Mingəçevir Şəhər Mərkəzi Xəstəxanası

05/08/2026

0–3 aylıq körpələr üçün peyvəndlər – sağlam həyatın ilk addımı

Mingəçevir Şəhər Mərkəzi Xəstəxanasının həkim-pediatrı Aynurə Qurbanova 0–3 aylıq körpələr üçün peyvəndlərin əhəmiyyəti barədə məlumat verib.

Həkim bildirib ki, körpələrin həyatının ilk aylarında tətbiq olunan peyvəndlər onların immun sisteminin güclənməsinə kömək edir və bir sıra təhlükəli yoluxucu xəstəliklərdən qorunmasını təmin edir. Vaxtında vurulan peyvəndlər həm uşağın sağlam böyüməsinə, həm də cəmiyyətdə yoluxucu xəstəliklərin yayılmasının qarşısının alınmasına mühüm töhfə verir.

Aynurə Qurbanovanın sözlərinə görə, 0–3 aylıq dövrdə tətbiq olunan peyvəndlər uzun illər aparılan elmi tədqiqatlar nəticəsində təhlükəsizliyi və effektivliyi sübut olunmuş profilaktik vasitələrdir. Buna görə də valideynlər övladlarının peyvəndlərini Milli Peyvənd Təqviminə uyğun olaraq vaxtında etdirməli, bu barədə həkim tövsiyələrinə əməl etməlidirlər.

Həkim vurğulayıb ki, körpələrin ilk aylarında aparılan peyvəndlər onların sağlam gələcəyinin formalaşmasında mühüm rol oynayır və infeksion xəstəliklərdən etibarlı qorunmanın əsas vasitələrindən biridir.

Peyvənd etdirin – övladınızı sağlam gələcəyə inamla hazırlayın!

04/08/2026

Məktəbə başlamazdan əvvəl övladınızın 6 yaş peyvəndini vaxtında etdirin. Peyvəndlər uşaqları təhlükəli infeksiyalardan qoruyur və sağlam gələcəyin əsasını qoyur.

01/08/2026

Ümummilli Lider Heydər Əliyevin 2001-ci ildə imzaladığı fərmana əsasən avqustun 1-i respublikamızda Azərbaycan Əlifbası və Azərbaycan Dili Günü kimi qeyd edilir.

29/07/2026

🩺 Erkən diaqnoz düzgün müalicə və xəstəliyə nəzarət üçün vacibdir.

👉 Diabetinizin növünü dəqiqləşdirmək və vaxtında tədbir görmək üçün həkimə müraciət edin!

❗️ Diabetin gizli forması: LADA

LADA – (Latent Autoimmune Diabetes in Adults) ilk baxışda 2-ci tip diabetə bənzəsə də, əslində autoimmun mənşəli və yavaş inkişaf edən diabet növüdür. Buna görə də çox vaxt gec aşkarlanır.

🔎 Xüsusilə:

• 30 yaşdan sonra diabet diaqnozu alanlar;
• Normal və ya arıq çəkidə olub şəkəri yüksələnlər;
• Ailəsində autoimmun xəstəlik olanlar;
• Qan şəkəri qısa müddətdə sürətlə yüksələnlər diqqətli olmalıdır.

🩺 Erkən diaqnoz düzgün müalicə və xəstəliyə nəzarət üçün vacibdir.

👉 Diabetinizin növünü dəqiqləşdirmək və vaxtında tədbir görmək üçün həkimə müraciət edin!

29/07/2026

Ümumdünya Hepatit Günü münasibətilə Mingəçevir Şəhər Mərkəzi Xəstəxanasının həkim-infeksionisti Firəngiz Məmmədova Ailə Sağlamlıq Mərkəzinin həkim və orta tibb işçiləri ilə maarifləndirici görüş keçirib.

Görüş zamanı hepatitlərin yaranma səbəbləri, yoluxma yolları, profilaktik tədbirlər, erkən diaqnostikanın əhəmiyyəti və müasir müalicə imkanları barədə ətraflı məlumat verilib. Firəngiz Məmmədova vurğulayıb ki, hepatitdən qorunmanın əsas yolları vaxtında peyvəndlənmə, şəxsi gigiyena qaydalarına riayət olunması, yalnız steril tibbi və kosmetoloji alətlərdən istifadə edilməsi, təhlükəsiz qan köçürülməsi və risk qrupuna daxil olan şəxslərin mütəmadi tibbi müayinələrdən keçməsidir.

Həkim-infeksionist bildirib ki, hepatitlə mübarizədə ən vacib istiqamətlərdən biri əhalinin düzgün və davamlı şəkildə maarifləndirilməsidir. O qeyd edib ki, ailə həkimləri və orta tibb işçiləri ilkin səhiyyə xidmətinin əsas təmsilçiləri olaraq vətəndaşların xəstəlik haqqında məlumatlandırılmasında, profilaktik tədbirlərin təbliğində, risk qruplarının vaxtında müayinəyə cəlb edilməsində və erkən diaqnostikanın təşviqində mühüm rol oynayırlar.

Görüş çərçivəsində tibb işçiləri ilə hepatitlərin profilaktikası sahəsində həyata keçirilən maarifləndirmə fəaliyyətinin gücləndirilməsi, əhali arasında sağlam həyat tərzinin təşviqi və mütəmadi məlumatlandırma işinin əhəmiyyəti barədə fikir mübadiləsi aparılıb.

28/07/2026

🩺 Hepatitdən qorunmaq üçün ilk addımı bu gün atın!
💛 Məlumatlı olun, müayinədən keçin, hepatitə qarşı mübarizəyə siz də qoşulun!

27/07/2026

Hepatit: Xəbərdar ol, sağlam qal!

Hepatit: Xəbərdar ol, sağlam qal!

Tədqiqatlar, yeni texnologiyalar və innovativ yanaşmalar hepatitin erkən aşkarlanması, profilaktikası və müalicəsində mühüm rol oynayır. Əməkdaşlığın və innovativ həllərə çıxışın artırılması daha çox insanın keyfiyyətli xidmətlərdən yararlanmasına imkan verir.

Sağlam qalmaq üçün bunları edin:

✔️ Hepatit B və C üzrə müayinədən keçin;
✔️ Hamiləliyin erkən dövründə hepatit B ilə bağlı müayinə olunun;
✔️ Uşaqlarınızı Milli Peyvənd Təqviminə uyğun peyvənd etdirin: doğulduqdan sonra ilk 12 saat ərzində hepatit B peyvəndi, 2, 3 və 4 aylığında isə heksavalent peyvəndi almasını təmin edin;
✔️ Erkən diaqnostika və müalicə ilə bağlı həkiminizlə məsləhətləşin;
✔️ Etibarlı məlumat paylaşaraq stiqmanın aradan qaldırılmasına dəstək olun.

24/07/2026

23/07/2026

❗️Hepatit: Xəbərdar ol, sağlam qal!

🤝Hepatitlə mübarizə hər birimizin məsuliyyətidir. İnsanların və icmaların fəal iştirakı, məlumatlılığı və dəstəyi həm xidmətlərin daha effektiv təşkilinə, həm də hepatitin qarşısının alınmasına töhfə verir. Bunun üçün:

• Məlumatı yalnız etibarlı mənbələrdən əldə edin və paylaşın.

• Vaxtında müayinədən keçin və yaxınlarınızı da buna təşviq edin.

• Stiqmaya yox deyin, hepatitlə yaşayan insanlara dəstək olun.