01/02/2025
زارني اليوم صديق و جابته الزوجة نتاعه لانه يخاف و ميبغيش الطبة على جال ارتفاع خفيف في ضغط الدم . لكن المريض كان يبان صفر و شوية منتفخ و قالي كي حبست الدخان سمنت و بوصفير قطعت عليه بصح ما راحش!! قلتله هذا النفخ و صفورية ما يكون غي الغدة الدرقية بعد ما درت ايكوغرافي القلب و لقيت الماء فالقلب قتله هذي ما تكون غي الغدة الدرقية و كملت الفحص بايكوجرافي الغدة و لقيتها كحلة و صغيرة ( في الحالة العادية تكون بيضة لامعة) و بعد ما تاكدت طلبت تحليل TSH و كما توقعت خرج طالع مما يؤكد ان خمول الغده الدرقيه هو لي نفخه و دارله الماء فالقلب و عطاه لون اصفر للبشرة .المريض سيتلقى العلاج و يروحله الماء ويولي عادي باذن الله و هذا تنبيه فقط ان عدم علاج خمول الغدة الدرقية ممكن يعمر القلب بالماء ( المريض عنده الصح لي ما يبغيش الطبة!! من ضغط الدم 150/90 ولينا فالماء فالقلب و الغدة الدرقية!!)
