صحة وأمومة د. ايمان كسال

صحة وأمومة د. ايمان كسال صفحة علمية مخصصة لكل ما يتعلق بالانشغالات الصحية والتربوية للامهات والمربيات. الطبيبة ايمان كسال تشرف على الصفحة والاجابة على تساؤلاتكم.

الشعور بالخوف أمر طبيعي عند الاطفال فذلك يساعدهم على التطور أكثر وفهم المجهول، لأن كل مجهول مخيف.
26/07/2022

الشعور بالخوف أمر طبيعي عند الاطفال فذلك يساعدهم على التطور أكثر وفهم المجهول، لأن كل مجهول مخيف.

📌الموضوع طويل نوعاً ما ، لكن البدء في تغذية الطفل مهمة صعبة والبداية غالباً ماتكون هي الأهم ، وحتى تقومي بهاته المهمة عل...
01/07/2022

📌

الموضوع طويل نوعاً ما ، لكن البدء في تغذية الطفل مهمة صعبة والبداية غالباً ماتكون هي الأهم ، وحتى تقومي بهاته المهمة على أكمل وجه ، عليك عزيزتي الأم بالبحث عن آخر ماتوصلت له الأبحاث وكذلك بعض التجارب:

📌أول وجبة للرضيع، بين نهاية الخامس و بداية السادس.
و كاين لي يسمح بيه بين اربعة و نصف حتى ستة أشهر يبقى الأمر راجع للأم و ما تراه مناسبا لطفلها، شخصيا تبعت منظمة الصحة العالمية اللي تنصح برضاعة طبيعية و فقط قبل ستة أشهر، و كل أم تعرف على حسبها

📌أول ماتعطيه،خضر من الأحسن ماهيش حلوة(أي طفل تعجبو الحلاوة يولي مايدوقلكش بقية الأغذية )

📌تعطيه نفس الخضرة لمدة 3أيام (خوفا من الحساسية، لأنك لما تزيدي كل مرة حاجة وحدة راح تعرفي سبب الحساسية، تحبسيه و تأجيله لاحقا)

📌أول وصفة اعتمدها هي حبة جريوات تطبخ على البخار من الأحسن ،ترحيها و ماتزيدي لا ملح❌لازبدة❌ والاحسن خلي زيت الزيتون لاحقا.

📌بداية تذوقيه تقريب ملعقتين شاي فالغداء و ملعقتين شاي فالعشاء (3أيام الأولى )

📌تبداي اليوم 4،5،خضرة جديدة مثلا جزر 🥕،و تقدري تزيديلها الخضرة ليديرتيها من قبل. تبداي تزيدي الكمية بشوية.

📌اليوم 6،7:نحاول ندخل الشوفان ،غني بالحديد لكن تبداي بشوية، مثلا حبوة جريوات +جزرة لما تبقى خمس دقايق زيدي ملعقةكبيرة غير مملوءة من الشوفان ،تطرى، تبرد و ترحيهم و زيدي ملعقة صغيرة زيت زيتون
و هكذا كل مرة زيدي 🥦🥔🥕خضرة جديدة:باذنجان،بسباس،لفت،بطاطا حلوة،قرعة أو كابويا، سلق...

🍉🍇الفاكه:نفضل حتى بعد 10-15 يوم بعد الخضر، نحضر الوصفة البديلة للفرينة لابلامين(لا أنصح بها أي أم، لا تعلمين من ماذا مكونة و زيد حلوة مايكلكش الخضر و زيد خطر التسوس ممكن)
حبة فاكهة مثلا إجاص، على البخار، أو ماتغطيهاش بالماء بزاف،لما تبقى 5دقايق زيدي ملعقة كبيرة شوفان ،تبرد و ارحيها
المواد الدهنية:زيت الزيتون

البروتينات: علمياً ليس هناك سن محدد للبدء باللحوم والبيض ولكن نفضل نخلي اللحم الأبيض🍗🐟(دجاج، أو سمك ابيض خفيف مثل لاصول) حتى الشهر الثامن
🥩اللحم الاحمر و 🥚البيض حتى التاسع أو العاشر(أصفر و ابيض معا، لانو لقاو بلي لي عندو احتمال حساسية راح جيه جيه حتى و إن اجلتيه أو قسمتي الاصفر وحدو والأبيض وحدو،العلاقة على الاغلب ترجع لجسم الطفل مش نوع البيض)

📌اليايورت ،لا انصح بمواد الي اصلها حليب البقر قبل 9أشهر و يفضل تصنعيه فالبيت و تخلطيلو فاكهة مثلا خوخ أو تمر أحسن من السكر

📌كارثة العصير🧃دراسة بريطانية قامت على جال العصير(مع العلم انو العصير تاعهم مدروس و طبيعي،لكن لقاو بلي لما تعصري حبة البرتقال مثلا ،السكر يلصق فالاسنان و يسبب التسوس، فالاحسن تمديلو ياكلو حبة بالالياف احسن،)و إلا زيديلو الماء باه يكون مشي مركز بزاف

📌الجبن ،اكيد مليح لكن اصنعيه وحدك خير، من الحليب الرايب و لكن بعد 9اشهر، تقدري تزيديلو شوية زيت زيتون، ودوقيهلو.

📌النشويات بطاطا تدخل مع الخضر أما الأرز 🍙❌دراسات جديدة قالت بلي فيه مادة الارسنيك، خطرة، كاين جماعة تقول ماتمدوش للبيبي و جماعة تقول مدوه بكمية قليلة. انا شخصيا مانمدوش حتى يبداو ياكلو معايا.
📌الباقوليات، مليحة ووغنية جدا بالحديد و الفيتامينات لكن عن تجربة مديتها قبل 9أشهر كان هضمها صعبا على صغيرتي و بيتتني قاعدة، فحبستها و الأحسن حتى عشر أشهر ديري ملعقة كبيرة في وسط الخضر المرحية و تبداي بالعدس الأحمر.

📌بعد ايام ،وزعي الوجبات بين 3أو 4 (فطور ندير وصفتي البديلة للفرينة) الغداء (وجبة خضر مع القليل من اللحم:ملعقة صغيرة )و العشاء(سواء خضر فقط أو فاكهة، لانو اللحوم صعبة الهضم)

ملاحظة هامة:أمر التغذية يختلف من طفل لآخر، و من ام لأخرى كل وحدة تشوف على حسب ما تراه مناسبا، لانو حقيقة البارحة قد تكذب و تغلط اليوم، و حقيقة اليوم قد تغلط غدا، تبعي ton instinct ،ابحثي و ابتعدي عن كل مشكوك خاصة الفرينة، السكر و الملح، حتى العسل ممنوع قبل عام لانو يقدر يسبب مرض معدي botulisme infantile

📌لإدخال القوام: حاولي تقدمي الموز مطحون بالشوكة
📌كاين فكرة التنوع الغذائي الذي يقوم به الطفل لوحدو،يعني تحطيه معاكم و تبداي تمديلو يهز وحدو الحاجة مثلا قطعة موز، عادة يمدو وصفات طبخ و لكن تحتاج صبر و تنظيف
📌ابتعدي عن الاغذية لي تسبب الاختناق مثل العنب، الزبيب، المكسرات قبل 4سنوات

📌📌لا تنسي أن الحليب هو الغذاء الأساسي قبل عمر السنة، ماتنقصيش منو ويمكن تبداي حليب البقرة بين 9-12شهرا بمقدار 750ملل مايعادل 3أكواب

📌لما تبداي التغذية، ماتنقصيش الرضاعة، و اعطيلو كل مايطلب، و عادة وحدو يقلل رضاعة الثدي في الشهر التاسع

💜قبل عام، مرحلة مهمة في حياة الصغير و راح تكون مليئة بالتحديات و التجارب الجديدة و بالطبع تعب و اجتهاد كبيرين، اصبري و الاهم استمتعي بهاد المهمة النبيلة و كيما قريتي للشهادات و الطبخ الخياطة وووو، ابحثي و ادرسي لأن مهمة التربية أصعب و نتائجها تكون بين يديك و إرادتك و اجتهادك يوصلوك مش وحدك و إنما نسخ منك لي هما أغلى ما عندك، لأعلى المراتب أو لشيء مايعجبش نتيجتو لاحقا، و لكن قبل كل شيء الدعاء و التوفيق يكون وحده من الله،منا السعي و فقط.
ربي يحفظ أولاد الجميع 🥰💜

📌الإسهال والقيء هاته الايام من أكثر الأعراض انتشاراً بين الأطفال، إليك عزيزتي الأم، بعض المعلومات المهمة عن الموضوع:❌تفا...
11/05/2022

📌الإسهال والقيء هاته الايام من أكثر الأعراض انتشاراً بين الأطفال، إليك عزيزتي الأم، بعض المعلومات المهمة عن الموضوع:

❌تفادي تناول المضادات الحيوية ❌
❌عدم اطعام الطفل بالقوة✋ والبدء بتقديم الأكل بالتدريج وحسب طلب الطفل.
👍الإكثار من شرب الماء وخاصة الأملاح (الشرح مفصل في الصور)
💧غسل اليدين باستمرار🤲

📍1- الإسهال لا يعني أن عليك إعطاء أدوية مضادات حيوية les antibiotiques مثل: flagyl, bactrim ❌، يجب الامتناع عن تناول هذا النوع من الأدوية لأن السبب الأكثر شيوعاً هو الفيروسات و ليس البكتيريا أو جراثيم أخرى...هاته هي أكبر كارثة قد تسببينها للطفل، لأن هذا الدواء قد يعالج المشكل في الحين، ولكن سيضعف مناعة الطفل فيصبح بذلك معرضاً للأمراض أكثر فأكثر، ولا يستطيع جسمه المقاومة بل يصبح محتاجا لأدوية أكثر ضرراً عليه ✋

📍2- المشكل الأساسي هو الجفاف، لذا أول الاهتمام ينصب حول كيفية حماية الصغير من الجفاف 💯، يكون ذلك بشراء الأملاح المخصصة لذلك من الصيدلية أو يمكن صنعها بالمنزل:

360ملل عصير برتقال بدون سكر+600ملل ماء مغلي ويترك حتى يبرد+ نصف ملعقه صغيره ملح👌

📍3- يمكن الاستعانة ببعض الاعشاب الطبية مثل: الشيحl'armoise, المريوث le marube. ولكن لا يجب المبالغة في تناولها.

📍4- تفادي تناول الأطعمة المصنعة، المصبرة أو التي تحتوي على مواد كيميائية وحافظة ❌ واللجوء للفواكه مثل التفاح، الموز، الاجاص... الأرز، الجزر...

والأهم هو التحلي بالصبر، فعادة ماتزول هاته الأعراض بعد عدة أيام، وحتى دون اللجوء للأدوية الكثيرة.

🌺نشاط سهل ومفيد، يعلم الطفل المشاعر 🥰☺️😯😞😠وكذلك المطابقة، وبأدوات بسيطة (ورق بلاستيك شفاف، ورق أبيض، مقص وألوان)👍
26/01/2022

🌺نشاط سهل ومفيد، يعلم الطفل المشاعر 🥰☺️😯😞😠وكذلك المطابقة، وبأدوات بسيطة (ورق بلاستيك شفاف، ورق أبيض، مقص وألوان)👍

نشاط1️⃣ بقطع كرتون، اوراق ملونة وغراء لاصق.نشاط 2️⃣ إبرة بلاستيكية لتفادي جرح أصابع الطفل، خيط وكرتونة.🥰ممتعة، سهلة وبسي...
20/01/2022

نشاط1️⃣ بقطع كرتون، اوراق ملونة وغراء لاصق.
نشاط 2️⃣ إبرة بلاستيكية لتفادي جرح أصابع الطفل، خيط وكرتونة.
🥰ممتعة، سهلة وبسيطة وتساعد على تقوية عضلات اليد وتقضية وقت هادئ ومسل.👍

Adresse

Algiers
16000

Site Web

Notifications

Soyez le premier à savoir et laissez-nous vous envoyer un courriel lorsque صحة وأمومة د. ايمان كسال publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type