Mohamed Galal محمد جلال

Mohamed Galal محمد جلال 🇩🇪اخصائي تمريض بالمانيا@ 🇩🇪
(1)

21/08/2026

اهرب ياولد 🫣🤣

اول مجيت المانيا كنت في مدينة صغيرة وكنت عاوز اكون صداقات فيها فكان الحل اني اشترك في نادي او امارس اي رياضة وكان مشهور ...
21/08/2026

اول مجيت المانيا كنت في مدينة صغيرة وكنت عاوز اكون صداقات فيها فكان الحل اني اشترك في نادي او امارس اي رياضة
وكان مشهور في المدينه دي لعب البينج بونج او Tischtennis 🏓
بس كان الاعضاء كلهم فوق الستين لغاية 80 سنة 🫣
فانا بصيت كدا وقولت اهلاااااا دانا هفسحكم واحط عليكم يا شوية المان 🤓🥸
اينعم مبعرفش العب الا علي قدي جدا بس دول كبار في السن يعني مفيهمش نفس عشان يجاروني 🤓
اتعرفت عليهم وطلع هنا لازم كل واحد يروح معاه مضربه وكوره وهدومه عشان يغير وياخد شاور بعد اللعب وحوار كبير كدا انا مكنتش عامل حسابه 🤣🤣🤣
فعرفتهم اني جديد في المانيا واني بحاول اطور من لغتي فرحبوا بيا جدا 😍
وادوني مضارب اختار منها واحد العب بيه النهاردة فانا اخترت مضرب جميل جدا ولعبت بيه ومع اول ماتش لقيتهم بيفسحوني 🙏🏻🥹☹️🥺😳
ايه ياجدعان المفروض ان عندكم شيخوخة وروماتيزم وامراض قلب وانا اللي شباب هنا انتوا فاهمين غلط ☹️
وفضلوا يتناوبوا عليا الماتشات لغاية لما قولت باااااااااااااااس انتوا معلقين ريدبول محاليل ولا ايه اهدوا شوية ولا اكمني شاب في اول التلاتين تستضعفوني 😭
وفحأة وقفوا لعب وقالولي محمد انت عندك نقط ضعف كتير ولازم تتعلم ازاي تلعب واحنا هنعلمك 🫣
وبالفعل وقفوا واحد واحد يعلموني بمنتهي الصبر ويخلوني اشوط عليهم لمده ٣ ساعات لغاية لما في نفس اليوم غلبتهم في الزوجي ومن تاني مرة بقيت ند كويس مش ضعيف وبقيت بكسب وبخسر اه بس مبقتش زي الارل😍
المهم في اليوم الاول بعد متعلمت ناداني اكير واحد وقالي محمد احنا فخورين بيك وبانك قدرت تيجي المانيا بمستوي لغة كويس وانك بتشتغل ممرض ودي مهنة ليها كل الاحترام وعشان كدا قررنا نديلك هدية بسيطة وادوني المضرب ده 😍😍
والمضرب دا أنا فاكره رخيص زي مبنشتريه بعشرين ولا خمسين جنيه ، طلع مضرب معتمد دوليا وبيستخدم في التدريب وبحثت عنه طلع بحوالي 140 يورو 😳
فبصراحة الناس دي كانوا كويسين جدا وانا حبيتهم خالص وعمرهم محسسوني اني اجنبي ❤️
محدش فيهم عنده فيسبوك ومفيش اي تواصل بينا من سنين لانهم عندهم مبدا ان اصدقاء الرياضة هم اثناء الرياضة فقط ومفيش تواصل شخصي حتي بينهم وبين بعض لكن دا مختلف مع الشباب طبعا .
المهم انا حسيت معاهم احساس كويس وحبيت انقلهولكم وهستني رايكم ❤️
سلاااااااام

اليوم دا مستحيل انساه من رحلة تعلم الالماني ❤️🇩🇪في نص 2019 بدات الرحلة دي وكانت اول مدرسة ليا اللي اخدنا معاها اول مستوي...
20/08/2026

اليوم دا مستحيل انساه من رحلة تعلم الالماني ❤️🇩🇪
في نص 2019 بدات الرحلة دي وكانت اول مدرسة ليا اللي اخدنا معاها اول مستويين مش مناسبة معايا ولا مع الجروب بتاعي فقررنا نجرب مدرسة جديدة وبطريقة ما تم التواصل مع معهد لغة فبعتوا لينا مدرسة اقل مايقال عليها انها حووووووت الماني
فراو امنية مهدي 😍
اول مشوفتها قولت هم باعتين طفلة تدينا الماني ولا ايه 🤣 وطبعا لانها كانت في اول العشرين وانا في الأواخر وكانت صغنتوته اللي يشوفها يقول في اعدادي او ثانوي بالكتير 🤓
استضغرناها قبل متبدا اول محاضرة لكن مجرد مبدات كانت شخص تاني 😳
شخصية جدااااا وشاطرة جداااااا بجد ، عملت لينا تحديد مستوي وكلنا يادوب عدينا من المستوي الاول 🤓 يعني هنعيد التاني معاها 🥹 وبدانا اول محاضرة واكتشفنا ان طريقة شرحها كاننا ماخدناش الماني قبل كدا حرفيا 🙏🏻
كانت بتعمل جو منافسة بينا وكانت بتكافئ اللي يعمل حاجة صح يعني بتعمل امتحان كامل كل ٣ دروس واللي يجيب اعلي درجة بياخد هدية زي اللي اخدتها في الصورة دي اللي رغم بساطتها بس فرحتني جداااااااااا😍😍
اليوم دا منساهوش لانه بجد مكانش سهل التفوق خصوصا ان الجروب بتاعي كلهم ماشاء الله ممتازين وانا اكبرهم سنا واقلهم تعليم ( الاعتراف بالحق فضيلة ) فكان شعور ممتاز بصراحة ❤️
كان كل محاضرة لازم نمثل فيديو مع بعض واحنا بنتكلم في الموضوع اللي فات وكل موضوع بسكريبت جديد وهي تصلح لينا الاخطاء ❤️
ممنوع نتكلم عربي ولو حد حاول يشرح معني كلمة بالعربي او يقول اي كلمة خارجة بالعربي بيتاخد منه 5 جنيه عقاب 🤓
كانت بتلم مننا فلوس كل محاضرة وبعدين أكتشفنا انها بتجيبلنا الهدايا اللي بتكلفئنا بيها لما بنتفوق 😍
لظروف ما مكملناش مع بعض وكان اخرنا نص المستوي التاني 🥹
وبعدين درسنا مع كل مدرس شوية ومحدش سد مكانها مهما كان مين هو مع الاسف
المهم هي مش موجودة في مصر حاليا وسافرت لكن لسه علي تواصل بس كل فترة طويلة واتمني تقرا البوست ده بجد 🙏🏻
شكرا يا امنية عالهدية دي خلتني فرحان جداااااااا ومش ناسيها❤️

بقالي سنين في الماني بشوف العجلة دي في اكتر من بلد واكتر من طريق وكنت فاكرها مجرد عجلة مدهونة ابيض وفيها ورد للزينة او ...
20/08/2026

بقالي سنين في الماني بشوف العجلة دي في اكتر من بلد واكتر من طريق وكنت فاكرها مجرد عجلة مدهونة ابيض وفيها ورد للزينة او ان الطريق ده مسموح فيه بركوب العجل او اي حاجة شكل كدا .🤓
لغاية لما سالت وعرفت ان السبب مختلف تماما وهو ان العجلة دي عبارة عن نصب تذكاري بيدل ان في راكب عجل مات في المكان ده بالظبط في حادث والورقة اللي عالكاوتش دا حاجة زي نعي كدا .والالمان بيخلدوا ذكراه بالطريقة دي 🥹

ياتري حاجة زي كدا حسيتها عادية وانت بتعرفها ولا مختلفة ؟
وهل حد صادف طقوس وعادات زي كده في اي بلد ؟
اكتبولي في الكومنتات 👇

تم حذف الفيديو بتاع النهاردة بعد لما انتشر جدا لاجتناب الشبهات وعشان مشيلش ذنب غير مقصودشكرا لاخواتي اللي لفتوا نظري لان...
19/08/2026

تم حذف الفيديو بتاع النهاردة بعد لما انتشر جدا لاجتناب الشبهات وعشان مشيلش ذنب غير مقصود
شكرا لاخواتي اللي لفتوا نظري لاني بجد مكانش في بالي حاجة غير اضافة معلومة زي متعودتوا ❤️❤️

الراجل دا تعلب ياجماعة وهادي جدااااا بس فضلت اطمعه وهو يهجم لغاية لما زنقت الملك بتاعه لقيته بيبصلي ويقولي : هتغلب راجل ...
19/08/2026

الراجل دا تعلب ياجماعة وهادي جدااااا بس فضلت اطمعه وهو يهجم لغاية لما زنقت الملك بتاعه لقيته بيبصلي ويقولي : هتغلب راجل قد ابوك !؟🥹
فانا بصراحة الكلمة هزتني كانها سهم دخل في قلبي، فرديت عليه وقولت :
دنا اغلب ابويا نفسه نيهاهاهاها 🤣🤓
اعذرني ياعم الحج اللعب لعب 🫣
فقالي كدا 😏 طب كش ملك وغلبني بعدها ب 3 حركات بس 🥹
طلع هو اللي بيطمعني 😔
بس صبرك عليا يا عم مارتن انا مش هسيب حقي ولو ربنا كرمك وفضلت عايش للاسبوع الجاي هاجيلك وهغلبك بقي 🥹

بالمناسبة حد فاكر يعني ايه شطرنج بالالماني ؟🤨🤓

18/08/2026

مسمعش حد يقول الالماني صعب بعد كدا 🤓🫣
قولولي في الكومنتات كلمات بتنتهي بنفس الوزن😍

الخريف ياولاد ❤️
17/08/2026

الخريف ياولاد ❤️

17/08/2026

هو انت لو اتفائلت هيقولوا عليك المتفائل اهه 😏
يسروا ولا تعسروا وبشروا ولا تنفروا ياحبيبي يارب نفهم

من أكتر الحاجات اللي بتعطل ناس كتير وهي بتتعلم ألماني او اي لغة عموما إنهم مقتنعين إن لازم يبقوا بيتكلموا بلهجة ألماني أ...
16/08/2026

من أكتر الحاجات اللي بتعطل ناس كتير وهي بتتعلم ألماني او اي لغة عموما إنهم مقتنعين إن لازم يبقوا بيتكلموا بلهجة ألماني أصلي ومخارج حروف مثالية 100%، ودي فكرة للأسف بتخلي ناس كتير تحبط نفسها بدون سبب.
خليني أقولك حاجة مهمة جدًا:
اللغة في الأساس وسيلة تواصل، مش مسابقة تقليد أصوات.
ربنا خلق الناس بألسنة ولهجات مختلفة، ومفيش أي مشكلة إن لهجتك تبين إنك جاي من بلد تانية. المهم إنك تقدر تعبر عن نفسك، واللي قدامك يفهمك، وأنت تفهمه.
تعالوا نبص للموضوع من زاوية تانية...
لو أجنبي جه مصر وقال كلمتين عربي حتى لو غلط، بنفرح بيه جدًا ونقعد نشجعه. ولو واحد عايش في مصر بقاله عشر سنين ولسه بيتكلم عربي مكسر، لكنه فاهمنا وبنفهمه، بنحترمه ونقدر المجهود اللي بذله علشان يتعلم لغة صعبة بالنسبة له. عمرنا ما بنركز في كل حرف نطقه صح ولا لأ.
طيب ليه بنقسو على نفسنا وإحنا بنتعلم الألماني؟
أنا عايش في ألمانيا، وأقدر أقول بكل ثقة إن أغلب الألمان مش فارق معاهم الأكسنت خالص طالما بتعرف توصل فكرتك، وتفهم اللي بيتقالك، وتشارك في الحوار بشكل طبيعي. محدش مستني منك تبقى ألماني المولد علشان يتكلم معاك.
والحقيقة المضحكة شوية إن أكتر ناس ممكن تنتقد مخارج حروفك أو لهجتك غالبًا مش هيبقوا ألمان أصلًا🤓 في الغالب هيكونوا عرب زيك، وعايزين يتمنظروا أو يثبتوا إنهم أحسن منك 😏في اللغة، وخلاص.
أما الواقع، فبيقول إن إتقان اللهجة الألمانية الأصلية بشكل كامل غالبًا بيكون لواحد من 3:
اتولد في ألمانيا.
جه ألمانيا وهو طفل صغير.
أو كرس سنين طويلة جدًا من حياته لدراسة اللغات والترجمة والصوتيات لحد ما وصل للمستوى ده.
وممكن نضيف لو حد اتجوز من احد المواطنين الاصليين
لكن الشخص اللي سافر ألمانيا وهو كبير، يكفيه جدًا إنه:
يتكلم كويس.
يفهم اللي بيتقاله.
يعرف يرد.
ينجز شغله.
ويكوّن صداقات وعلاقات كويسة.
وده أصلًا الهدف الحقيقي من تعلم أي لغة.
وأبسط مثال على كده الأتراك والرومان والألبان وغيرهم، اللي بقالهم في ألمانيا عشرات السنين. نسبة كبيرة منهم لسه عندهم لكنة واضحة بتبين إنهم مش ألمان أصليين، ومع ذلك عايشين، وشغالين، وناجحين، ومحدش شايف إن دي مشكلة.
وفي الآخر أحب أوجه رسالة لـ HR والشركات الألمانية في مصر:
ارحموا الناس شوية.
في متقدمين كتير جدًا خريجين ألسن أو لغات وترجمة، ومستواهم اللغوي ممتاز، وعندهم حصيلة قوية وفهم ممتاز وقدرة حقيقية على التواصل، لكن بيترفضوا أحيانًا لمجرد إنهم بيفكروا ثواني قبل ما يردوا، أو عندهم أكسنت بسيطة جدًا.
اللغة مش حفظ أصوات، ولا سرعة رد، ولا تقليد لهجة.
اللغة فهم، وتواصل، وثقافة، وقدرة على نقل المعنى.
متحرموش شركاتكم من ناس شاطرة ومؤهلة لمجرد إن عندها لكنة خفيفة أو مش بتتكلم بنفس طريقة شخص اتولد في برلين أو ميونخ.
متخليش الأكسنت يخوفك من إنك تتكلم. اتكلم، اغلط، اتعلم، وطور نفسك. لأن اللي هيوديك لقدام مش نطق حرف الـ R الألماني بشكل مثالي، اللي هيوديك لقدام إنك تعرف تتواصل مع الناس وتبني حياة ومستقبل بلغة جديدة. ❤️🇩🇪

حابب اعرف مين متفق معايا ومين معارض من مواليد برلين 🤣
مستني رايكم في الكومنتات 👇
سلاااااااااام

Adresse

Essen

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Mohamed Galal محمد جلال erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Verknüpfungen

Teilen

Kategorie