كاش نهار خممت بلي كاين سُنة نبوية تقدر تشفيك كي يثقل عليك قلبك وتضيق عليك؟
أمنا عائشة رضي الله عنها، كانت إذا مات واحد من أهلها، تأمر النساء يجيبولها برمة (قِدر)، تحضر فيها التلبينة، ومبعد تأمرهم ياكلو منها، لأنها سمعت من الرسول ﷺ:
أغلبنا كي تجيه فترة حزن ولا مرض، يجري للدوا الكيميائي .. بصح، الرسول ﷺ خلالنا منظومة طبية كاملة
الطب النبوي ماهوش عشوائي، هو توجيهات دقيقة مبنية على الرحمة، والفهم العميق لطبيعة الإنسان وأدق تفاصيله .. ومن بين كنوز هاذ الطب 'التلبينة النبوية'
كي يحزن الإنسان، قلبه يضعف، جسمه ينشف، خاصة المعدة .. وحتى كي يمرض، ولا يحزن يقطع الماكلة، خصوصًا كبار السن
يعني الماكلة تقل، والضعف يزيد
وهنا تجي التلبينة كعلاج .. هي طعام وصانا بيه الرسول ﷺ .. يشبه الحساء، يجي سائل، خفيف، مغذي .. يدخل بسهولة للمعدة، يرطب الجسم، يقوي القلب، ويعاون المريض ولا الحزين باش ترجع له شوية طاقة
بالنسبة للمريض، المعدة تاعو تكون غالبًا معمرة بخليط كيما المرارة، البلغم، ولا حتى الصديد (القيح) .. والتلبينة، بفضل مكوناتها الطبيعية، تنظف هاذ الشي، وتحسن الهضم
وبما أنها تُحضر من الشعير، كي تاكلها، الشعير يطلق مادة اسمها بيتا جلوكان، وهي ألياف تنشط الهضم، تخفض الكوليسترول وتنظم السكر فالدم
تحفز إفراز السيروتونين (هرمون السعادة) وتقلّل التوتر .. وبما أنو الراحة النفسية والتغذية المتوازنة يعاونو على رفع الأوكسيتوسين (هرمون المحبة)، التلبينة تكون سبب في شعور بالدفا، الراحة والاطمئنان
والدراسات الحديثة، اثبتت انو عصيدة الشعير (لي تشبه التلبينة) تخفض ضغط الدم .. تقلل من خطر تراكم الترسبات في الشرايين وهذا يقلل من خطر الإصابة بأمراض القلب .. تكافح السرطان، وتغذي البكتيريا المفيدة في الأمعاء
يعني تخدم كيما الأدوية النفسية، بصح بلا أعراض جانبية
جربوها بنية الشفاء، بلاك تلقاو فيها راحة قلبية .. فهي مريحة، مطمئنة ومغذية
ومش لازم تكون مريض باش تاكلها، لأنها علاج طبيعي يُذهب الحزن والاكتئاب، يهدئ الأعصاب، يحسن الهضم، ويقوي المناعة
Be the first to know and let us send you an email when Benkisat posts news and promotions. Your email address will not be used for any other purpose, and you can unsubscribe at any time.
