Quba Rayon Mərkəzi Xəstəxanası

26/08/2026

26/08/2026

25/08/2026

Mərkəzi Neftçilər Xəstəxanasında onlayn növbə sistemi istifadəyə verilib

Daha ətraflı: https://tabib.gov.az/media/xeberler/1025

19/08/2026

Vətəndaş məmnuniyyətinin artırılması istiqamətində tədbirlər davam etdirilir.

Göstərilən xidmətlərlə bağlı rəy və təkliflərinizi tabeli tibb müəssisəsinin inzibati binasında yerləşdirilən QR kodu skan edərək bizimlə bölüşə bilərsiniz.

Sizin rəyləriniz xidmət keyfiyyətinin təkmilləşdirilməsi istiqamətində həyata keçirilən tədbirlərdə nəzərə alınır._

Rəyinizi bildirin, xidmətlərin inkişafına dəstək olun!

19/08/2026

Vərəmin aşkarlanmasında ilkin səhiyyə xidmətinin rolu

Quba Regional Ağciyər Xəstəlikləri Xəstəxanasında Ağciyər Xəstəlikləri Mərkəzinin təşkilatçılığı ilə “Vərəmin aşkarlanmasında ilkin səhiyyə xidmətinin rolu” mövzusunda təlim təşkil olunub.

Təlimdə Quba Regional Xəstəxanası və Quba Rayon Mərkəzi Xəstəxanasının rəhbər heyəti, həmçinin ailə sağlamlıq mərkəzləri, həkim və tibb məntəqələrinin terapevt və pediatrları iştirak ediblər.

Müzakirələrdə vərəmin erkən diaqnostikasının vacibliyi, risk qruplarının vaxtında müayinəyə cəlb edilməsi, şübhəli halların düzgün qiymətləndirilməsi, pasiyentlərin ixtisaslaşmış müəssisələrə yönləndirilməsi, müalicəyə sadiqliyin artırılması, dərman təminatının effektiv təşkili və VOT (videonəzarətli müalicə) sisteminin tətbiqi ilə bağlı məsələlər diqqət mərkəzində olub.

Eyni zamanda ilkin səhiyyə xidməti ilə vərəm əleyhinə xidmətlər arasında koordinasiyanın gücləndirilməsinin xəstəliyin yayılmasının qarşısının alınmasında və müalicə nəticələrinin yaxşılaşdırılmasında mühüm rol oynadığı vurğulanıb.

Təlim interaktiv təqdimatlar, sual-cavab sessiyası və qarşılıqlı fikir mübadiləsi ilə davam edib.

19/08/2026

Hemofiliyanın müalicəsində tibb bacılarının rolu artırılır

Quba Rayon Mərkəzi Xəstəxanasında hemofiliya və digər qan laxtalanma pozuntularına həsr olunmuş elmi-praktiki seminar keçirilib.

Qeyri-Hökumət Təşkilatlarına Dövlət Dəstəyi Agentliyi və TƏBİB-in dəstəyi, Hemofiliya və digər Hemostaz Pozuntuları Assosiasiyasının təşkilatçılığı ilə həyata keçirilən layihə çərçivəsində keçirilən seminarda hemofiliyanın müalicəsində tibb bacılarının rolu, multidisiplinar yanaşma, evdə müalicə və qanaxmalar zamanı təcili tibbi yardım mövzuları müzakirə olunub.

Tədbirin açılışında Quba Rayon Mərkəzi Xəstəxanasının direktoru Dr. Azər Zeynalov çıxış edərək, hemofiliya xəstələrinin tibbi xidmətlə təmin olunmasında peşəkar əməkdaşlığın və bu istiqamətdə maarifləndirici tədbirlərin əhəmiyyətini vurğulayıb.

Seminarda mütəxəssislər tərəfindən məruzələr təqdim olunub, qanaxmaların qarşısının alınması ilə bağlı praktiki nümayişlər keçirilib və iştirakçıların sualları cavablandırılıb.

Layihənin əsas məqsədi hemofiliya xəstəliyinin ev şəraitində müalicə və profilaktikası modelinin təşviqi, tibb işçilərinin bilik və bacarıqlarının artırılması, eləcə də xəstələrin həyat keyfiyyətinin yüksəldilməsidir.