Dr. Negin Jaafar

03/09/2026

موزیک وەک چارەسەر لە نەخۆشخانەی سەرەکی دانیمارک بەشی چاودێری چڕ.
بەڵێ ئازیزان موزیک دەتوانێت هێورکەرەوەیە بێت و ئارام ببەخشێت.
کاتێک من وەک پزیشک دەچمە ژوور و خزمەتی نەخۆشەوە و دەبینم نەخۆشەکە یان کەسوکاری موزیکێکی هێمن و ئارام لێدەدەن، هەست بەو ئارامییە دەکەم کە لە ناو ژوورەکەدا دروست بووە.
ئەو ئارامییە تەنها کاریگەری لەسەر نەخۆش و خێزانەکەی نییە، بەڵکو ئێمەی پزیشک و تیمی چارەسەریش هەستی پێدەکەین.
بۆیە موزیکی هێمن دەتوانێت پشتگیرییەکی بەهادار بێت بۆ نەخۆش. نەک وەک جێگرەوەی چارەسەری پزیشکی، بەڵکو وەک بەشێکی یارمەتیدەر بۆ چارەسەر؛ موزیک دەتوانێت هەستی ئاسایش و دڵنیایی زیاد بکات، نیگەرانی و نائارامی کەم بکات و ساتە قورسەکان کەمێک ئارامتر بکات.
هەندێک جار چارەسەر تەنها دەرمان نییە؛ هەموو ئەو شتانەش دەگرێتەوە کە یارمەتی مرۆڤ دەدەن لە کاتە قورس و ناخۆشەکانی ژیاندا.

19/07/2026

❤️☀️💚یەکە یەکە یەکە، گەلی کورد یەکە❤️☀️💚.
ئاوا کاکی خۆم، ئاوا، ئەها بزانە چەند لێت دێت!
ئاوا با یەکگرتوو و ئاقڵ بین.
ئەم جۆرە هەڵوێستانە نوخشە بن لە هەموو بەڕێوەبەران و تاکی کورد.

دوو مۆڕەی جدی لەو ناکەسبەچە ترسنۆکانەی ئەملاو ئەولاتان بکەن.
کورد نابێت ترسنۆک و زەلین و ئەژنۆ لەرزیو بێت.

15/07/2026

25/06/2026

تکا دەکەم خوێنەری ئەم بابەتە بن، بڵاوی بکەنەوە.

ڕێز و سوپاسی تایبەتم هەگە بۆ بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان هەولێر کە تێدەکۆشن بۆ نەهێشتنی ئەم دیاردە.

ژن، ژیان، ئازادی
❤️☀️💚

مەترسییەکی گەورە لەژێر ناوی «ڕێنمایی پزیشکی»؛
رووبەڕووی ئافرەتان دەبێتەوە
ئافرەتان دەکێشرێنە نێو تەڵەی سەرانەسەندن!

​متمانەی خۆت مەکە بە قوربانی؛ پزیشکی ڕاستەقینە داوای وێنەی تایبەت ناکات!
​ماوەیەکە کۆمەڵێک لەیاسادەرچوو بە دروستکردنی پەیجی ساختە بە ناوی پزیشکانی پسپۆڕی ئافرەتان، تەڵە بۆ هاوڵاتیان دادەنێنەوە.
کچێک پێی وابووە ڕاوێژ بە پزیشک دەکات، بەڵام دوای ناردنی وێنەی شوێنی هەستیار و تەنانەت دەموچاوی، ئێستا کەوتووەتە ژێر هەڕەشەی بڵاوکردنەوە و سەرانەسەندنی دارایی و سێکسی.
(د. نگین جعفر )​ پزیشکی پسپۆڕی ئافرەتان یەکێک لەو پزیشکانەی چەند جارێک پەیجی ساختە بەناوی ئەوەوە دانراوە دووپاتی کردەوە «بەهیچ شێوەیەک لە سۆشیال میدیا داوای وێنەی تایبەت لە چارەخواز ناکرێت. ئەگەر بە دەنگی پزیشکەکەش دڵنیا نەبوونەوە، باوەڕ بە هیچ پەیجێک مەکەن.»
​تکایە پێش متمانەکردن، لە فەرمیبوونی پەیجەکان دڵنیا ببنەوە و وریای پاراستنی زانیارییە کەسییەکانتان بن.
​تۆ بەتەنیا نیت! ئەگەر ڕووبەڕووی هەر هەڕەشەیەکی لەم شێوەیە بوویتەتەوە، بەبێ ترس و ڕاستەوخۆ پەیوەندی بە هێڵی گەرمی (١١٩)ی بەڕێوەبەرایەتیمان بکە؛ بە نهێنی و یاسایی دەتپارێزین.

نووسینی// جێگر رشید
بەڕێوەبەری رادیۆ و سۆشیال میدیای یەکسانی
بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان هەولێر

08/06/2026

لە پرسی زانستی سێکسۆلۆجیدا
خۆداپۆشین و خۆ شاردنەوە هەندێک جار زۆر زیادتر وروژێنەرە تا بینینی مرۆڤەکە. خەیاڵ مەودایەکی ئێجگار بەرفراوانی هەیە لە مێشک و دەروونی مرۆڤدا.

باس و پرس و نووسین لەسەر ئەم حەزە وروژێنەرە زۆرن وە شیکاریش بۆ هۆکارەکان کراوە. هەم لە ڕوی دەروونی و هەمیش کۆمەڵایەتی و تەندروستیەوە.
مرۆڤگەلێک / گرووپانێک بوونیان هەیە کە حەزێکی شێتانەیان بۆ سێکس ئەنجامدان هەیە لەگەڵ کەسێکی نەبیندراو و شاراوەو نەناسراو، چۆن؟
و بۆ ؟!
ئەمە بۆ خۆی چەند پەرتووکێک نووسین لەخۆ دەگرێت.
بۆ نموونە ئەنجامدانی ئۆڕال سێکس
مژین لە کونی دەرگایەکەوە/ یا کونی دیوار وەیا پەردەیەک بۆ هەندێک مرۆڤ لووتکەی چێژە، دەیانخاتە حاڵەتی بورانەوە پێش کلیماکس/ تەواو بوون.
هەندێک مرۆڤ هەن حەز و خەیاڵە سێکسیەکانیان دەچنە ئاستێکی ئاسمانی کە بیر لەوە دەکەنەوە لەگەڵ کەسێک سێکس ئەنجام بدەن کە بەم شێووە شاراوە و داپۆشراو بێت. بە خەیاڵی تەڕ و تێر و بێسنوور ئەوە پڕ دەکاتەوە کە نادیارە، بۆ نموونە:
داخۆ ڕوومەتی چۆن بێت، بۆ گاز
لێوەکانی بۆ مژین
گەردن و ملی بۆ لێسانەوە
داخۆ دەست و پەنجەی ناسک بن؟ چووکم/ کێرم لە ناو ئەو دەستانەدا ئەی هووی….
دەستم لەسەر کەمەری و لێدان لە سمتی و مژینی مەمکی و ڕەنگی گۆی مەمکەکانی و و و و
خەیاڵەکان بێسنوورن.

ئەو ژنە هیچی دیار نیە و دەکرێت یەک ملیۆن خەیاڵ دروست بکات
باس و پرسێکی سەرنجڕاکێشە، دەتوانم چەندها کاتژمێر، لەسەری بدوێم و بنووسم.

داپۆشینەکان،نادیاریەکان، خۆکردن بە مەتەڵ و خۆ سحراوی کردن هەمیشە جێی سەرنجی زیادتر بووە وە مێشک و خەیاڵ زیادتر چالاک دەکات تا ئەوەی کە ڕوونە و دەبیندرێت.
هەر ئەم ژنانە بدەن بە لای پیاوێکا بە غەمزەی چاو و ئەبرۆی سەرنجی پیاوەکە ڕادەکێشێت. پیاوەکە دەکرێ هەزاران خەیاڵی بۆ دروست بیت. چ جای گوێی لە دەنگی بێت، دەنگ خەیاڵەکان زیاتر ئەوروژێنێت، لە مێشک و نەستی پیاودا لە گەرمەی ئەنجامدانی سێکسدا دەنگی لە تۆنە جیاوازەکانی جوڵە سێکسیەکانا، نکرە و نەفەس و ناسکە نوزە بە خەیاڵ وێنا دەکات .

چۆن ئەخۆلی شاعیر نوسیوێتی :
پەچەت لادە ببینم ڕووت, ئەمن خۆ سەیری ڕووی تۆ ناکەم لە ڕووی تۆ تێدەگەم , یەزدان چلۆن نەخشێ ئەنەخشێنێ کە تیشکی ڕۆژ ئەدا زاخــــــاوی پرچی زەردی زێڕینت لە لام قەوس و قازاح هیچ ڕەوناق و شەوقێکی نامێنێ

یان ناری وتویەتی:
بە غەمزەی چاوی مەخموری سیاهی مەستی مەی کردین
بە ماچی لێوی موستەغنی لە ئەنواعی مەزەی کردین

زۆر شیعرو شانامەی تر لەسەر پەچەو پەچە لادان ئاوێتەی خەیاڵی نەست و سێکس کراوە :

نموونەیەک لە هۆنراوەی مامۆستا عەزیز شاڵی کە هونەرمەند عەلی مەردان کردوویەتی بە گۆرانی
شیعری بە دووتا وێڵم (وەزنی عەجەم)
بە دووتا وێڵم سەڵت و سەوادە کۆڵانبەکۆڵان جادە بە جادە
نەشمیلەی چاوجوان پەچەکەت لادە پەچەت لادە
پەرچەمی لوولت خستووە بە لادا
لەنجەو لارەکەت وەک پەری زادە
شەرمی پێ ناوێ پەچەکەت لادە
ئەگریجەت لەسەر کوڵمت لادە
جێی هەزاران ناز و سوود و مورادە
بمکوژە بەشەرت پەچەکەت لادە
خۆمم بۆ سێدار کردووە ئامادە
ڕۆحم لە تۆڵەی تۆدا ئازادە
مەمکوژە بە ناز پەچەکەت لادە
کە بە عیشوە و ناز ئەڕۆی لە جادە
لە کچی شێخ ئەچی یا کچە بە گزادە
شێت و شەیدات بووم پەچەکەت لادە
ئەمەکی منیش وەکوو فەرهادە
هەموو ڕەنجێکم وا چوو بە بادا
سووتام برژام پەچەکەت لادە

26/04/2026

دوو هاوپیشەی بەتوانای بەشەکەمان پڕۆفیسۆر ئیدا ڤۆگل و پڕۆفیسۆر لارس هنینگ پدارسن لە نەخۆشخانەی ئۆرهوس ٢٤ ملیۆن کرۆن وەردەگرن لە فاندێکەوە( ‏Innovation Fund Denmark) بۆ توێژنەوە و دۆزینەوەی نەخۆشییە بۆماوەییەکانی کۆرپەلە لە سکی دایکیدا پێش حەفتەی ٩ دووگیانی.

فاندەکە لە کۆتایی مانگی سێدا بەخشراوە بە زانکۆی ئۆرهوس و پڕۆفیسۆر ئیدا ڤۆگل و پڕۆفیسۆر لارس پدارسن کە لە نەخۆشخانەی ئۆرهوس لە پەشەکەی ئێمە کاربەدەستن.
ئامانجەکانی بەکارهێنانی ئەم فاندە ڕوونن. مەحاڵە و ناتواندرێت ئەم فاندە لە نێوان ئەم پڕۆفیسۆرانەدا وە زانکۆی ئۆرهوسدا حەپەلووش بکرێت.

لاراس پیدەرسن زاوامانە لێم پرسی لارس
ئەو پارانە هێجگار خەیاڵین ئەگەر پڕۆژەکە داخرا چی لەم پارانە دەکەن؟
گووتی دەبێت ڕادەستی خاوەنیان بکرێنەوە.
پرسیم پارەکان لە کوێن، گووتی ئەکوانتی قووفڵکراو و بۆمان نیە یەک چا بەو پارانە بخۆینەوە کە پەیوەندی بە ئامانجی پڕۆژەکەوە نەبێت.

دڵنیام لەوەی گەر ڕۆژێک ئەم فاندە حەپەلووش کرا لەلایان زانکۆی ئۆرهوسەوە، لارس دەست لە کار دەکێشێتەوە، واز لە زانکۆی ئۆرهوس دەهێنێت و شکاتیشیان لێ دەکات.
بەمە دەگووترێت ئەخلاق، خۆپاکردنەوە و تێوەنەگلان و ڕاگرتنی کەرامەت.

وەک نووسیم لارس زاوامانە، بەس ئەگەر ڕۆژێک لە ڕۆژان یەک کرۆن لەو پارانەی فاندەی حەپەلووش کرد یان چاوپۆشکی کرد لە دزینیان ، بێ دوودڵی خودی خۆم پێی دەڵێم لارس تۆ بەشێکی لەو دزی و گەندەڵییە، مانەوەی تۆ لە زانکۆی ئۆرهوس و سەرداخستن وە شکات نەکردنت لەوان، پێم دەڵێ تۆ یەکێکی لە دزەکان و شەرمەزاری دەکەم. پەیوەندیشی لەگەڵ دەبڕم و مۆڵەت نادەم بێتە ماڵەکەم.
بە دانیمارکی دەگووترێت دۆستەکانتم پێ پێشان بدە و پێت دەڵێم تۆ کێیت!

دانیمارک وڵاتێکە ناوبانگی دەرکردووە وەک وڵاتێکی دەستپاک و گەندەڵی بوونی نیە، گەر هەشبێت یەک و دوو دەیوەستێنن.
هەر یەک لە ئێمە وەک بەشێک لە کۆمەڵگە بەرپرسین لەوەی کە گەندەڵی و دزی قبووڵ نەکەین. ئەمە نەدەمانکاتە پاڵەوانی مەیدان و نە مامە ڕیشە، ئەمە بەشێکە لەوە کە پێی دەگووترێت ئەخلاق و هەستی بەرپرسیاریەتی و بەڕێوەبردنی کۆمەڵگە.

ئێستا پرسیارێکی ڕوون لە ئێووە دەکەم وەک تاکی کۆمەڵگە، وەک توێژەر، وەک مامۆستای زانکۆ، وەک کەسانی ئاکادیمی، پرسیارەکەم ڕوونە!
ئەگەر پارەی ئەم فاندە لە نیوان زانکۆ و دەستەی توێژەراندا حەپەلووش کرا وە پڕۆفیسۆر لارس سەری داخست و لە زانکۆی ئۆرهوس بەردەوام بوو، ڕاتان چی دەبێت لەسەری؟

لە وێنەکەدا، لە چەپەوە بۆ ڕاست: Lars Henning Pedersen، Ida Vogel و Lotte Hatt دەبینرێن.
وێنە: Innovationsfonden
31.03.2026

19/04/2026

بۆنی ئەوە دەکەم بۆ داپۆشینی تاوانەکان و هەڵەکان هەندێک سەرقاڵی ئەوەن ئەم پرسە بە ئاراستەی شارچیەتی و زۆنچیەتیدا دەبەن.

دووبارە هەندێک لە خەڵکی شاریان خستە تەڵەی خۆ بە قوربانی زانینن و دەستیان کرد بە شارچیەتی، ئەی هووی، ئاخر کەسانی ئاقڵ و ژیر و بەهۆش چۆن دەبێت ئاوا وەک بووکەڵە بجوڵدرێن.

یەک ملیۆن جار بە من گووتراوە هەورامی وا و واو و وا، مەلا هەڵۆ هەورامیتان جوانە، ئاشتی هەورامیتان جوانە، هێمن هەورامیتان جوانە ههههه هههههه
پێکەنینیم بە عەڵی ئەوانە هاتووە کە ویستوویانە من دووکەڵ بدەن و بمخەنە سوچی بەرگری و هێرشەوە، بخمەنە سوچی خۆ بەقوربانی زانین و دەستپێکردن بە شۆڕشی هەورامیچیەتیەوە.
کورد دەڵێت چەم بێ چەقەڵ نابێت، ئەوانە بە من چی!

ئازیزان من پێم وایە لەم کاتانەدا دەبێت ئەو پرسیارە قووڵانە ئاراستە بکەین کە دروستکەرن.
بۆ نموونە لە هەموو نەخۆشخانەکانی دانیمارک سیستەمی “ڕووداوە نەبە مەبەستەکان، ڕووداوە نەخواستراوەکان” بوونی هەیە.
ئەمە چیە و چۆنە؟
سیستیمێکە بۆ چاکسازی وە بەرەو باشترینی نەخۆشاخانە کار دەکات.
هەموو کارمەندانی نەخۆشخانە دەتوانن ئەم سیستیمە بەکار بهێنن، نەوەک هەر ئەتوانین بەڵکو ئەمەئەرکە. ئەرکی هەریەکمانە چی کەمووکورتی هەیە وە چی نەدەبوو ڕووبدات ڕاپۆرتی بکەین و بیخەینە ناو سیستیمی UTH, ئەمە لە پچووکترین شتەوە، بۆ نموونە کانوولا لە جێی خۆیدا نەبووە, تا ڕووداو و حاڵەتی ئاڵۆزتر.
لیژنەی ڕووداوە “نەبەمە مەبەستەکان UTH” زۆر بە وردی بەدواداچوون بۆ ڕووداوەکە دەکەن، دواتر ڕووداوەکە دەبەنە سەر مێزی بەڕێوەبەر، دەڵێن ئەمە چاک بکە، با ئەم حاڵەتە جارێکی دیکە دووبارە نەبێتەوە. بەڕێوەبەریش دەبێت یەک و دوو چاکسازی دەست پێ بکات. وەی بە حاڵی ئەو بەڕێوەبەرە کە بە ئەرکەکانی هەڵناسێت، وەی بە حاڵی بەڕێوەبەر کە هەمان ڕووداو دووبارە بێتەوە.
ئەوەی کە زۆر خۆشم دەوێت لیژنە خزمە خزمێنە ناکەن و چاوی باوکیان دەر دەهێنن گەر ئەو هۆکاری هەڵەکان بووبێت. هەندێک جار خۆم سەرقاڵ بووم و لە کاتی خۆیدا وەڵامی پشکنینم نەداوەتەوە بە نەخۆش، ئەمە چووەتە ناو سیستیمی UTH, نزیکترین هاوڕێی پزیشکی خۆم بەشێکە لەو لیژنە، هەڵیواسیوم بە تەنافەکەوە و وشی کردوومەتەوە. تا حەفتا پشتم ماوە جارێکی دیکە ئەمەم بیر ناچێتەوە و ئەو دکتۆرەشم بەقەد چاوەکانم خۆش دەوێت.

بۆ تێبینی لێرە بەڕێوەبەر خزمەتکاری نەخۆشخانە و کارمەندە، خودای سەر کورسی نیە.
پەلەمانتار خزمەتکاری منە.
ڕەئیسی حزب من هەڵیدەبژێرم و خزمەتکاری منە.

با وانە فێربین و کوردستان بەرەو باشتر ببەین.

18/04/2026

هەندێک مێدیا هەن فوو دەکەنە هەستی شارچیەتی.
جا ئازیزان هێچ هێندەی شارچیەتی ناشرین و قێزەوون نیە.
من پێم وایە ئێستا کاتی ئەوە نیە جوکەجوک بۆ شارێک بکەین.
وە بە دەنگێکی ڕوون دەڵێم شارێک بەرپرس نیە لەوەی کە ڕوویدا.
پرسیارەکان ملیۆنێکن و چەند پرسیارێکی سەرەکی خۆم وەک پزیشک
- پرسیار ئەوەیە بۆ دەستەیەک لە پزیشکان پابەند نین بە سوێندی پیشەکەمانەوە؟
- ئەوە کێیە و کێن کە بڕیاریان دژ بە مافی مرۆڤ دەرکردووە (تاوانبار نابێت چارەسەر وەربگرێت بێ بوونی ڕاپۆرتی پۆلیس)؟
- بۆ نەخۆشخانە حکومیەکان هێندە لاواز کراون کە نەتوانن پێشوازی لە ٣ هاووڵاتی بریندار بکەن؟

تکا دەکەم ژیر و بەهۆش بن، مۆڵەت مەدەن دووکەڵ و تەپووتۆزی حزبی و شارچیەتی لامان بدات لە پرسیار و کرۆکی ئەو کاراساتە.

پێشم وایە لیژنەی لێکۆڵینەوە نابێت لە ناو کوردستاندا پێک بهێندرێت. پێویستە لە دەرەوەی وڵات ئەو لیژنە دەستنیشان بکرێن.

من لە هەڵەبجە لە ناو ماڵێکدا پەروەردە بووم کە هەمیشە دەرگای کراوە بوو بۆ خزمەتکردنی پێشمەرگەکانی کۆمەڵە و دیموکرات، بۆ هەموو پێشمەرگە و کوردێکی دڵسۆز.
پەروەردە کرابووم جیاوازی نیە لە نێوان ئەواندا وە باوکمدا کە پێشمەرگەی یەکێتی نیشتمانی کوردستان بوو، پێم دەگووترا هەموو بۆ مافی گەلی کورد و کوردستان دەکۆشن و شۆڕش دەکەن.