اخصائى نفسى اكلينيكى/ شرين عبدربه ـ Psy Shreen Abdrapoo

03/04/2026

03/04/2026

اكتر حاجه حقيقية بتفرحنى بطلع بيها من الشغلانة دى
إن المريض أو أهله يقولوا احنا بندعى لك فى كل صلاة، أو احنا دائما بندعيلك
وحقيقى كلة مش بشطارة منى كله دائما بفضل من ربنا ونعمته عليا
فاللهم استخدمنا أكثر ولا تستبدلنا...

بفرح اكتر مع الحالات الصعبة بالنسبالى اللى بيكون غالب عليهم نوبات البكاء، أو الخوف من العلاج ذات نفسه سواء الدوائى مع الطبيب أو معايا بالجلسات
بفرح باول انتصار حقيقى ليهم وتعبيرهم بيكون على شكل ضحكة جميلة..

اللى هو اخيرا مش كنت شايف أن هخلص من معاناه مرض بقاله سنين...
بفرح بفرحهم حقيقى ربنا يديم فضلة ونعمته عليا علينا اجمعين ويستخدمنا ولا يستبدلنا 🩵

البطل الحقيقى هو انت لما اخدت قرار تبدأ علاج برغم صعوبته 🩵

اخصائى نفسى اكلينيكى/ شرين عبدربه ـ Psy Shreen Abdrapoo

10/01/2026

بعد خبرة سنين في العلاقات البشرية اكتشفت حاجة مهمة جدًا

البني آدم الصح مبيعملش دوشة
و العلاقات الصح مفهاش دوشة
والنجاح الصح مش محتاج دوشة ولا تلميع هو بيلمع لوحده
أو بمعنى اصح مبيعملش دوشة على الفاضي إلا الفاشلين أو مدعيين النجاح

في كاتب انجليزي له Quote بيقول فيها :
"أكثر ما يتظاهر به المرء هو أكثر ما يخفي عكسه"

اللي بيقولك أنا ناجح وبنجح شوفني أنا هنا أهو اعرف إنه فاشل وفاضي
اللي بيقولك تعالى اتفرج عليا بحب شريك حياتي ازاي مبيحبوش
اللي بيسلط الضوء على أخلاقه ومبادئه وإنه قد إيه متعلم الأصول اعرف إنه ميعرفش عنها حاجة

مرة تانية؛
أكثر ما يتظاهر به المرء هو أكثر ما يخفي عكسه.

- إسلام حامد

لما تلاقى دوشة امشى 🤍✨🌿

29/12/2025

هتبني شخصية وعقلية جديدة.. يبقى هنقتل القديمة قتل رحيم..
وبالتدريج

-
مفيش حلول تانية..

معلش 🫂

منقول التعافى

28/12/2025

قاعدين يخانقوا على مدارس ، وهى المشكلة كلها فى عدم وجود صفات الشخصية المطلوبة للاخصائى النفسى اصلا....

مبدئيا اصلا اللى بيشتغل بجد بيستخدم المدارس كلها اساسا كدا كدا
لأن كل مرحلة من مراحل العلاج ليها جزء من مدرسه محددة ، ممكن تستخدمها وممكن مش تستخدمها، بس حتما انت هتاخد بعضهم أو كلهم كدا كدا...على حسب شخصية كل حالة.. وتدخلها منين وتتعامل ازاى ومحتاجين ايه معها وأمته...

فما هم إلا ان كلهم مصطلحات مختلفة تؤدى لنفس المعنى ونفس الهدف بنفس الطريقة بس بأسلوب مختلف بس محتاجين صفات اخصائى متفتح ذكى مرن بواقعية متزن حكيم متسلسل مش جاف أو متجزر أو ميل لحاجه واحده فقط

فكملوا خناق انتم وسيبوا اللى بيشتغل بجد لأن حقيقى احنا فى مهزلة ومحدش مسيطر عليها ولا حد له كلمه، لأن كل واحد ماشى على الله حكايته بنسقف لاى حاجة جديدة طالعة أو اى حاجة قديمه بنكتشفها فحين انت لو مرن وواعى هتشتغلهم اساسا كلهم بفطرتك اصلا وتكتشف دا بعلمك وبذكائيك بواقعية مرنه بفهم واتزن....

لأن كل واحدة بتكمل التانية حتى لو متعرفش حاجة عن واحده بحكم شغلى قبل ما اقراء بلاقى نفسى استخدمتها اصلا بفطرتى اساسا مثلا سكيما من قبل اصلا ما اعرفها الشغل بيحتم عليك تفهم هى المشاعر دى ايه نظمها وتفاصيل كل تفصيله خطوات متسلسله كدا لابد من تعمقك مع الحالة اصلا حتى لو متعرفش عن الخطوات حاجة فطرتك هتشغلك...
وبعد كدا اكتشف معاهم واتعلم بعلم بالخطوات الواضحه اكتر و محددة وبوعى اكتر.... وتكتشف دراسات عنها وأساليبها وحالات وتعمق بقى اكتر فطور نفسك بعيد عن العلم بصفات تخليك شاطر ويتحقق علاج حقيقى ونتائج ناجحه للنهاية مع مرضى على أرض الواقع مش شو ميديا على الفاضى واسم وخلاص وعدد طلاب مش مرضى اللى بيسقفوا، لأن الحالات مش لتظهر اصلا ومتابعين ولا فكومنتات من الوصمة الوهمية، ف كفاية رغى وطور صفاتك وعلمك واستخدمهم كلهم كل واحده فى وقتها الصح وعلى حسب كل حالة وشخصيتها

على الله حكايتكم بجد اللى بيشتغل بحاجة واحدة بس او اتنين دا شخصيته جافه مش بالعلم ولا بخبرتك بشخصيتك وصفاتك لأن زى ما احنا عارفين

"ليس كل اخصائى نفسى ينفع أن يكون اخصائى نفسى"
وان فى" ناس عاديين بالفطرة هما أخصائين نفسيين اصلا بدون دراسة بدون علم اصلا ولا ليهم علاقة بالمجال" اصلا !!!

دى مقولة فى كتاب من ايام الليسانس مش متذكره اسمه وتقريبا معروفة بالنسبالنا جميعا، فحقيقى متتغرش فى نفسك وانت اخصائى بس مش فيك صفات انك تنفع تكون اخصائى لأن مش بعلمك بس بشخصيتك وصفاتك مع علمك الاتنين بيكملوا بعض وماشيين مع بعض ..

و مش انت اللى بتحدد انت تنفع ولا لا، برغم انك من جواك عارف انت قادر وفيك الصفات دى ولا لا مش عندك، فاالى بيحدد شطارتك حالاتك ومشرفك بتجيب نتيجة معاهم وتستغرق بتفاصيل ولا لا، حالات بجد وحقيقى على أرض الواقع تنزل المعركه مش شو بوستات وطلاب بيسقفوا من سنة رابعة ولا خريجين كل سنة واحلى بيزنس لكورسات...

الاخصائى النفسى ذات نفسه يكون فاهم نفسه وواعى بتفاصيل التفاصيل بيها ولا لا، علاج نفسى ذاتى اللى اكيد مش اى حد هيوصل لكدا زى ما قال أبو علم النفس....

وعلاج نفسى من معالجين تعرض نفسك عليهم، مش مقضيها علاج وانت محتاج تتعالج ومش مطبق دا عليك قبل الآخرين...

افهم نفسك وكون فيك صفات إنسانية حقيقية فطرية وصفات شر مش مستخدمه وكلهم استخدمهم بوعى وحكمه بقوة متحكمه متزنه مش بضعف..

عايشين فى مكان كله بيكلم فى صوت واحد على كله، بس تلاقى شغل بجد بقى الا من رحم ربى بس،،،