Respublika Pediatriya Mərkəzi

04/06/2026

Respublika Pediatriya Mərkəzində 1 İyun – Uşaqların Beynəlxalq Müdafiəsi Günü münasibətilə tədbirlər təşkil olunub.

Tədbirin məqsədi Mərkəzdə müalicə alan uşaqların asudə vaxtının səmərəli təşkili, onların psixoloji dəstəklənməsi, eləcə də tibb işçilərinin peşəkar inkişafına töhfə verməklə pediatrik xidmətlərin keyfiyyətinin artırılmasına dəstək göstərmək olub.

İki hissədən ibarət olan tədbirin ilk mərhələsində Uşaq Nevroloji Xəstəxanasında müalicə və reabilitasiya alan uşaqlar üçün xüsusi əyləncə proqramı təşkil edilib. Proqram çərçivəsində köpük şousu nümayiş olunub, müxtəlif personajların iştirakı ilə interaktiv oyunlar və əyləncəli səhnəciklər təqdim edilib. Həmçinin üzboyama fəaliyyəti təşkil olunaraq uşaqların tədbirdə daha fəal iştirakı təmin edilib.

Əyləncə proqramının davamı olaraq personajlar tibb müəssisəsinin şöbələrini ziyarət edərək şou-proqramda iştirak etmək imkanı olmayan uşaqlar üçün qısamüddətli oyunlar və müxtəlif əyləncəli fəaliyyətlər həyata keçiriblər. Bu təşəbbüs uşaqların bayram sevincini xəstəxana şəraitində də yaşamalarına imkan yaradıb.

Tədbirin ikinci hissəsində “Tibb personalı üçün inkişaf forumu” keçirilib. Forum çərçivəsində “Qorxan uşağa necə yaxınlaşmalı?”, “Tükənmişlik sindromu: pediatrlarda görünməyən problem”, “Uşaq evin güzgüsüdür: ailələrin görünməyən tərəfləri” və “Valideynlə kommunikasiya” mövzularında təqdimatlar edilib.

Sahə mütəxəssislərini bir araya gətirən forum tibb işçilərinin peşəkar bilik və bacarıqlarının artırılmasına, pediatrik xidmət zamanı effektiv kommunikasiya və müasir psixoloji yanaşmaların tətbiqinə dəstək göstərilməsi məqsədi daşıyıb.

Respublika Pediatriya Mərkəzi uşaqların sağlamlığının qorunması və onlara göstərilən tibbi xidmətlərin keyfiyyətinin yüksəldilməsi istiqamətində fəaliyyətini davam etdirir.

01/06/2026

Respublika Pediatriya Mərkəzində Uşaqların Beynəlxalq Müdafiəsi Gününə həsr olunan tədbir keçirilib

Tədbirdə iştirak edən TƏBİB-in İcraçı direktorunun müşaviri Töhfə Cəmilova, Respublika Pediatriya Mərkəzinin direktoru Erkin Rəhimov, Milli Məclisin deputatı, Səhiyyə Komitəsinin üzvü İlham Məmmədov, Azərbaycan Pediatriya Cəmiyyətinin sədri Əli Quliyev və digər rəsmi şəxslər çıxış edərək uşaqların sağlamlığının qorunmasının və pediatrik xidmətlərin inkişafının əhəmiyyətindən danışıblar.

Uşaqların Beynəlxalq Müdafiəsi Gününə həsr olunan tədbirin keçirilməsində məqsəd Uşaq Nevroloji Xəstəxanasında müalicə alan uşaqların asudə vaxtının səmərəli təşkili, onların psixoloji dəstəklənməsi, eləcə də tibb işçilərinin peşəkar inkişafına töhfə verməklə pediatrik xidmətlərin keyfiyyətinin artırılmasına dəstək göstərmək olub.

Daha ətraflı: https://tabib.gov.az/media/press-reliz/199

01/06/2026

01/06/2026

Bu gün 1 İyun – Uşaqların Beynəlxalq Müdafiəsi Günüdür. Respublika Pediatriya Mərkəzi olaraq, kiçik qəhrəmanlarımızın sağlam və sevgi dolu böyüməsi üçün hər zaman xidmətinizdəyik.

Başda balaca pasiyentlərimiz olmaqla, bütün uşaqları ürəkdən təbrik edirik! Bayramınız mübarək!

28/05/2026

🇦🇿 28 May – Müstəqillik Günü münasibətilə xalqımızı təbrik edir, ölkəmizə sülh, əmin-amanlıq və davamlı inkişaf arzulayırıq!

27/05/2026

Müqəddəs Qurban Bayramı münasibətilə xalqımızı təbrik edir, hər kəsə sağlam, xoşbəxt və bərəkətli günlər arzulayırıq.

26/05/2026

İsrailli mütəxəssislər Respublika Pediatriya Mərkəzində uşaqları müayinə edəcəklər

Respublika Pediatriya Mərkəzi və İsrailin Soroka Tibb Mərkəzinin birgə əməkdaşlığı ilə İsraildən dəvət olunan mütəxəssislər Respublika Pediatriya Mərkəzinin Ə.Qarayev adına Uşaq Klinik Xəstəxanasında uşaqların müayinələrini həyata keçirəcəklər.

Müayinələrdə iştirak edəcək mütəxəssislər:

🔹 Eli Hershkovitz — uşaq endokrinoloqu,

🔹 Hanna Krymko — uşaq kardioloqu,

🔹 Yerushalmi Baruch — uşaq qastroenteroloqu.

📅 Müayinələr 1, 3 və 4 iyun tarixlərində keçiriləcək.

13/05/2026

Respublika Pediatriya Mərkəzinin direktor vəzifəsinə Rəhimov Erkin Xəyyam oğlu təyin olunub.

E.Rəhimov 2001-2003-cü illərdə Azərbaycan Tibb Universitetində təhsil alıb, 2003-2007-ci illərdə təhsilini İstanbul Universitetinin Cərrahpaşa Tibb fakültəsində davam etdirib. 2008-2012-ci illərdə eyni universitetin Uşaq sağlamlığı və xəstəlikləri ixtisası üzrə uzmanlıq təhsilini tamamlayıb.

2012-2014-cü illərdə “İstanbul Memorial Hizmet” Xəstəxanasında Neonatologiya şöbəsinin rəhbəri olaraq fəaliyyət göstərib. 2019-cu ildən Ə.Əliyev adına Azərbaycan Dövlət Həkimləri Təkmilləşdirmə İnstitutunun Pediatriya kafedrasının assistentidir.

2014-cü ildən hazırkı təyinatınadək “Baku Medical Plaza”nın Pediatriya şöbəsinin müdiridir.

O, həmçinin Azərbaycan Pediatriya Cəmiyyətinin İdarə Heyətinin sədr müavini, Kistoz Fibrozlu Xəstələrə Yardım İctimai Birliyinin İdarə Heyətinin üzvü, eləcə də Beynəlxalq Pediatriya Assosiasiyasının Daimi Komitəsinin üzvüdür.

E.Rəhimov eyni zamanda Azərbaycan Respublikası Səhiyyə Nazirliyinin pediatriya üzrə mütəxəssis-ekspertidir.

13/05/2026

📲 “e-Tabib” mobil tətbiqi “mygov”a tam inteqrasiya olunaraq fəaliyyətini dayandırır

Prezident İlham Əliyevin Sərəncamı ilə təsdiq edilmiş “Azərbaycan Respublikasında rəqəmsal inkişafın sürətləndirilməsinə dair 2026–2028-ci illər üçün Fəaliyyət Planı”nın icrası istiqamətində TƏBİB tərəfindən məqsədyönlü işlər aparılır.

Rəqəmsal dövlət xidmətlərinin “bir pəncərə” prinsipi ilə təqdim olunması üzrə görülən tədbirlər çərçivəsində “e-Tabib” mobil tətbiqi üzərindən göstərilən rəqəmsal xidmətlərin “mygov” platformasına inteqrasiya prosesi artıq bitib.

Bu gündən etibarən “e-Tabib” tətbiqi fəaliyyətini tam olaraq dayandırır və xidmətlər artıq “mygov” platformasından təqdim olunur. Qərar xidmətlərin təkrarlanmasının qarşısının alınması və vətəndaşlara daha çevik xidmət göstərilməsi məqsədilə qəbul olunub. Bununla da “e-Tabib” “mygov” platformasına inteqrasiya edilən növbəti dövlət tətbiqidir.

🔗 “mygov” mobil tətbiqini aşağıdakı keçid vasitəsilə yükləyə bilərsiniz:
https://onelink.to/rryy4q

Tətbiqin son yeniliklərini və xəbərlərini sosial şəbəkələrdə izləyin:
🔹 LinkedIn: https://www.linkedin.com/company/mygovaz/about/
🔹 Facebook: https://www.facebook.com/mygovaz
🔹 Instagram: https://www.instagram.com/mygov.azerbaijan/