Qəbələ Rayon Mərkəzi Xəstəxanası

12/08/2026

📊 24 saat, həftənin 7 günü fasiləsiz fəaliyyət göstərən təcili tibbi yardım xidmətinin Bakı şəhəri üzrə iyul ayına dair əsas statistik göstəriciləri ilə tanış olun.

12/08/2026

✅Ürək-damar sağlamlığınızı qorumaq üçün xolesterin səviyyənizi nəzarətdə saxlayın.

11/08/2026

Uşaqlarınızın sağlamlığını qorumaq üçün vaxtında addım atın!

Qəbələ Rayon Mərkəzi Xəstəxanasının həkim-pediatrı Mehriban Əzimova bildirir ki, uşaqlıq dövründə orqanizm müxtəlif yoluxucu xəstəliklərlə qarşılaşa bilər. Bəzi infeksiyalar sadə simptomlarla məhdudlaşmayaraq ciddi sağlamlıq problemlərinə və həyati təhlükəli fəsadlara səbəb ola bilər. Peyvəndlər uşağın immun müdafiəsinin formalaşmasına kömək edir və bir sıra təhlükəli yoluxucu xəstəliklərdən qorunmasında mühüm rol oynayır.

Bəs peyvənddən imtina etmək və peyvəndləri vaxtında etdirməmək hansı riskləri yarada bilər?

Peyvənddən imtina etmək və ya peyvəndləri vaxtında etdirməmək uşağın bu xəstəliklərdən qorunmasını zəiflədə, yoluxma və xəstəliyin ağır keçməsi riskini artıra bilər.
🔹 Qızılca – pnevmoniya və beyin iltihabı
🔹 Göyöskürək – ağır tənəffüs problemləri və pnevmoniya
🔹 Poliomielit (uşaq iflici) – iflic
🔹 Difteriya – tənəffüs yollarının tutulması, ürək və sinir sistemi ilə bağlı ağırlaşmalar
🔹 Tetanoz – ağır əzələ spazmları və həyati təhlükəli vəziyyətlər

Uşağınızın peyvənd tarixlərini izləyin. Peyvənddə gecikmə yaranıbsa və ya peyvənddən imtina etməyi düşünürsünüzsə, düzgün məlumat almaq və növbəti addımları müəyyənləşdirmək üçün tibb müəssisəsinə müraciət edin.

Unutmayın: peyvənddən sonra yarana bilən qısa müddətli narahatlıqla qarşısı alına bilən xəstəliklərin yarada biləcəyi ciddi fəsadlar eyni deyil.

11/08/2026

10/08/2026

Bu gün hepatitlə mübarizə üçün effektiv vasitələr mövcuddur.

Vaxtında peyvənd, erkən diaqnostika və müalicəyə müraciət həm sağlamlığınızı qorumağa, həm də hepatitin ağır fəsadlarının qarşısını almağa imkan verir.

!

10/08/2026

TƏBİB-in İcraçı direktoru Anar Bayramov vətəndaş qəbulu qrafikinə uyğun olaraq 20 avqust 2026-cı il tarixində Şirvan şəhər və Hacıqabul rayon sakinlərini qəbul edəcək.

📍 Qəbul Şirvan Şəhər Mərkəzi Xəstəxanasında keçiriləcək.

📞 Vətəndaşlar [email protected] elektron ünvanına müraciət edə və ya "815" Çağrı Mərkəzi ilə əlaqə saxlayaraq qəbula yazıla bilər.

10/08/2026

09/08/2026

Təcili Tibbi Yardım əməkdaşı ciu-citsu üzrə dünya çempionu olub

Respublika Təcili və Təxirəsalınmaz Tibbi Yardım Mərkəzinin təcili tibbi yardım əməkdaşı Emil Qurbanov Birləşmiş Ərəb Əmirliklərinin Əbu-Dabi şəhərində keçirilən ciu-citsu üzrə dünya çempionatında uğurla çıxış edib.

Bütün görüşlərini qələbə ilə başa vuran Emil Qurbanov fəxri kürsünün ən yüksək pilləsinə qalxaraq qızıl medal qazanıb və dünya çempionu adına layiq görülüb.

Əməkdaşımızı bu uğur münasibətilə təbrik edir, ona gələcək yarışlarda yeni qələbələr arzulayırıq!

08/08/2026

Görmə sağlamlığınızı qorumaq həyat keyfiyyətinizi qorumaq deməkdir.

Beynəlxalq Oftalmologiya Günündə göz sağlamlığının qorunmasının vacibliyini bir daha xatırladırıq.

🔹 Müntəzəm göz müayinələri bir çox göz xəstəliklərinin erkən mərhələdə aşkarlanmasına imkan yaradır.
🔹 Uzun müddət ekran qarşısında çalışanlar gözlərini mütəmadi olaraq dincəltməli, sağlam qidalanma və düzgün işıqlandırmaya diqqət yetirməlidirlər.
🔹 Görmədə bulanıqlıq, ağrı, qızartı və ya digər narahatlıqlar hiss etdikdə vaxt itirmədən həkimə müraciət edin.

Gözlərinizə qayğı göstərin, dünyanı sağlam baxışlarla kəşf edin.