يلا نبلش ريجيم

يلا نبلش ريجيم دكتور من سوريا مقيم بالمانيا، أكتب تجربتي مع الحمية والرياضة ،وكيف خسرت اكتر من ٤٠ كغ من وزني .

جولة مشي عالجهاز بآخر الليل ...على أنغام كايروكي وسوبرنوفا...😊😊
02/09/2026

جولة مشي عالجهاز بآخر الليل ...

على أنغام كايروكي وسوبرنوفا...

😊😊

جولة مخالفة بآخر الليل ....للولاد مو إلي ....🤗🤗🤗العامل المساعد عالريجيم بالمانيا ، انو مافي حياة بالليل ومافي طلعات على ...
02/09/2026

جولة مخالفة بآخر الليل ....
للولاد مو إلي ....
🤗🤗🤗

العامل المساعد عالريجيم بالمانيا ، انو مافي حياة بالليل ومافي طلعات على غفلة المسا ، مافي محلات سناكات بالحارات وبين البيوت...لازم حصرا تنزل لنص البلد خلال النهار .... بس تعتم الدنيا صعب تلاقي محل خرج تفوت معك الولاد...

اول ما وصلنا لهون ، كنا ننزل من الملل نتفتل المسا بمركز المدينة وندور على شي محل نقعد فيه . كانوا الولاد يضلوا برا وانا افوت لجوا المحل واشوف اذا في ولاد غيرنا قاعدين .... عبث....

بعدين لخبرونا انو المانيا كيندر اونفرويندليش ( غير صديقة للاطفال)...

بتذكر مرة نزلنا اجازة لاربيل ، طلعنا الساعة وحدة بالليل لمحل بوظة و حلويات .... المحل كان معبا عوائل و اطفال ......😁😁

قبلها بالشام قبل ٢٠١١ ، رجعنا مرة من مشوار للقرية الشامية على طريق المطار ، كانت الساعة ٢ بعد نص الليل ... نزلنا بمطعم واكلنا مشاوي...😁😁



غدا اليوم لكل البيت ...صدر فروج مع خلطة الخضار ( المفرزة)..رقائق رز محشوة جبنة موزاريلا...شو هي رقائق الرز ؟؟شغلة جديدة ...
02/09/2026

غدا اليوم لكل البيت ...

صدر فروج مع خلطة الخضار ( المفرزة)..

رقائق رز محشوة جبنة موزاريلا...

شو هي رقائق الرز ؟؟

شغلة جديدة لقطناها من أحد رواد الصفحة ....

😊😊😊

مثال تاني عن الثقافة الغذائية...انت عم تحضر علبة الاكل لابنك بالمدرسة ،عم تحط صندويشة شوكولا او جبنة ، قطعة بسكويت، لبن ...
02/09/2026

مثال تاني عن الثقافة الغذائية...

انت عم تحضر علبة الاكل لابنك بالمدرسة ،عم تحط صندويشة شوكولا او جبنة ، قطعة بسكويت، لبن مطعم او حليب مطعم، فواكه، مشروب محلى . بس تحسب رح تلاقي انك مفوت شي ٥٠٠ ح اغلبها سكر بسيط بيحترق بعد ساعتين بدون ما يقدم اي شي مفيد للطفل وهو بعز الحاجة للطاقة والنشاط والتركيز...عم تنشطو ساعتين بعدها بيرجع عالبيت فاتح تمو من الجوع......

البديل ، تركز عالبروتين والدهون الصحية والنشويات المعقدة :
اروع اكلة هي البيض المسلوق ،خفيف نضيف مع ٥ غ بروتين و شوية دهون وقليل حريرات .
خبز اسمر مع جبنة كاملة الدسم ، كارب بطئ والياف مع دهن بطئ الامتصاص بيشبعوه لساعات .
مكسرات ، معباية بروتين و دهون صحية والياف ومعباية حريرات بيسدو الجوع ساعات.
حبوب كاملة( قمح،كورنفلكس )،بقوليات (حمص حب)، بتسلقهم وتحطهم مع او بدون لبن بعلبة مختومة ، الياف وبروتين مشهية
فواكه وخضرة كتير كتير كتير ، الياف وسكر وفيتامين منعش للطفل...
قطعة حلو صغيرة مع هالاكلات مو مشكلة ، كنوع من المكافأة والتحفيز ....

نفس ال٥٠٠ حريرة فيك تفوتهم، بس تفوت معهم بروتين والياف وفيتامين ضروري لنمو ابنك ، و ضروري لاحساس طويل بالشبع.

عندك حد اقصى من الحريرات المسموحة باليوم ، لازم تعرف من وين تجيبهم، وتعرف قيمتهم ،وما تضيعهم بسهولة.مثلا ،مسموحلك ١٥٠٠ ب...
02/09/2026

عندك حد اقصى من الحريرات المسموحة باليوم ، لازم تعرف من وين تجيبهم، وتعرف قيمتهم ،وما تضيعهم بسهولة.

مثلا ،مسموحلك ١٥٠٠ باليوم ، اكلت ١٠٠ غ شوفان (٣٥٠ح) ، ٢٠٠ غ لبن (٢٥٠ح) ،بيضتين (١٢٥ح) ، تفاح (٧٥ح) ،٢٠٠غ جبنة (٢٠٠ح) ....بيصيرو الف حريرة ، باقيلك ٥٠٠ ولسا ناقصك بروتين ، هال٥٠٠ مالازم تضيعها على اكلة فقيرة بالبروتين و مليئة بالحريرات ( ٢٠٠ غ رز مثلا ،او رغيفين خبز ابيض ، او قطعتين بيتزا ) ،لازم تحترم هال٥٠٠ ح و تعتبرها ثمينة ....

طبعا اول كم شهر لازم توزن كلشي تاكلو وتحسب الحريرات عالبرنامج الموبايل ...شوي شوي بتتعلم لحالك ..... وهيك بتتحول للنمط الصحي ...ورح تعرف قديش كنت عم تخبص وتاكل حريرات زيادة و عالفاضي.....

كتار بيطلبو مني برنامج للتنحيف ، والجواب دائما وابدا : مافي شي اسمو برنامج يومي او اسبوعي للحمية ..السؤال بحد ذاته غلط.ا...
02/09/2026

كتار بيطلبو مني برنامج للتنحيف ، والجواب دائما وابدا :

مافي شي اسمو برنامج يومي او اسبوعي للحمية ..السؤال بحد ذاته غلط.

الحمية هي نظام حياة دائم بتحاول توصل اليه و تمشي عليه طول عمرك بعد ان تجمع معلومات عن التغذية الصحية و الرياضة و القيمة الحرورية لكل أكلة ولكل مادة . الحمية هي نسف نظامنا القديم اللي هو سبب مشاكلنا ، وبس ترجع اليه رح ترجع تسمن اجباري حتى لو بعد سنين من الحمية .

اول فترة مضطر تعمل متلي وتتعذب شوي ( حسب وزنك) وتشد بالحمية والرياضة ، بس بعدها لازم تلاقي لحالك نظام معتدل قابل للاستمرار للابد ، حمية معتدلة تاكل فيها كلشي مفيد ومغذي ولكن باعتدال مع رياضة متقطعة ولكن بانتظام...وبس تفكر ترجع لاجواء الاكل والتخبيص والسكر والمشروبات ،معناها انت فشلت.
انا لهلا عم اقرا واشوف يوتيوب واتابع مواضيع التغذية والرياضة....كل يوم ساعتين تلاتة......

مو قصة كم معلومة تاخدها و تمشي......

الصورة بعدستي ...😊😊

غدا اليوم ... لكل البيت...شبيه المحشي ...😁😁😁صدر فروج ،كوسا ، بادنجان ، رز ...طلعت طيبة كتير والولاد شفطوها ....😊😊بس انا ...
01/09/2026

غدا اليوم ... لكل البيت...

شبيه المحشي ...😁😁😁

صدر فروج ،كوسا ، بادنجان ، رز ...

طلعت طيبة كتير والولاد شفطوها ....

😊😊

بس انا شخصيا مو من انصار الشوربات بالحمية ،
اكل الحمية لازم يكون شوي صلب و شوي قابل للمضغ ، وما يكون سهل البلع . الهدف هو الاحساس بالاكل والاحساس بامتلاء المعدة ببطئ و الاحتفاظ بهالاحساس فترة طويلة.

رشح خفيف مع شوية تعب عام ....نص ساعة مشي سريع عالجهاز كافية لليوم ...😊😊😊
01/09/2026

رشح خفيف مع شوية تعب عام ....

نص ساعة مشي سريع عالجهاز كافية لليوم ...

😊😊😊

للتذكير وبناء على طلب الجمهور.... كلمة صيام عندي تعني صيام متقطع ، الامتناع عن تناول الطعام والسوائل المحلاة لفترة محددة...
01/09/2026

للتذكير وبناء على طلب الجمهور....

كلمة صيام عندي تعني صيام متقطع ، الامتناع عن تناول الطعام والسوائل المحلاة لفترة محددة من اليوم ، مسموح شرب الماء والقهوة والشاي بدون سكر او محليات صناعية.

في عدة انظمة للصيام ١٦:٨ -١٨:٦ - ٢٠:٤ ، ايضا وجبة فقط خلال ٢٤ ساعة ،او يوم بيوم .....

الهدف افساح المجال للجسم ليحرق من دهونه ، فخلال ١٢-١٦ ساعة بيخلص مخزون السكر المخزن بالجسم (حسب طبيعة الشخص وحسب نشاطه) ،فبيضطر الجسم لسحب الدهون المتراكمة .

الهرمون المسؤول عن هالعملية هو الانسولين ،وظيفته خفض مستوى السكر بالدم عند ارتفاعه ( عند تناول السكر) عن طريق سحب السكر من الدم وتخزينه بالخلايا.

مادامك عم تاكل بشكل مستمر والسكر يرتفع بشكل مستمر ،رح يضل الانسولين مرتفع مشان يضبط السكر ، ومادام في انسولين بالساحة فمافي نقطة دهن من جسمك رح تحترق.....هالقاعدة لازم تعرفها لما بدك تنقنق بين الوجبات....

بس تصوم فلازم تاكل شي صحي يخليك تتحمل الصيام ، بس تاكل سكر رح تخرب صيامك و رح تجوع . مشان هيك الصيام الاسلامي ما بينحفك ،لانك عم تاكل كتير سكر بس تفطر (اضافة لعدم تناول الماء بيفوتك بسترس و حبس سوائل)..

انا كنت باكل اضعاف وكنت عم جوع ...هلا اكل اقل بكتير وما عم جوع.......

Adresse

Trier

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von يلا نبلش ريجيم erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Verknüpfungen

Teilen

Kategorie