orthophoniste chourouk

13/04/2026

🔹 الحركات الدقيقة هي الحركات لي يقوم بها الطفل باستعمال أصابعه ويديه، مثل: ✔️ مسك القلم
✔️ قص الورق
✔️ تركيب البازل
✔️ غلق وفتح الأزرار
📌 علاش مهمة؟ الحركات الدقيقة تلعب دور كبير في: ✅ تعلم الكتابة وتحسين الخط
✅ تنمية التركيز والانتباه
✅ الاستقلالية (يأكل وحده، يلبس وحده…)
✅ دعم تطور اللغة بطريقة غير مباشرة
⚠️ تأخر الحركات الدقيقة يقدر يبان في: ❌ صعوبة في مسك القلم
❌ تعب سريع أثناء الكتابة
❌ تجنب الأنشطة اليدوية
💡 كيفاش نساعدو الطفل؟ جربو معاه أنشطة بسيطة في الدار: 🎨 اللعب بالعجين (pâte à modeler)
🧩 البازل
🧵 إدخال الخيط في الخرز
✂️ القص واللصق
🖍️ التلوين
👩‍⚕️ إذا لاحظتو تأخر، التدخل المبكر يساعد بزاف في تحسين مهارات الطفل وتفادي صعوبات في المدرسة.
📩 لأي استفسار أو تقييم، مرحبا بكم عند
Orthophoniste Chourouk

09/04/2026

🌞 بما أنّ عطلة الصيف طويلة هذه السنة، فالأفضل أن يستثمر طفلك وقته في التعلّم بدل أن يقضيه دون فائدة. ✨

🌞✨ مخيم صيفي ترفيهي تعليمي للأطفال ✨🌞

حابة طفلك يستفد ويقضي صيف ممتع؟
نقترحولكم مخيم صيفي مميز يجمع بين اللعب والتعلم 🎈📚

🔹 أنشطة لغوية (عربية - فرنسية - إنجليزية)
🔹 تمارين دعم لصعوبات التعلم
🔹 ألعاب تفاعلية وتنشيطية
🔹 ورشات تحسين الخط والكتابة
🔹 أنشطة حسية وحركية

👧🧒 الفئة العمرية: من 3 إلى 10 سنوات
📍 المكان: سيدي مبروك – المدينة الجديدة

🎯 الهدف: تنمية مهارات الطفل في جو مرح وآمن

📞 للحجز والاستفسار: 0799664023
📩 مرحبا بالجميع، الأماكن محدودة!

مع الأرطفونية شروق بوقلقول 💙

13/09/2025

🧒👧 طفل عندو 5 سنين؟ وين نحطو؟

✋ بزاف أمهات يحيرو بين:

الروضة

المسجد

المدرسة

عند المختصة الأرطفونية

✅ النصيحة:
كل مكان عندو دورو، بصح لازم تشوفي:
🔹 إذا ولدك متأخر في الكلام → الأرطفونية أولاً.
🔹 إذا عندو استعداد يتعلم → الروضة باش يتعلم قواعد أولية (جلوس، سماع، كتابة).
🔹 المسجد → مكمّل تربوي وروحي مليح.
🔹 المدرسة → المرحلة الطبيعية بعد ما الطفل يكتسب استعداد.

👉 باختصار: الأساس هو قدرات الطفل، ماشي رغبات الكبار.

✍️ المختصة الارطفونية شروق بوقلقول
#قسنطينة #جمعية #روضة

12/09/2025

04/09/2025

✨🌙 بمناسبة المولد النبوي الشريف 🌙✨
اللهم صل وسلم وبارك على سيدنا محمد وعلى آله وصحبه أجمعين 💚

المولد النبوي فرصة نغرسو في قلوب ولادنا قيم الرحمة، الصدق، وحب الخير كيما كان حبيبنا ﷺ.
خلّيو هاد اليوم يكون مليان بالصلاة على النبي، وبالقصص الجميلة اللي تعلمهم محبة رسول الرحمة.

🎉 كل عام وانتوما بخير، ربي يرزقنا شفاعتو يوم القيامة 🤲

بقلم: شروق بوقلقول – مختصة أرطفونية
📞 0799664023
📌 Orthophoniste Chourouk

#قسنطينة

28/08/2025

👩‍🏫👧👦 نصيحة للأولياء
كاين بزاف صغار في الأيام الأولى يجيهم خوف من المعلمة 😟، وهنا يجي دوركم:

✅ ما تقولوش "إلا ما تسمعش للمعلمة راح تعاقبك" 🚫
✅ بالعكس، قدّمو صورة إيجابية: "المعلمة راح تعلمك وتحبك كيما ماما" 💕
✅ شجعوه يحكيلكم على نهارو في المدرسة بلا مقاطعة.
✅ إذا بكى، طمّنوه بلي هاد الشي عادي وكل يوم راح يتعود أكثر.

💡 بالكلمة الطيبة والتشجيع، الطفل يحس بالأمان ويرتاح مع المعلمة 🌸

📌 أ. شروق بوقلقول – أخصائية أرطفونية
📞 0799664023

#قسنطينة

20/07/2025

🧩 طفل التوحد... ماهوش غالط، راهو مختلف فقط! 🧩

كثير من الناس ما تعرفش واش يعني التوحد، وكاين اللي مازال يظن بلي الطفل المشخص بتوحد "ماعندوش تربية" أو "ماعندوش إحساس" 😔

لكن الحقيقة هي:

👁️‍🗨️ طفل التوحد يشوف العالم بطريقة مختلفة
🧠 يفهم، يحس، ويحب... بطريقتو الخاصة
🗣️ ممكن مايهدرش، بصح يقدر يعبر، يفرح، ويتفاعل كي يلقى اللي يفهمو
👂 حساس للأصوات، للضوء، للمس… وممكن يتعب من أمور بسيطة إحنا نعتبروها عادية

⚠️ التوحد ماهوش مرض، هو اضطراب نمائي.
وكل طفل عندو قدراتو، نقاط قوتو، واحتياجات خاصة في التواصل، اللعب، والحركة.

❤️ وش يحتاج طفل التوحد؟

الأمان

الروتين

التقبل

الدعم التربوي والعلاجي المناسب

وأهم حاجة: الصبر والمحبّة.

📣 خلي صوتنا يوصل: كل طفل يختلف عن الآخر... والتقبل أول خطوة نحو التغيير.

📞 للتواصل:
📍 قسنطينة
📱 0799 66 40 23
📄 صفحة الفايسبوك: Orthophoniste Chourouk

#أرطفونية
#التوحد

10/07/2025

📌 ولدي يسمع العربية والفرنسية.. واش نحبس عليه وحدة؟
❗لاااااااااا، ماشي لازم ❗

الطفل يقدر يتعلم لغتين ولا أكثر، وهاد الشي ماشي خطر عليه، بصح لازم نعرفو كيفاش نمدولو اللغات باش ما يدوخش 👇

👶 هاكم 7 نصائح كي يكون طفلك يسمع لغتين:

1️⃣ خيّري لغة وحدة تحكي بيها معاه ديما (مثلاً: العربية فقط).
2️⃣ كي تحكي معاه، استعملي جمل قصيرة وسهلة باش يفهم.
3️⃣ متخلطيش اللغات فالجملة وحدها (مثلاً: "روح جيب le verre تاع الماء" ❌).
4️⃣ خلي كل واحد في العيلة يحكي معاه بلغة وحدة (مثلاً: ماما بالعربية، بابا بالفرنسية).
5️⃣ عاودي نفس الكلمة بزاف مرات، فاللعب، فالروتين، فالقصص.
6️⃣ لو لاحظتي تأخر فالكلام، من الأحسن تركزي معاه بلغة وحدة فقط في البداية.
7️⃣ ودايما تذكري: الطفل راه يتعلم، ماشي يتأخر! غير الصبر 💪❤️

🌿 الازدواجية اللغوية مشي سبب فالتأخر، بصح لازم تكون منظمة

📞 للاستفسار ولا تقييم أولي:
📱 0799 66 40 23
📄 orthophoniste chourouk