Dr. Yehya R. Adrees

Home
Dr. Yehya R. Adrees

Contact information, map and directions, contact form, opening hours, services, ratings, photos, videos and announcements from Dr. Yehya R. Adrees, Gynécologue obstétricien, .

🩺 د. يحيى إدريس .
اختصاصي نسائية وتوليد | OB-GYN
🧬 الخصوبة • أطفال الأنابيب | IVF • ICSI
🤰 الحمل • صحة المرأة
📚 محتوى طبي موثق Evidence-BasedMedicine
👇 جميع الروابط | All Links
https://beacons.ai/dr.yehya

31/08/2026

تحملي القيء والاستفراغ .. حملك القوي هو السبب❗️

⭕️ صح بعض الدراسات قالت أنو الغثيان أو القيء ببداية الحمل مرتبط بقلة احتمال تخسري الحمل… لكنها ما أكدت أنه الشدة دليل قوة الحمل .

⭕️في حوامل ما صار عندن غثيان أو قيء ، وحملن طبيعي. وبالعكس لو كان شديد وغير محتمل .. فأنت بحاجة تقييم ومراجعة طبية، خاصة مع الدوار وتغير لون البول والتجفاف.

⭕️لهيك تذكري،أنك بتتطمني على الحمل بالمتابعة مع الطبيب بالايكو (السونار) ،مو بعدد مرات الاستفراغ.

⭕️شو الوضع معك .. شديد او مقبول⁉️
📚تابعيني لتعرفي أكتر ..
#الحمل

30/08/2026

⭕️مابدك تركبي لولب .. سمعتي أنه بسبب عقم⁉️

⭕️السبب اللي نشر هالفكرة غالبًا ..أن اللولب ممكن يسبب التهاب بالحوض،وبعدها يأثر بالأنابيب.
طبعا مشكلة الالتهاب هي مو سببها اللولب بحد ذاته، المشكلة مرتبطة بعدوى غير معالجة كانت موجودة وقت التركيب.

⭕️واللولب بحد ذاته ما بسبب عقم ،ومو بالضرورة يتم الحمل بأول شهر للإزالة. ولو تأخر، ما فينا نعتبره المتهم تلقائيًا، بالعكس لازم نقيّم العمر، والإباضة، والأنابيب والسائل المنوي حسب مدة المحاولة والحالة.

⭕️سبق وخوفوك صح؟
📚تابعيني لتعرفي أكتر ..
#اللولب

29/08/2026

🩹لصاقة منع الحمل .. صغيرة بمفعول رح يفاجئك😃

⭕️نظامها بسيط جداً:
بدك 3 لصاقات خلال 3 أسابيع، وبعدها بترتاحي أسبوع بدون لصاقة وبتنزل بنهايته الدورة.

⭕️أما عن الفعالية فبتتجاوز ال 99% ، المهم تبدليها بشكل منتظم ع الموعد الأسبوعي.

⭕️ولانها بتحوي إستروجين، ممكن ما تناسب اللي عندها:
• تاريخ خثرات. • صداع الشقيقة.
• ضغط دم عالي وغير مضبوط دوائياً.
• مدخنة بعمر 35 سنة أو أكبر.

⭕️وتزكري أنها ما بتحميك من العدوى المنتقلة بالجنس.
⭕️سمعتي فيها من قبل؟ أو جربتيها؟
📚تابعيني لتعؤفي أكتر...

28/08/2026

الرضاعة الطبيعية.
#الرضاعة

27/08/2026

❌️لا تهملي الورم بالأشفار .. القصة اكبر من كيسة بارتولان أحيانا..
⭕️كتير سهل نقول اسم «كيسة بارتولين» على أي انتفاخ بهي المنطقة… وهون ببلش الخطأ.

⭕️الكتل بالشفر مو نوع واحد، ممكن تكون كيسة أو خراج بارتولين، كيسة جلدية، ورم شحمي، فتق، آفة وعائية، أو نوع تاني من أورام النسج .

⭕️واللي لازم ننتبه أكتر عندهم :السيدات بعد سن الأربعين، أي كتلة جديدة محتاجة تقييم نسيجي، مو مجرد نفتحها أو نعالج كمجرد التهاب.

⭕️اكتبيلي لو سمعتي عنها قبل..
📚تابعنيني لتعرفي أكتر..

26/08/2026

⭕️لو لمستي بطنك بالحمل،وحسيتي بقساوة متل الحجر.. ما تفكري المخاض والولادة بلش ..
⭕️أحياناً تقلصات البطن ممكن تدريب وتجهيز للولادة ، خصوصي إذا متباعدة بزمن الحدوث (كل ساعة أوأكتر)، وما عم تزيد قوتها،ولا عم تصير أقرب بالفواصل الزمنية(كل 5 او 10 دقايق مثلا).

⭕️وبالنسبة لتقلصات الولادة والمخاض الحقيقب ، بالعادة بتصير كل( 3_5 ) دقيقة بشكل منتظم، ومابتخف مع الوقت، ولا بترتاحي ع المسكنات.
⭕️ولا تقعدي تراقبيها بالبيت لو👇
• الحمل أقل من 37 أسبوعًا ..• نزل منك ماء أو دم..
• خفّت حركة الجنين..• التقلصات صارت منتظمة ومتزايدة..

🫟بطنك قاسي او طري ..اكتبيلي بالتعليقات ..
📚تابعيني لتعرفي أكتر..
#الطلق

25/08/2026

ارتفاع هرمون الحمل الرقمي وتضاعفه لا يعني بالضرورة المطلقة وجوده داخل الرحم أو خارجه.

24/08/2026

⭕️كل ما صحيتي بالليل .. بتكوني نايمة على ضهرك⁉️
للحوامل..
بعد الأسبوع 28 (اول السابع) ، الأفضل تنامي على جنب، يمين أو يسار، اللي بريحك يعني. بس لو صحيتي على ضهرك، بكفي تعدلي وضعيتك وتنامي.

⭕️والسبب أنو النوم على ضهرك آخرك الحمل ،بسبب ضغط على الأوعية، اللي بتوصل الدم والغذاء للجنين والمشيمة.والمهم هو الوضعية اللي بلشتي فيها نومك، مو تراقبي حالك كل الليل.

🫟كيف بترتاحي أنت يمين أو يسار⁉️
📚تابعيني لتعرفي أكتر ..

23/08/2026

⭕️90% من السيدات مابيعرفوا كيفية حساب موعد الإباضة..
فتعالي لخبرك أسهل الطرق .. وأقرأي بهدوء للآخر.
💯وخلينا متفقين أنو العد لأيام الدورة ببلش من أول يوم دم صريح.

🫟بالدورة المنتظمة لازم نحفظ رقم 14، وهو عدد الأيام اللي لازم ننقصه من إجمالي الدورة ككل.

🫟يعني إذا دورتك كل 28 يوم، فالإباضة تقريباً يوم 14، وأيام الخصوبة والي بنصحك بالجماع فيها هي من اليوم 9 لليوم 14.

🫟أما إذا دورتك كل 32 يوم، فالإباضة تقريباً يوم 18، وأيام الخصوبة من اليوم 13 لليوم 18.

🫟وليش منبلش بالجماع قبل بخمسة أيام من الإباضة⁉️
👇لأن الحيوانات المنوية ممكن تعيش من(3_5) يوم.
👇و البويضة بتعيش حوالي 12–24 ساعة.
💯فخلي النطاف ينتظروا البويضة أحسن😄

⁉️كنتِ مفكرة أنها دايما باليوم 14⁉️
📚تابعيني لتعرفي أكتر..

22/08/2026

⭕️لو كانت الدورة بتستمر 3 أيام ،بكمية قليلة وتنقيط … وبترجعلك كل 22 يوم ،بتكون طبيعية؟ أو مخزون البيوض قَل؟

⭕️نزف الدورة غالبًا بيستمر من يومين لـ7 أيام، يعني 3 أيام من ناحية المدة ضمن الطبيعي.

⭕️أما طول الدورة الطبيعي فغالبًا بين 21 و35 يوم، ومحسوب من أول يوم نزف واضح لأول يوم نزف واضح بالدورة الي بعدها … مو من يوم توقف الدم.

⭕️والمهم تعرفي قلة الدم لحالها، ما بتعني ضعف مخزون ولا عقم.والاختبارات الهرمونية بتساعدك تتطمني مع الإيكو(السونار).
⭕️اكتبيلي دورتك خفيفة او غزيرة؟ وتغيرت مؤخراً او هي طبيعتها دايماً؟..
📚تابعيني لتعرفي أكتر ..

Address

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Sunday	09:00 - 17:00

Telephone

+252610753404

Website

facebook.com

Alerts

Be the first to know and let us send you an email when Dr. Yehya R. Adrees posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Yehya R. Adrees:

Want your practice to be the top-listed Clinic?

Country:

City: