Shabnam Sadigova

05/06/2026

Tez-tez gözdən qaçırdığımız başqa bir fərq:

İlk cinsi əlaqə ilə ağrılı cinsi əlaqə eyni şey deyil.

İlk əlaqə: tanış olmayan, gərgin və ya emosional olaraq yüklü hiss oluna bilər.
Amma davamlı, kəskin, yandırıcı və ya təkrarlanan ağrı “sadəcə ilk dəfədir” deyə normallaşdırılmamalıdır.

Ağrı dözülməli olan bir şey deyil.

Bəzən o, bədənin diqqət, qayğı və düzgün qiymətləndirmə tələb etdiyini göstərən bir siqnaldır. Bəzi ədəbiyyatlarda buna: bədənin yardım çığlığı da deyilir.

Gəlin, bu ikisini bir-birindən ayıraq.

02/06/2026

Boşalma ilə orqazm eyni şey deyil.

Onlar çox vaxt eyni anda baş verir. Buna görə də bir çox insan bu sözləri sanki eyni təcrübəni ifadə edirmiş kimi işlədir. Lakin klinik baxımdan bunlar fərqli proseslərdir.

Boşalma spermanın xaric olunmasıdır.

Orqazm isə kulminasiyanın subyektiv təcrübəsidir: həzz, rahatlama, ritmik hisslər və cinsi oyanmanın psixofizioloji zirvəsi.

Kişilərin çoxu bu ikisini bir-birindən ayırmır, çünki onların cinsi təcrübəsində bu iki hal demək olar ki, eyni anda baş verir. Görünən hadisə görünməyənin sübutuna çevrilir.

Amma bunlar bir-birindən ayrı da baş verə bilər.

- Kişi boşalma olmadan orqazm yaşaya bilər.
- Qaneedici orqazm olmadan boşala bilər.
- Gec boşalma, anejakulyasiya və ya orqazmla bağlı çətinlik yaşaya bilər.

Bu fərq vacibdir, çünki hər “boşalma problemi” orqazm problemi demək deyil, eləcə də hər orqazm çətinliyi spermanın xaric olunması ilə bağlı olmur.

Seksual tibbdə dil önəmlidir. Düzgün təsvir düzgün klinik qiymətləndirmənin bir hissəsidir.

29/05/2026

Yazının tamamını oxumaq üçün: shabnamsadigova.com

29/05/2026

Ətraflı oxuma üçün: https://shabnamsadigova.com/az/posts/agri/

22/05/2026

İnsanlar niyə baxır?
İnsanlar bir çox fərqli səbəbdən pornoqrafiyaya müraciət edirlər. Bunlardan bəziləri aşağıdakılardır:

Masturbasiya və ya tərəf-müqabili ilə cinsi əlaqə zamanı stimullaşdırıcı vasitə kimi;
Fantaziya qurmaq və gündəlik qayğılardan uzaqlaşmaq üçün;
Öz cinsəlliklərini araşdırmaq, nələrin onları həyəcanlandırıb-həyəcanlandırmadığını kəşf etmək üçün;
Şəxsi kimliklərini dərk etmək üçün - bir çox LGBTQ+ fərdləri başqa yerdə tapa bilmədikləri təmsilçiliyi pornoqrafiyada tapırlar;
Seks və onun müxtəlif növləri haqqında məlumat öyrənmək üçün.

Pornoya baxmaq təhlükəlidirmi? Ehtimal ki, son bir il ərzində pornoqrafiya haqqında çox şey eşitmisiniz: Kimlər baxa bilər? Baxmaq nə dərəcədə doğrudur? Müasir dünyada bunun hər hansı bir mənası varmı? Bunlar olduqca vacib və düşündürücü suallardır. Pornoqrafiyanın m...

20/05/2026

Gec boşalma seksual tibbdə özünəməxsus yer tutur. Bu, klinik baxımdan əhəmiyyətli, çox vaxt narahatlıq yaradan və münasibətə təsir edən bir haldır. Buna baxmayaraq, erektil disfunksiya və ya erkən boşalma ilə müqayisədə həm ictimai, həm də peşəkar səviyyədə daha az diqqət görür. Bir çox kişi bu barədə danışmaqdan çəkinir. Bunun səbəblərindən biri problemin adlandırılmasının çətinliyidir: məsələ həmişə istəyin, ereksiyanın və ya cazibənin olmaması deyil; bəzən çətinlik partnerlə seksual yaxınlıq zamanı məmnunluq, spontanlıq və qarşılıqlılıq hissini qoruyacaq şəkildə boşalmaya nail ola bilməməkdir.

Delayed ej*******on occupies a particular place in sexual medicine. It is clinically meaningful, often distressing and frequently relationally disruptive, yet it receives far less public and professional attention than erectile dysfunction or premature ej*******on. Many men delay speaking about it, partly because the problem is difficult to name: the concern is not always the absence of desire, er****on, or attraction, but the inability to reach ej*******on within partnered sexual experience in a way that feels satisfying, spontaneous, or shared.

Read more:
https://shabnamsadigova.com/posts/de/

18/05/2026

May ayının sonuna doğru İspaniyadakı akademik və iş qrafikim bir qədər yüngülləşəcək. İyun ayından etibarən online psixoterapiya seansları üçün məhdud sayda əlavə saatlarım olacaq.
Ətraflı məlumat və müraciət qaydası üçün aşağıdakı linkə daxil ola bilərsiniz.

By the end of May, my academic and work schedule in Spain will become lighter. Beginning in June, I will have a limited number of additional openings for online psychotherapy sessions.

For further information and appointment inquiries:

With more than 15 years of experience in mental and sexual health, her practice is informed by psychodynamic thinking, focusing on the unconscious, early relational experiences, and how these shape our inner world, relationships, and bodily life. Read more…

14/05/2026

Başqa ölkələrdə buna əvvəllər diqqət etməmişdim, ona görə müqayisə edə bilmərəm. Amma İspaniyada səhiyyə müəssisələrində pasiyent məxfiliyinə münasibət çox xoşuma gəlir.

Gözləmə zalındakı ekranlardan tutmuş həkim otaqlarının təşkilinə qədər, demək olar ki, hər şey anonimləşdirilmiş sistem üzərindən qurulub. Ekranlarda ad-soyad, şəxsiyyət vəsiqəsi şəkli və ya digər identifikasiyaedici məlumatlar görünmür. Adınızın səslə çağırılması əvəzinə sadəcə alfanumerik kod göstərilir.

Bu, yalnız effektivlik məsələsi deyil. Bu yanaşma Avropa İttifaqının GDPR tələblərinin və İspaniyanın 3/2018 saylı Üzvi Qanununun (LOPDGDD) praktik və texniki səviyyədə ciddi şəkildə tətbiq olunmasının nəticəsidir. Hüquqi baxımdan sağlamlıq məlumatları “xüsusi kateqoriyalı məlumat” hesab olunur və yüksək səviyyədə qorunmalıdır. Növbə sisteminin anonimləşdirilməsi sayəsində insanın tibbi müəssisədə olması belə yalnız onun özünə aid şəxsi məlumat olaraq qalır.

Həkim otaqları “Kabinet 1”, “Kabinet 2” kimi nömrələrlə ayrılır və ekranda yalnız hansı kabinetə keçməli olduğunuz göstərilir. Bu səbəbdən “Onkologiya”, “Psixiatriya” və ya “İnfeksion xəstəliklər” kimi lövhələrlə qarşılaşmırsınız. Eyni zamanda, təsadüfi birinin hansı qapıya daxil olduğunuzu görərək diaqnozunuz haqqında ehtimal yürütməsi və ya bunun yarada biləcəyi stiqma riski də minimuma endirilir.

İspaniya Məlumatların Mühafizəsi Agentliyi, yəni AEPD, Avropanın ən ciddi tənzimləyici qurumlarından biri hesab olunur və bu sahədə həm auditlər, həm də cərimələr kifayət qədər sərtdir. Bir klinika üçün pasiyentin məlumatını ictimai şəkildə ifşa etmək sadəcə etik problem deyil, eyni zamanda ciddi hüquqi məsuliyyətdir.

Biz bəzən sistemlərin “soyuq” olmasından şikayət edirik. Halbuki səhiyyədə bu müəyyən məsafə və struktur bəzən insanı qoruyan ən vacib mexanizmlərdən birinə çevrilir. Hüquqi prinsiplərin yalnız məhkəmə zallarında deyil, gözləmə otaqlarının dizaynında belə hiss olunması, cəmiyyətin məxfiliyə verdiyi dəyərin ən konkret göstəricilərindən biridir.

Sizin yaşadığınız ölkədə səhiyyə sistemində pasiyent məxfiliyinə münasibət necədir? Siz şəxsi müraciət formasını daha yaxın hesab edirsiniz, yoxsa anonim kod sistemini daha təhlükəsiz?

13/05/2026

Səhər ereksiyasının (nocturnal pe**le tumescence, NPT) gördüyünüz yuxularla heç bir əlaqəsi yoxdur.
Bu, bədəninizin avtomatik sağlamlıq kontroludur. REM yuxu mərhələsi p*nisə (və klitora) qan axınını stimullaşdırır. Parasimpatik sinir sisteminiz idarəetməni ələ alır, testosteron səviyyəsi səhər tezdən p*k həddə çatır və nəticədə ereksiya baş verir.
Bu proses insanların çoxunda hər gecə 3-5 dəfə təkrarlana bilir. Bu, damar və sinir sisteminin sağlam fəaliyyətinin göstəricisidir.
Heç bir er**ik yuxuya ehtiyac yoxdur - sadəcə biologiya öz işini görür.
Bunun REM yuxusu zamanı baş verdiyini bilirdinizmi? 💤

08/05/2026

“Belə davranırsan çünki atan sizə elə davranıb”

“Anan kontrolçu olduğuna görə elə sevgililər tapırsan”

“Filankəsin təsirinə düşdüyün üçün belə deyirsən”

“Uşaq vaxtı yaşadığın şey travmadır, ona görə də indi …"

Yaxşı niyyətlər, uğursuz cəhdlər “Belə davranırsan çünki atan sizə elə davranıb” “Anan kontrolçu olduğuna görə elə sevgililər tapırsan” “Filankəsin təsirinə düşdüyün üçün belə deyirsən” “Uşaq vaxtı yaşadığın şey travmadır, ona görə də indi .....