Qax Rayon Mərkəzi Xəstəxanası

25/08/2026

20/08/2026

Prezident İlham Əliyev Azərbaycanın görkəmli dövlət və elm xadimi Əziz Əliyevin 130 illiyinin qeyd edilməsi barədə Sərəncam imzalayıb

Daha ətraflı: https://president.az/az/articles/view/73301

20/08/2026

Vaksinasiya haqqında valideynlər nələri bilməlidir?
Qax Rayon Mərkəzi Xəstəxanasının Ailə həkimi-pediatrı Günay Kərimova vaksinasiya ilə bağlı valideynləri maraqlandıran məsələlər barədə məlumat verib.
Həkim, uşaqların sağlamlığının qorunmasında vaksinasiyanın mühim əhəmiyyət daşıdığını qeyd edib, peyvəndlərin vaxtında aparılmasının vacibliyini və yoluxucu xəstəliklərin qarşısının alınmasında əhəmiyyətini diqqətə çatdırıb.
Peyvəndlərin müəyyən olunmuş təqvimə uyğun vaxtında aparılması uşağın infeksiyalara qarşı müdafiəsinin formalaşmasına kömək edir. Peyvəndlərin gecikdirilməsi və ya vaksinasiyadan imtina isə uşağın bəzi yoluxucu xəstəliklərə qarşı müdafiəsiz qalmasına və xəstəliklərin daha ağır fəsadlarla müşahidə olunması riskinin artmasına səbəb ola bilər.
Valideynlərə tövsiyə: uşağınızın peyvənd təqvimini diqqətdə saxlayın və vaksinasiya ilə bağlı hər hansı sual və ya narahatlığınız olduqda həkimə müraciət edin. Doğru və etibarlı məlumat əsasında verilən qərar uşağınızın sağlamlığının qorunmasında mühim rol oynayır.
Uşaqlarımızın sağlamlığı bizim məsuliyyətimizdir. Peyvəndləri vaxtında etdirməklə onları qoruyaq!

20/08/2026

Vətəndaş məmnuniyyətinin artırılması istiqamətində tədbirlər davam etdirilir.
Göstərilən xidmətlərlə bağlı rəy və təkliflərinizi tabeli tibb müəssisəsinin inzibati binasında yerləşdirilən QR kodu skan edərək bizimlə bölüşə bilərsiniz.
Sizin rəyləriniz xidmət keyfiyyətinin təkmilləşdirilməsi istiqamətində həyata keçirilən tədbirlərdə nəzərə alınır.
Rəyinizi bildirin, xidmətlərin inkişafına dəstək olun!

19/08/2026

13/08/2026

💉 PEYVƏNDİ GECİKDİRMƏYİN!

Peyvənddən imtina etmək və ya peyvəndləri gecikdirmək uşağı ciddi yoluxucu xəstəliklərə qarşı müdafiəsiz qoya bilər.

Peyvəndlərin vaxtında aparılması:
🔹 Ağır xəstəliklərdən qorunmağa kömək edir
🔹 Fəsad və xəstəxanaya yerləşdirilmə riskini azaldır
🔹 Digər uşaqların da qorunmasına töhfə verir

3–6 aylıq körpələr üçün peyvəndlər

Körpəlik dövründə immun sistemi tam formalaşmadığı üçün uşaqlar yoluxucu xəstəliklərə qarşı daha həssas olurlar. Peyvəndlərin Milli Peyvənd Təqviminə uyğun və vaxtında tətbiqi körpələrin bir sıra təhlükəli infeksiyalardan qorunmasına kömək edir.

🔹 3-cü ay
* Heksaprev/Geksa – 2-ci doza: göyöskürək, difteriya, tetanus, hepatit B, poliomielit və Hib infeksiyasına qarşı.
* Pnevmokok – 1-ci doza: pnevmoniya, meningit və digər pnevmokok infeksiyalarına qarşı.

🔹 4–5-ci aylar
* Heksaprev/Geksa – 3-cü doza
* Pnevmokok – 2-ci doza

🔹 6-cı ay
* Oral Poliomielit Peyvəndi (OPV) – damcı şəklində tətbiq olunur.
* Pnevmokok – 3-cü doza

📌 Valideynlərə tövsiyə: Körpənizin peyvənd tarixlərini izləyin və peyvəndləri Milli Peyvənd Təqviminə uyğun olaraq vaxtında etdirməyə diqqət göstərin. Peyvəndlərlə bağlı suallarınız yaranarsa, pediatr və ya tibb işçisinə müraciət edin.

Vaxtında peyvənd – sağlam gələcək!

03/08/2026

Peyvənd – körpənizin sağlam gələcəyinin etibarlı təməlidir.

Peyvənd uşaqları bir çox təhlükəli və yoluxucu xəstəliklərdən qorumağın ən etibarlı və effektiv üsullarından biridir. Xüsusilə həyatın ilk 3 ili uşağın immun sisteminin tam formalaşmadığı dövr olduğundan, bu yaşlarda aparılan peyvəndlər körpənin sağlam inkişafı üçün böyük əhəmiyyət daşıyır.

Qax Rayon Mərkəzi Xəstəxanasında körpələrin sağlam inkişafı və yoluxucu xəstəliklərdən qorunması məqsədilə Milli Peyvənd Təqviminə uyğun olaraq peyvəndlər ödənişsiz həyata keçirilir.

Qax Rayon Mərkəzi Xəstəxanasının həkim- pediatrı Vüsalə Əlimovanın məsləhətinə görə, peyvəndələri vaxtlı vaxtında olunan uşaqlar gələcəkdə həmin infeksiya ilə qarşılaşdıqda xəstələnmir və ya xəstəliyi daha yüngül keçirir. Difteriya, göyöskürək, tetanus, poliomielit, qızılca, məxmərək, epidemik parotit, hepatit B və digər təhlükəli xəstəliklərə qarşı vaxtında peyvənd olunmaq ciddi fəsadların və ölüm hallarının qarşısını almağa kömək edir.

0–3 aylıq dövrdə Hepatit B, BCG,hexaxim, pnevmokok peyvəndləri vurulur. Bu peyvəndlər körpələri təhlükəli yoluxucu xəstəliklərdən qorumağa və sağlam inkişafını dəstəkləməyə kömək edir.

Valideynlər peyvəndlərin vaxtında vurulmasına diqqət yetirməli, peyvənd cədvəlinə əməl etməli və hər hansı sual yarandıqda pediatr və ya ailə həkimi ilə məsləhətləşməlidirlər. Peyvənddən sonra yüngül hərarət, inyeksiya yerində qızartı və ya ağrı kimi müvəqqəti reaksiyalar normal hesab olunur və adətən qısa müddətdə keçir.

01/08/2026

Ümummilli Lider Heydər Əliyevin 2001-ci ildə imzaladığı fərmana əsasən avqustun 1-i respublikamızda Azərbaycan Əlifbası və Azərbaycan Dili Günü kimi qeyd edilir.

31/07/2026