Zaqatala Rayon Mərkəzi Xəstəxanası

27/08/2026

12 avqust 2026-cı il tarixində həkim ümumi cərrah Cəbrayıl Xocaxovun rəhbərliyi, Ramazan Arasovun asisstentliyi, həkim anestezioloq reanimatoloq Nüşabə Şahmərdanovanın iştirakı ilə "mədə xorasının perforasiyası" təcili cərrahi əməliyyatı icra edilmişdir.

Əməliyyat laparoskopik üsulla, kəsik aparılmadan həyata keçirilmişdir. Xəstə həkim nəzarətində saxlandıqdan sonra, müalicəsini ambulator olaraq davam etdirmək şərtiylə, evə yazılmışdır.

19/08/2026

Zaqatala Rayon Mərkəzi Xəstəxanası vətəndaşlara ən yüksək səviyyədə və müasir standartlara uyğun tibbi yardım göstərməkdə davam edir.

14.08.2026 tarixində ekstragenital endometrioz səbəbilə miniinvaziv, orqansaxlayıcı laparoskopik əməliyyat uğurla icra edilmiş, hər iki yumurtalığın endometrioid kistaları xaric edilmişdir.

Əməliyyat həkim-ümumi cərrah Cəbrayıl Xocaxovun rəhbərliyi altında, assistentlər- həkim-mama-ginekoloq Mehriban Hüseynova, həkim-ümumi cərrah Ramazan Arasov və
həkim-anestezioloq-reanimatoloq Sərxan Əliyevin iştirakı ilə icra edilmişdir.

Pasiyent 3-cü sutkada qənaətbəxş vəziyyətdə müvafiq tövsiyələrlə evə yazılmışdır.

18/08/2026

0–3 Ayınadək olan yenidoğulmus və körpələrdə aparılan peyvəndlər və qoruduğu xəstəliklər.
Körpənin həyatının ilk üç ayı onun immunitet sisteminin formalaşması üçün ən məsuliyyətli dövrdür. Milli Peyvənd Təqviminə əsasən, bu dövrdə vurulan peyvəndlər uşaqları infeksion xəstəliklərdən qoruyur.
1. Doğum Evində
Vərəm (BCG)* : Yenidoğulmuşun həyatının ilk 12 saati ərzində vurulur. Bu peyvənd uşağı vərəm xəstəliyinin ağır, həyat üçün təhlükəli formalarından (məsələn, vərəm meningiti) qoruyur.
2. Hepatit B (1-ci doza):* Həyatın ilk 12 saattı ərzində olunur. Qaraciyərin ağır zədələnməsinə, xroniki hepatitə və gələcəkdə qaraciyər sirrozuna səbəb ola biləcək Hepatit B virusuna qarşı immunitet yaradır.
3. 2 aylıq tamam olduqda uşağa kombinə olunmuş 6 xəstəliyə qarsı olan *HEXAXİM peyvəndi* (Göyöskürək, Difteriya, Tetanus, Hepatit B, ,Hib Poliomielit) vurulur
3 Pnevmokok peyvəndi də körpənin iki ayı tamam olanda vurulur.

Bu vaksinlər aşağıdakı xəstəliklərin qarşısını alır:
1.DİFTERİYA*
: Nəfəs yollarının ağır zədələnməsi, boğulma və ürək əzələsinin zədələnməsi ilə nəticələnə bilən infeksiya.
2.TETANUS*
Zədələnmiş dəri və yaralardan bədənə keçən, şiddətli əzələ qıcolmaları və tənəffüs iflicinə səbəb olan ağır xəstəlik.
3. GÖYÖSKÜRƏK*
: Xüsusilə körpələrdə uzunmüddətli, boğucu öskürək tutmaları və tənəffüsün dayanması ilə nəticələnə bilən təhlükəli yoluxucu xəstəlik.
4. Hepatit B (2-ci doza)* : Viruslu hepatit B-yə qarşı müdafiəni möhkəmləndirir.
5. Hemofilus İnfuenza Tip B (Hib)* : Körpələrdə meningit (beyin qişasının iltihabı), pnevmoniya (ətraf ağciyər iltihabı) və ağır tənəffüs yolu infeksiyalarına səbəb olan bakteriyadan qoruyur.
6. Poliomielit (İPV - İnaktivləşdirilmiş poliomielit vaksini* ): Onurğa beynini zədələyərək ömürlük şikəstliyə (iflicə) səbəb olan poliomielit virusunun qarşısını alır.

*Pnevmokok İnfeksiyası (1-ci doza)* :
Pnevmoniya (ağciyər iltihabı), orta qulaq iltihabı (otit), sepsis və meningit kimi ağır bakterial xəstəliklərdən müdafiə edir.
İlk 3 ayda aparılan immunizasiya körpənin orqanizmində güclü antitel cavabı yaradaraq onu ətraf mühitdəki ən təhlükəli infeksiyalardan etibarlı şəkildə qoruyur.

22/07/2026

Əziz media nümayəndələri, 22 İyul - Milli Mətbuat Günü münasibətilə hər birinizi təbrik edirik!

14/07/2026

Zaqatala Rayon Mərkəzi Xəstəxanasında Keyfiyyətə nəzarətin idarəedilməsi üzrə pasiyent təhlükəsizliyi komitəsinin və obyekt təhlükəsizliyi komitəsinin iclası keçirilib.

Keyfiyyətin idarəedilməsi üzrə mütəxəssis Eldənis Fətullayev pasiyent və obyekt təhlükəsizliyi komitəsinin üzvlərinin vəzifə öhdəlikləri barədə geniş məlumat verib.

13/07/2026

13/07/2026

TƏBİB və “Azerconnect Group” arasında əməkdaşlıq müqaviləsi imzalanıb

TƏBİB və “Azerconnect Group” arasında vətəndaşlara göstərilən tibbi xidmətlərin operativliyinin artırılması və müasir texnoloji həllərin tətbiqi məqsədilə əməkdaşlıq müqaviləsi imzalanıb.

İmzalanmış müqaviləyə əsasən "103" Çağrı Mərkəzinin texnoloji imkanlarının genişləndirilməsi, təcili və təxirəsalınmaz tibbi yardım xidmətinin səmərəliliyinin artırılması məqsədilə süni intellekt əsaslı təkmilləşdirilmiş naviqasiya həllərinin tətbiqi baş tutacaq. Həmçinin tərəfdaşlıq çərçivəsində vətəndaş çağırışlarının yerinin məkan üzrə daha dəqiq müəyyən edilməsi, təcili tibbi yardım briqadalarının hərəkətinin optimallaşdırılması və hadisə yerinə çatma müddətinin daha effektiv idarə olunmasına imkan yaradan texnoloji həllərin icrası planlaşdırılır.

TƏBİB-in İcraçı direktoru Anar Bayramov qeyd edib ki, sözügedən müqavilə vətəndaşlara göstərilən tibbi xidmətlərin keyfiyyətinin artırılmasına və nəticədə vətəndaş məmnuniyyətinin yüksəldilməsinə yönəlib:

"Məqsədimiz təcili və təxirəsalınmaz tibbi yardım xidmətinin müasir tələb və çağırışlara uyğun inkişafını təmin etməklə vətəndaşlara daha operativ tibbi yardım göstərməkdir. Bu istiqamətdə həyata keçirilən rəqəmsal transformasiya tədbirləri resurslardan səmərəli istifadəyə, təcili tibbi yardım komandalarının koordinasiyasının daha da təkmilləşdirilməsinə və hadisə yerinə çatma müddətinin azaldılmasına xidmət edəcək. “Azerconnect Group” ilə əməkdaşlıq da məhz bu strateji inkişaf xəttinin mühüm tərkib hissəsidir”.

“Azerconnect Group”un baş direktoru Emil Məsimov isə əməkdaşlıq çərçivəsində tətbiqi nəzərdə tutulan yeni nəsil texnoloji həllərin tibbi xidmətlərin daha çevik və vətəndaşyönümlü təşkilinə mühüm töhfə verəcəyini bildirib:

“Qrup şirkətlərimizdə geniş əhali kütləsinə telekommunikasiya, internet və digər rəqəmsal xidmətlərin təqdim edilməsi üzrə uzun illərdən bəri ciddi təcrübə formalaşmışdır. İnanıram ki, yüksəkkeyfiyyətli xidmətlərin təqdim olunması və ən yeni texnoloji həllər tətbiqində qazandığımız bu zəngin təcrübə TƏBİB ilə əməkdaşlığımıza xüsusi dəyər qatacaq”.

Qeyd edək ki, tərəflər "103"ə daxil olan səsli zənglərin avtomatik təhlili, istifadəçi davranışlarına uyğun xidmət və məlumatların təqdim olunması, eləcə də digər innovativ həllərin tətbiqi istiqamətində də əməkdaşlıq edəcəklər.

09/07/2026

22 iyun 2026-cı il tarixdə Zaqatala Rayon Mərkəzi Xəstəxanasında 29-30 həftəlik, çəkisi 1300 qram olan körpə dünyaya gəlmişdir.

Körpə doğulduqdan sonra vəziyyətinə uyğun olaraq CPAP aparatı ilə tənəffüs dəstəyi və oksigen terapiyası almışdır. Müalicə müddətində davamlı həkim nəzarətində saxlanılmış, zəruri laborator və instrumental müayinələr aparılmış, kompleks müalicə tədbirləri görülmüşdür.

Aparılan müalicə fonunda körpənin ümumi vəziyyəti tədricən yaxşılaşmış, tənəffüsü stabilləşmiş və klinik vəziyyəti qənaətbəxş olmuşdur.

Hazırda ananın və körpənin ümumi vəziyyəti qənaətbəxşdir, bədən çəkisi 1620 qramdır və ambulator müşahidə üçün evə buraxılmışdır.

04/07/2026

Dərin hüznlə bildiririk ki, Zaqatala Rayon Mərkəzi Xəstəxanasının həkim-mama-ginekoloqu Elmira Duxiyeva İsmayıllı rayonu ərazisində baş vermiş ağır yol-nəqliyyat hadisəsi nəticəsində həyatını itirib.

Mərhumun ailəsinə, yaxınlarına və həmkarlarına TƏBİB rəhbərliyi və kollektivi adından başsağlığı verir, səbir diləyirik.

Allah rəhmət eləsin.

02/07/2026

Suveren, müstəqil ölkəmizin hər bir nöqtəsində xidmət aparan və asayişin təminatçıları olan polis əməkdaşlarını təbrik edirik!