20/04/2026
متتبعي الصفحة الأعزاء أرجو منكم قراءة المقال للاخير
زارنا اليوم طفل 10 سنوات في العيادة طاح على اسنانه الأمامية كي كان يلعب لبالون او طاحت هديك السن وللأسف سن دائم ماهوش تاع لحليب كان توجه للاستعجالات في الليل لكن لسوء الحظ ماقدمولو حتى اجراء ولا مساعدة كانت رح تنقذ هداك السن حتى لتاني يوم جانا للعيادة رغم انو فات شوي لحال لكان قمنا بالإجراءات اللازمة رجعنا سن مكانه و ثبتناه وندعيو ربي بالتوفيق
حبيت نتطرق لهذا لموضوع اليوم خاصة للاولياء باه يكونو علبالهم واش يديرو كون يقدر ربي و تصرا ان شاء الله تقرأوه كامل و يجعلنا ربي سبب باه نمنعو كوارث ممكن تصرا نتيجة قلة الوعي ندعو الله بالسلامة لجميع الأطفال 🦷❤️
واش لازم اديرو في حالات مماثلة: اولا الاتصال الفوري بالطبيب
حاولو ترجعو السن لبلاصتو ويضغط عليه طفل بقطعة شاش نظيفة حتى يوصل عند الطبيب
او تحطو السن في علبة معقمة فيها لحليب او للعاب تع طفل لازم يبقى السن مرطب حتى ذهاب إلى الطبيب
جامي تحطو في قطن او مكان قد يعرضه للجفاف
و باذن الله في العيادة سنقوم بالإجراءات اللازمة ونعاودو تثبيت السن و يلتأم و يرجع لبلاصتو و كأن شيئا لم يكن
في مثل هذه الحالات السرعة هي المفتاح لنجاحها على قد ما تزرب بيه لطبيب الاسنان على قد ما تكون نسبة نجاح عالية باذن الله
ربي يسلم و يحفظ جميع أولاد المسلمين ❤️
لأي استفسار يمكنكم الاتصال على رقم العيادة مرحبا بالجميع
06 71422130
