26/06/2026
โ๐๐ฅ๐๐ค๐ญ๐ซ๐จ, ๐๐จ๐ฎ๐ฐ... ๐ข ๐ฎ๐ง ๐ค๐ฎ๐ซ๐๐ฌรณ๐ง ๐ฉ๐ ๐ค๐ฎ๐ข๐๐จ. ๐๐จ๐ค๐ ๐๐จ ๐ญ๐ ๐ฌ๐ขnฬ๐ ๐๐ครญ, ๐๐จ ๐ง๐จ ๐ญ๐ ๐ก๐nฬรฉ ๐๐๐ง ๐๐ฎ๐ค๐ข...โ
"Mi nรฒmber ta Dioris Magdalena i mi tin un aรฑa ta traha komo Medewerker Technisch Onderhoud na De SGR-Groep, kaminda mi ta hasi mantenshon general (all-around onderhoud).
Mi ta haรฑa mi trabou โgreatโ ta pasobra tur dia ta diferente. Ora mi yega mainta, nos ta haรฑa diferente tarea pa bai atendรฉ. Nos ta kuminsรก ku e kasonan urgente promรฉ i despues e trabounan di mรฉnos urgensia. For di solushonรก un โverstoppingโ te na atende un โstoringโ di koriente, kambia pera di lus, รฒf drecha fรจn di un kliente... tur mi ta hasi ku mashรก smak pa e kliente. Banda di e hasi trabounan na e kasnan i pasadia di e klientenan, nos ta hasi trabou na e kantornan tambe i e otro edifisionan.
Loke ta hasi mi trabou realmente โgreatโ ta e kombinashon รบniko entre tรฉknika i kuido. Ora bo studia โBouwโ รฒf โElektroโ, kuido ta parse un asuntu totalmente diferente, e otro banda di medaya. Den kuido bo ta usa bo konosementu i talento pero bo tin ku duna รจkstra. E kliente ta dependรฉ di bo trabou i bo kalidat.
Normalmente, si un pera di lus kima รฒf un fรจn daรฑa na bo kas, bo mes ta subรญ drechโรฉ. Pero nos klientenan no por hasi esei. Pโesei e trabou ku nos di e tim di Facilities ta hasi ta asina krusial.
Loke ta mas bunita ta e relashon ku e klientenan. Nan ta komprondรฉ bo super bon. Ora mi bai traha na e kasnan, nos ta kombersรก tambe. Tin biaha nan mes ta guia bo! Nan ta bisa bo: โEi, akรญ bo mester bin, e lus den โgangโ a kima!โ E interakshon ei ta duna un satisfakshon enorme.
Mi ke invitรก prinsipalmente personanan ku a studia โBouwโ รฒf โElektroโ pa bin tende mas di traha den kuido na nos feria di trabou. Apesar ku ta un otro sektor for di loke bo a studia, un trabou den kuido ta amplia bo konosementu na un forma ku bo no ta siรฑa na skol. Bo ta desaroyรก bo parti sosial i bo ta sinti e satisfakshon di por aliviรก i yuda un kliente ku desabilidat."
