საქართველოს სამედიცინო ჰოლდინგი - Georgian Medical Holding

ა(ა)იპ საქართველოს სამედიცინო ჰოლდინგი უზრუნველყოფს სახელმწიფო მფლობელობაში არსებული კლინიკების მართვას. სახელმწიფოს დაქვემდებარებაში მძლავრი სამედიცინო რესურსების არსებობა ჯანდაცვის სისტემისთვის კრიტიკულად მნიშვნელოვანია, რადგან სახელმწიფო კლინიკები ხარისხის, ხელმისაწვდომობის და მოსახლეობის სხვადასხვა ჯგუფის საჭიროებების უზურნველყოფის მნიშვნელოვანი ხელშემწყობი ფაქტორია. სახელმწიფო მართვის ფარგლებშია შესაძლებელი სამედიცინო მომსახურების ხარისხის ეროვნული სტანდარტების დაკმაყოფილება; სახელმწიფო კლინიკა არ არის ორიენტირებული ფინანსურ მოგებაზე, რის შედეგადაც მომსახურების ფასები მაქსიმალურად არის მიახლოებული მის ფაქტობრივ ღირებულებასთან, რაც, თავის მხრივ, ჯანდაცვას ბევრად ხელმისაწვდომს ხდის როგორც მოქალაქისთვის, ისე სახელმწიფოსთვის, რომელიც სამედიცინო მომსახურების დაფინანსების მთავარი წყაროა.

ჰოლდინგის მიზნებია:
· სამედიცინო სფეროში სახელმწიფო და კერძო სექტორს შორის ჯანსაღი კონკურენციის შექმნა;
· სახელმწიფო საკუთრებაში არსებული კლინიკების გაძლიერება და განვითარება საერთაშორისო სტანდარტების შესაბამისად, როგორც სტრუქტურული, ასევე სამედიცინო სერვისების თვალსაზრისით.
· მაღალკვალიფიციური სამედიცინო მომსახურების ხელმისაწვდომობა (მ.შ. მოწყვლად ჯგუფებში);
· უწყვეტი სამედიცინო განათლების რეფორმის დაგეგმვა და განხორციელება;
პირველადი ჯანდაცვის გაძლიერება;
· ტელემედიცინის დანერგვა-გაძლიერება.