində rastlaşdıqları çətinliklər müzakirə olunub və qarşılıqlı fikir mübadiləsi aparılıb.