23/07/2026
Djaoen😍😍
!Bida di un empresario!!
Hende ta mira bo negoshi, bo progreso, bo tim i bo resultadonan.
Nan ta bisa:
“Dushi bida bo tin.”
“Bo tin libertat.”
“Bo por hasi loke bo ke.”
“Bo no tin un hende riba bo.”
“Bo ta traha ora bo ke.”
Pero nan no ta mira tur loke ta pasa tras di e imagen bunita ei.
Nan no ta mira e nochinan ku bo no por drumi, paso bo kabes no ta stop di pensa.
Nan no ta mira e biahanan ku bo ta paga tur hende promé ku bo paga bo mes.
Nan no ta mira ku bo ta smile pa tur hende, miéntras paden bo ta kansá.
Tin un negoshi ta muchu mas ku independensia.
Ta karga responsabilidat pa bida di otro hende.
Ta tuma desishon ku por afektá un tim kompleto.
Ta para fuerte, asta ora bo mes tin mester di un brasa.
Mi a kere ku fortalesa tabata nifiká hasi tur kos mi so.
Ku pidi yudansa tabata algu ku mi no por.
Ku un líder mester tin tur kontesta i nunka por kibra.
Pero e manera di pensa ei a kansa mi alma.
Mi a siña ku fortalesa no ta karga tur kos mi so.
Ta konosé ora e peso ta bira muchu.
Ta konfia den mi tim.
Ta permití hende ku ta stima mi sostené mi.
Ta laga otro hende mira mi vulnerabilidat, sin pensa ku esei ta kita nada for di mi.
Mi negoshi no a keda fundá solamente ku un idea bunita.
El a keda fundá ku lágrima ku niun hende a mira.
Ku sakrifisionan ku niun hende a aplaudí.
Ku dianan ku mi tabata kla pa stòp, pero mi propósito a bisa: “Sigui bo no por give up!!.”
I mas importante ainda, el a keda fundá riba e hendenan ku a para na mi banda ora mi no tatin forsa pa para mi so.
Awor mi sa:
Mi por ta fuerte i tog tin mester di hende.
Mi por ta independiente i tog pidi yudansa.
Mi por ta líder i tog tin dianan ku mi no ta sinti bon.
Paso trás di kada negoshi ku ta krese, tin un ser humano ku ta lucha pa no pèrdè su mes den e proseso.
“Dushi bida,” nan ta bisa… pero solamente e empresario sa kua prijs e ta paga pa e libertat ku otro hende ta mira. 🖤
