05/06/2026
Stress həyatın ayrılmaz hissəsinə çevrilsə də, onun təsiri təkcə əhval-ruhiyyə ilə məhdudlaşmır. Uzunmüddətli stress orqanizmdə hormonal tarazlığın pozulmasına səbəb ola və bir çox sağlamlıq probleminin yaranmasına şərait yarada bilər.
Stress zamanı kortizol adlanan hormonun səviyyəsi artır. Qısa müddətdə bu, orqanizmin müdafiə mexanizmi kimi fəaliyyət göstərsə də, davamlı yüksək qalması maddələr mübadiləsinə, yuxu rejiminə, iştahaya və enerji balansına təsir göstərir.
Nəticədə səbəbsiz çəki artımı, qarın nahiyəsində piylənmə, yorğunluq, yuxusuzluq, şəkərli qidalara meylin artması, diqqət pozuntusu və əhval dəyişiklikləri müşahidə oluna bilər. Bəzi hallarda isə stress qalxanabənzər vəzi hormonlarının fəaliyyətinə, insulin həssaslığına və reproduktiv hormonların balansına da təsir göstərir.
Bu səbəbdən hormonal problemlərin qiymətləndirilməsi zamanı həyat tərzi və stress faktorunun da nəzərə alınması vacibdir. Sağlam yuxu, balanslı qidalanma, fiziki aktivlik və vaxtında həkim müayinəsi hormonal sağlamlığın qorunmasında mühüm rol oynayır.
Ən əsası bu simptomlardan hər hansını özünüzdə müşahdə edərsinizsə , mütləq şəkildə həkim müayinəsindən keçməyiniz tövsiyyə olunur.
