28/04/2026
Ərşad Əzimzadə
DURNA BULAĞI
romandan parça.
-Fərhad müəllim, fürsətdən istifadə edib, izləyicilərimizə məlumat verim ki, bu günlərdə Rusiya Baş nazirinin müavini Bakıya gəlmişdi, Moskvanın təyyarə qəzası zamanı zərər çəkənlərə və “Azala” təzminat ödəməsi məsələsi həll olundu.
-Qaldı təyyarənin vurulmasında əli olan cinayətkarları cəzalandırılmaq.
-Sizcə, Putin buna gedəcəkmi?
-Özünü “paxan” kimi aparan, ölkəni bandit qanunları ilə idarə edən Putin sözdə “özümüzünküləri satmırıq” deyir. Amma Əliyev ayağını bərk dirəsə, bərkdə əli olmayan Putin, bir-iki hərbiçini cəzalandıracaq. Bu adam “özümüzünküləri satmırıq” deyə-deyə, Bəşər Əsədi satdı, Maduranı satdı, Xameneyini satdı, Kubanı satmağa hazırdı. Onun “sevimli qardaşı” Tramp da ən yaxın və ən güclü müttəfiqi olan Bıyük Britaniyanı satdı, Avropanın aparıcı dğvlətlərini satdı, ərəb ölkələrini satdı, Zelenski müqavimət göstərməsəydi, Ukrainanı da uc uz qiymətə satacaqdı. Hər ikisi, Putini də Trampı da çox uğursuz adamdır. Tələbə yoldaşları Putinə “okurok” (“papiros kötüyü”) deyirdilər, sistemdə işləyəndə “bledniy mol” ləqəbi qazandı. Yəni, “üzü solğun biyə”. Nə “çekist” kimi, işdə bir uğur qazana bidi, nə də idmançı kimi savaş meydanında. Heç kəs Rusiyaya Putin qədər ağır zərbə vurmamışdı. Eyni sözləri 6 dəfə bankrot olan, hər dəfə Moskvanın köməyi ilə dirçələn uğursuz biznesmen Tramp haqqında demək olar. Amerikanı yan üstə qoydu. Dövləti nüfuzdan saldı, ölkənin adını batırdı, ABŞ-ın müttəfiqlərini küsdürdü. Cəmiyyəti bir işıqlı ideya ətrafında birləşdirmək əvəzinə, onu taxta oturdan “respublikaçılar” partiyasını da parçaladı. İndi də meydanda tək qalıb. Dünyanı NATO-dan çıxmaqla hədələyir. Bəhanəsi də budur ki, Avropa ölkələri, Avropa İttifaqı onu İrana qarşı müharibədə dəstəkləmədi.. Avropa da deyir “Biz səndən təcavüz qurbanı olan Ukrainaya yardım istəyəndə, sən bizə arxanı çevirdin, dedin, o mənim müharibəm deyil, Baydenlə Zelenskinin müharibəsidir. İndi də biz deyirik: İran müharibəsi bizim müharibəmiz deyil. Özün, bizimlə məsləhətməşdən, başlamısan, özün də bitir. Quyruğun qapı arasında qalıb deyə, biz yada düşmüşük”.
-Fərhad müəllim, Rusiya-UKraina danışıqları kimi, ABŞ-İran danışıqları da bir səmərə vermir. Dünən Zelenski Qəbələdə bəyan etdi ki, buz Ukraina-ABŞ-Rusiya danışıqlarının Azərbaycanda keçirilməsinə razıyıq. Sizcə, bu, baş verə bilərmi?
–Bloklara qoşulmayan, müstəqil siyasət yeridən sülhsevər Azərbaycan əks mövqelərdən çıxış edən qüvvələrin Bakıda görüşüb danışıqlar aparması sahəsində yaxşı təcrübə qazanıb. Yadında qalıbsa, bir vaxtlar NATO-nun yüksək rütbəli zabitləri ilə Rusiyanın zabitləri Bakıda görüşlər keçirdi. Tərəfləri öz iradəsinə tabe etdirməyə çalışan Moskvadan fərqli olaraq, sülhsevər Bakı heç kəsin işinə qarışmır, çalışır ki, danışıqlar dinc şəraitdə getsin, səmərəli olsun. Amma güman etmirəm ki, Rusiya-Ukraina və ABŞ-İran problemləri danışıqlar yolu ilə həll olunsun. Bilirsən niyə? Ona görə ki, milliyətindən, məkanından asılı olmayaraq, diktatorun başa düşdüyü tək bir dil var - güc dili. Əgər diktator normal düşünə bilsəydi, səmərəli danışıq aparmaq qabliyyətinə malik olsaydı, diktator olmazdı. Mənim fikirimcə, hər iki münaqişə döyş meydanında həll olunacaq. Qarabağda olduğu kimi. Ən böyük, ən güclü dövlətlərin nümayəndələri düz otuz il gəlib-getdi. Nəticəsi sıfır oldu. Dünyada gərginlik ilbəil artır. Biz təskinliyi onda tapa bilərik ki, Şimalında və Cənubunda müharibə gedən Azərbaycan öz xarici siyasətini düzün qurub. Sükan etibarlı əllərdədir. Kapitan gəmini sualtı daşlardan sovuşdurmağı yaxşı bacarır.
-Son sualım belə olacaq sizcə, Qəbələdə imzalanan sənədlər Azərbaycan-Ukraina münasibətlərini hansı səviyəyə qaldıracaq?
-Hələlik danışıqların və imzalanmış 6 sənədin detalları açıqlanmayıb. Bəlli olan budur ki, liderlər təhlükəsizlik, erergetika və iqtisadiyyat məsələlərini geniş müzakirə ediblər. Mənə bir Azərbaycan vətəndaşı kimi, ləzzət verən budur ki, prezidentimiz, Putinin təziqinə, təkidinə və hədəsinə baxmayaraq, onun bir nömrəli düşmənini qəbul etdi. Özü də onu , doğma qardaş kimi, bağrına basdı. Bu, o deməkdir ki, artıq Rusiya imperiya, Putin isə imperator deyil, daha Azərbaycan ondan qorxmur. Halbuki Qazxstan və digər Mərkəzi Asiya dövlətləri Zelenskini qəbul etməkdən çəkindi. – Alim kiçik fasilədən sonra əlavə etdi: - Zelenskinin Türkiyədə başlayan, Avropa ölkələrindən və Fars körfəzindəki ərəb dövlətlərindən keçən, Azərbaycanda yekunlaşan voyajının çox dərin siyasi mənası var. Hərdəmxəyal Trampın saykasına daha bel bağlamayan Kiyev belinə dünyanın güclü və etibarlı dövlətlərindən kəmər bağlayır. Bu gün praqmatik xarici siyasət yürüdən Azərbaycan isə, dünyanın ən güclü dövləti olmasa da, ən etibarlı müttəfiqdir. Biz özümüzü etibarlı neft, qaz, elektrik enerjisi təminatçısı kimi təsdiqləmişik. Bizim liderin sözü – kişi sözüdür. Son illər, Ukraina kimi, Azərbaycan da müasir silah istehsalı sahəsində də güclü sıçrayış edib. Güman edirəm ki, iki ölkənin başçısı bilikləri, səyləri və vəsaitləri birləşdirib, ən yeni və ən ucuz müdafiə və hücum silahı istehsal etmək barədə sənəd imzalıyıb. Yeni dronlar həm kəşviyat aparacaq, həm səmanı düşməndən qoruyacaq, həm də lazım olan nöqtələrə güclü zərbə endirəcək. Biz Şimalda Putin rejimindən, Cənubda isə molla rejimindən birlikdə qorunacağıq.
-Fərhad müəllim, gəlin elə bu xoş notlarla da verilişimizi yekunlaşdıraq. Bir daha sizə öz minnətdarlığımı bildirirəm.
