09/09/2026
🔴 خبر عاجل من عيادة رسيم لطب الأسنان
🔴 نجاح عملية جراحية لإخراج جزء كبير من ضرسة بقي عالقًا منذ سنة 1975… أي أكثر من خمسين سنة!
🔴 الجزء المتبقي كان مدفونًا تحت العظم واللثة، وكل مرة يسبّب للحاج آبسي يرجّعو للمضادات الحيوية.
🔴 العملية كانت دقيقة لأن الجزء المكسور كان قريب جدًا من الجيوب الأنفية، وأي حركة غير محسوبة كانت قادرة تدفعو للداخل وتزيد تعقّد الحالة.
🔴 صعوبة الحالة ما حبستش هنا… الحاج عمرو 86 سنة، يعاني من القلب وارتفاع ضغط الدم، وعندو مشكل في تخثّر الدم، ما يرفع خطر النزيف والمضاعفات.
🔴 الكثير من زملائي أطباء الأسنان رفضوا يتحمّلوا مسؤولية الحالة، وعندهم الحق لأنها فعلًا ماشي سهلة.
🔴 حتى أنا خمّمت نرفض… ومن بعد خرج هزيم الرعد لي داخلي 😂😂 (قالي نحيهالو وربي يستر)
🔴 بعد التشاور مع طبيب القلب تاعو وأخذ كامل الاحتياطات اللازمة، فتحنا اللثة والعظم وخرجنا الجزء المتبقي بالعقل… كيما الشعرة من العجين.
🔴 تم تنظيف المكان وخياطة الجرح، والحمد لله حالة الحاج مستقرة وما صراتلو حتى مضاعفات.
🔴 والمفارقة الجميلة… العام اللي فات عالجت بنتهم، ووصلني فوكال من يماها تدعيلي بالخير.
🔴 واليوم، بعدما عالجت باباها، وصلني هو ثاني يدعيلي بصوتو ❤️
يسما من هاذ الدار راني داي دعوات الخير من عند الأم والأب… وهل كاين مكسب للطبيب أكبر من هذا؟
الحمد لله الذي جعلنا سببًا في راحتهم…
والحمد لله على التوفيق والستر 🤲🏻
