Abderazak Ouali Insight

Itinéraire Contacter le cabinet

Abderazak Ouali Insight Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Abderazak Ouali Insight, El Esnam.

25/10/2026

Des fois
، لازم نعقبو بيامات صعاب باش نعرفو شكون هو لافامي، وشكون هو صاحبك، وشكون هو شريك حياتنا الحقيقي....
ف وقت الشدة، يطيحو les masques وتبان la vérité تاع الناس والعلاقات..
في علم النفس، الأزمات ما تصنعش شخصية الإنسان، بصح plusieurs fois تبينلك الحقيقة تاعو. اللي يوقف معاك بالصح، واللي تلقاه وقت الحاجة، هاذو من أكبر العلامات اللي تبين قيمة العلاقة...
ماشي كل واحد كان معاك في وقت الرخا، راح يبقى معاك في وقت الشدة...
و فاللخر نشكر كل واحد كان معايا و مزال ف وقت الشدة

📢 إعلان الترشح للانتخابات المحلية 2026بسم الله،أعلن عن ترشحي للانتخابات المحلية لبلدية أهل القصر، إيمانا بأهمية المشاركة...
22/10/2026

📢 إعلان الترشح للانتخابات المحلية 2026

بسم الله،

أعلن عن ترشحي للانتخابات المحلية لبلدية أهل القصر، إيمانا بأهمية المشاركة في تسيير الشأن المحلي والعمل من أجل تنمية البلدية وتحسين الخدمات المقدمة للمواطنين.

أطمح إلى أن أكون صوتا للمواطن، وأن أساهم في خدمة منطقتنا بكل جدية ومسؤولية، واضعًا المصلحة العامة فوق كل اعتبار.

معًا من أجل بلدية أهل القصر: تنمية، خدمات، واستقرار. 🇩🇿

19/10/2026

رد بالك في حياتك تدخل لبلاصة وتتعامل مع الناس على أساس هوما خير منك...

رد بالك تشوف روحك صغير قدام الناس، وتعتبرهم هوما كبار وأنت قل منهم. ما ديرش هاذ الغلطة في حياتك، علاش؟

خطش كي تحط روحك في هاذ الحالة، وتخلي الناس يشوفوك بهاد النظرة، صعيب يبدلو نظرتهم ليك، وحتى طريقة تعاملهم معاك تقدر تكون ماشي مليحة..

مام اذا كنت إنسان مليح، ونيتك صافية، رح تلقى ناس بهاذ العقلية

علاهاذي، ما تحقرش روحك ،قدام أي واحد ..

ديما اعرف قيمة روحك، وما تخلي حتى واحد يحسسك بلي راك قل منو...

15/10/2026

واحد يقول لوكان نخير صفة وحدة في شريك حياتي ،رح نختار Low Expectations، يعني توقعات قليلة.

إذا حبيت تعيش زواج ناجح وسعيد، ما تبنيش توقعات مثالية على شريك حياتك، وما تخليش شريكك يبني عليك توقعات مثالية هو تاني

علاش؟

خطش كي تكون توقعاتنا قليلة، الحوايج العادية تولي تفرحنا وتفاجئنا....

كي يدير الطرف الآخر حاجة عادية، نتفاجؤوا ونفرحوا بيها، وهو ثاني كي نديرولو حاجة عادية، يتفاجأ ويفرح...

وفللخى، نكونوا في زوج فرحانين، وكل واحد فينا يقدر الحوايج الصغيرة اللي يديرها الآخر مهما كانت صغيرة..

بصح كي تدخل للزواج بتوقعات مثالية، وتبدا تتخايل كيفاش لازم يكون شريك حياتك، وكيفاش لازم يعاملك، وكيفاش لازم تكون حياتكم، و وش لازم يديرلك ولا يشريلك راح تلقى روحك ديما مديقوتي و كاره

علاش؟ خط لا رياليتي عمرها ما تكون كوبي على ليماج ايديال اللي رسمتها في مخك...

و البروبلام أنو بزاف ناس يكونسونتريو على فكرة الزواج كثر من يكونسونتريو على الشخص اللي راهم رايحين يتزوجوه أصلا...

كل واحد فينا عندو مميزات وصفات مليحة، بصح عندو ثاني عيوب ومشاكل جاية من شخصيتو، من تربيتو، من حياتو من جيبو تاني ومن التجارب اللي عاشها قبل...

مكاش إنسان كامل، ومكاش علاقة بلا نقائص...

وفلخر، الشريك اللي راه يعيش التعاسة، مرات ما يكونش ضحية لحياتز، بقدر ما يكون ضحية للتوقعات اللي بناها على هذيك الحياة...

13/10/2026

خطرات، غير كي تخرج للعيب رح تلقى راحتك..
والله العظيم خطرات، العيب راه مليح وماشي ديما يكون خايب..
ساعات لازم تخرج للعيب ديراكت باش ترتاح، نجيك ماللخر..
ماشي ديما لازم تكون مليح، ولد فاميلية و ظريف وقاع،،
كاينين حالات وين لازم تخرج للعيب باش تتكالما و تريح راسك

12/10/2026

صوت يماك ف الدار هي احلى نعمة ، بروفيتي

10/10/2026

Meilleure décision درتها في حياتي هو أني نقعد كالم.
ما عندي حتى حاجة نبروفيها لحتى واحد. و مانسييش نقنع حتى واحد بلي أنا إنسان مليح. مانكوريجيش حاجة ماشي أنا اللي خربتها. مانيش نحارب باش نفرض على واحد يشوف قيمتي.
قاع واش دير ف حياتك، هذا راجع ليك وحدك.
برك كونك سور بلي القرارات اللي راك ديرها اليوم، رح تقدر تعيش مع لي ريزولتا تاعهم غدوة...

ما تتفرجش لي جات و متحكيش مع لي جا باش ما تحملش هم الدنيا كامل فوق راسك...كل يوم خبارات مش ملاح و كلام مع ناس جونر: ما ب...
05/10/2026

ما تتفرجش لي جات و متحكيش مع لي جا باش ما تحملش هم الدنيا كامل فوق راسك...
كل يوم خبارات مش ملاح و كلام مع ناس جونر: ما بقاتش ما فيهاش، ما كانش، ما درناش، مرحش دير.. و الريزولتا؟ تعيي روحك باطل
همومك تكفيك. عندك هم باش تلقى خدمة، عندك هم باش دير بروجي عندك هم باش تفواياجي ، هم تتزوج هم تبعد على طبيعة فاسدة.... هذا هو الصح، هذي هي معاركك الحقيقية، و لي فيها تقدر تدير حاجة...
أما هموم الناس والدنيا، إذا خليتها تدخل عليك رح تاكل فيك وتكمل عليك
صاحب الناس لي يزيدولك خير، وريح بالك، وبروفيتي فالدنيا.. الحياة قصيرة، ما تودرهاش في الغم..

من أصعب الحوايج اللي يقدر يعيشهم الإنسان في حياتو هي العلاقات، وبالخصوص العاطفية، وين يلحق لمرحلة يلقى روحو حاصل بين زوج...
01/10/2026

من أصعب الحوايج اللي يقدر يعيشهم الإنسان في حياتو هي العلاقات، وبالخصوص العاطفية، وين يلحق لمرحلة يلقى روحو حاصل بين زوج صوالح: يا يطهلى في روحو ويخسر الطرف الاخر، يا يحافظ على الطرف الآخر ويخسر روحو ..

نوعدك وعد: كل مرة تخير فيها روحك رح تكون ناجح، وكل مرة تدير العكس رح تندم عليها. هادي حاجة مش قاع الناس يقدروا يفهموهالك، ومرحش تتعلمها حتى تجوز عليها وتتكوى بيها . تسمى اديها مني: كي تحط روحك في اختيار، خير ديما روحك..

لاكنت في علاقة وباه تكمل لازم تخير الطرف الثاني وتنسى روحك، دير العكس ديما، خير روحك ديما، حتى لوكان تخسر الطرف الآخر..
ومهما كنت حاسب بلي غياب هاد الشخص عن حياتك هو نهاية العالم، راك غالط، رح يجيو ناس أخرين في حياتك خير وخير...

26/09/2026

اليوم عندنا موضوع شباب: ماكش important كيما تحسب روحك.
غاشي اليوم كامل حاسبين رواحهم هما hero تاع الفيلم، هما الـ Main Character. يحسبوا باللي مشاكلهم ومشاعرهم هما الصح، وباللي الناس كامل تخمم فيهم. حاسبين رواحهم حاجة كبيرة بزاف.
وأنا هنا باش نعطيك واحد الـ Heat check تعقل عليه طول حياتك: حتى واحد ماهو مقلق عليك ولا يخمم فيك

حاسب باللي الناس راح تهدر عليك، ولا تحكم عليك، ولا تدير عليك حكاية... نو برو حتى واحد ماهو لاهي بيك ، حتى واحد ما جايب خبر بيك ولا لي ديسيزيو اللي ديرهم في حياتك، ولا واش تروح تدير كيما راك تيماجيني.
علاش؟ خطش الناس كامل لاهيين برواحهم. Tt simplement كيما نتا راك مقلق وتخمم غير في روحك، الغاشي كامل كيفك.

ماهمش قاعدين يستناو فيك واش درت وواش ما درتش باش يخمموا فيك،
باش تقعد خايف ومقلق من هدرة الناس ورايهم, هذي تصرفات تاع NPC. Non-Playable Character
غير تشوف روحك تخمم على واش راح يقولوا عليا الناس، اعرف روحك بلي راك Non-Playable Character.
بيسك حتى واحد ماسامع بيك ، الناس لاهية في مشاكلها ورزقها.
وهذي الحقيقة لازم تفرحك وتريحك.
كي تسمع هاد الهدرة ما لازمش تستريسي ولا تجيك
Anxiety
بالعكس، هذي هي الحرية التامة بيسك كي تفهم باللي صح صح حتى واحد ماهو سامع بيك، تولي تقدر دير واش تحب، وما تعيشش تحت لابريسيو تاع كلام وراي الناس.
أنا هكذا عايش، وحاجة فور بزاف. فالنهار ما تجيش كامل في بالي ليدي تاع مثلا ،أوه، ما نعرف أمين لي قرا معايا في السيام واش راح يخمم كون نبارتاجي هاد البوست هادي ما تكزيستيش قاع في راسي، أمين تاع السيام راه لاهي في حياتو، ماهوش لاهي بيا أنا.

Adresse

El Esnam

Heures d'ouverture

Dimanche 09:00 - 17:00
Lundi 09:00 - 17:00
Mardi 09:00 - 17:00
Mercredi 09:00 - 17:00
Jeudi 09:00 - 17:00
Samedi 09:00 - 17:00

Site Web

Notifications

Soyez le premier à savoir et laissez-nous vous envoyer un courriel lorsque Abderazak Ouali Insight publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter Le Cabinet

Envoyer un message à Abderazak Ouali Insight:

Raccourcis

Partager

Cliniques à proximité