صفحة عيادة الحكيم حمادي مالك طبيب الاطفال وحديثي الولادة

صفحة عيادة الحكيم حمادي مالك طبيب الاطفال وحديثي الولادة عيادة الحكيم حمادي مالك اخصائي في طب الاطفال و حديثي الولادة من 0 الى 16 سنة ,حي 16مسكن ابن باديس (مقابل عيادة500 مسكن) المسيلة .

28/08/2026

السلام عليكم، العودة إلى العمل يوم الأحد 30 أوت إن شاءالله

Dr HAMADI Malek
أرقام العيادة: 0554143089/ 0674803723

الفرق بين معجون الأسنان تاع الكبار وتاع الصغار؟ 🪥 🔹نسبة الفلوريد: معجون الصغار فيه نسبة قيلة ومضبوطة باش تحمي أسنانهم بل...
28/08/2026

الفرق بين معجون الأسنان تاع الكبار وتاع الصغار؟ 🪥

🔹نسبة الفلوريد: معجون الصغار فيه نسبة قيلة ومضبوطة باش تحمي أسنانهم بلا ما تضرهم
🔹الدراري الصغار ما يعرفوش يشللو فمهم مليح، ومعجونهم مخدوم باش ما يضرهمش لوكان يبلعوا منه شوية
🔹يجي بنكهات خفيفة ومواد لطيفة على لثتهم، ماشي حار كيما تاع الكبار

✅شحال نديرولهم؟
🔸أقل من عامين: مسحة خفيفة بزاف بحجم حبة أرز
🔸من 2 لـ 6 سنين: كمية صغيرة بحجم حبة جلبانة


0554143089 / 0674803723
Dr HAMADI Malek

18/08/2026

السلام عليكم، الطبيب في عطلة ابتداءً من اليوم الثلاثاء ان شاءالله
عطلة سعيدة للجميع

Dr HAMADI Malek

14/08/2026

قياس الطول يكون بانتظام خلال زيارات المتابعة من الولادة 🔹حتى عامين والطفل راقد، 🔹من عامين وفوق: والطفل واقف ✅ المهم ماشي غير القياس، وإنما نتابعو تطور الطول على منحنى النمو مع مرور الوقت للكشف عن قصر الطول والسبب

10/08/2026

🧠كيفاش تعرف بلي وليدك راه ينمو مليح حركياً وعقلياً؟👶🏻

✅النمو ماشي غير الميزان والطول

1️⃣ التطور الحركي (النشاط والحركة):
🔶من شهرين لـ 3 أشهر: البيبي يبدأ يرفد راسو
🔶من 6 لـ 7 أشهر: يقعد وحدو ويبدأ يشد اللّعاب بيدو
🔶من 9 لـ 10 أشهر: يبدأ يزحف ويوقف وهو شاد في الطابلة
🔶من عام لـ 15 شهر: يدير الخطوات الأولى وحدو

2️⃣ التطور العقلي والاجتماعي (الذكاء والفهم):
🔶من شهرين لـ 3 أشهر: يبدأ يبتسم كي تشوفوا فيه وتلعبو ويتبع الحاجة لي تحرك قدام عينيه
🔶من 4 لـ 6 أشهر: يدير أصوات ويدور راسو وين يسمع الصوت
🔶من 9 أشهر: يبدأ يفهم كلمة "لا"، ويشير بصباعو للحاجة لي حابها و يخاف من البراني
🔶في عام: ينطق الكلمة الأولى (ماما، بابا..) ويفهم كي تقولويلة دير حاجة ساهلة

⚠️ وقتاش لازم تجيبيه لطبيب الأطفال؟

مازال ما يرفدش راسو وهو في عمر 4 أشهر
مازال ما يقعدش وحدو وهو في عمر 9 أشهر
ما ينتبهش للأصوات وماكانش التواصل البصري


0554143089 / 0674803723

09/08/2026

🔹 السخانة، درجة حرارة الجسم، نقيسوها بالمحرار ‏le thermomètre، ماشي باليد، يقدر يبانلك سخون و كي تقيسها تلقاها مهيش طالعة، و الافضل نقيسوها من التحت

Dr HAMADI Malek
0554 14 30 89/ 0674 80 37 23

07/08/2026

🔶من أكثر الأسباب التي قد تؤدي إلى القيء والإسهال عند الأطفال في فصل الصيف:

🔹 المايونيز والسلطات المحضرة مسبقًا.

🔹 الحليب ومشتقاته غير المحفوظة في التبريد.

🔹 اللحوم والدجاج والأسماك غير المطهية جيدًا.

🔹 الحلويات التي تحتوي على الكريمة أو الشانتيي عند تركها خارج الثلاجة أو المعرضة للحرارة.

🔹 الخضر والفواكه غير المغسولة جيدًا.

🔹 العصائر والمياه مجهولة المصدر.

🔹 الوجبات السريعة.

🔹 ابتلاع ماء المسبح (البيسين) أثناء السباحة.

🔹 السباحة في مسابح لا تحترم شروط النظافة والتعقيم.

🔹 شرب ماء غير صالح للشرب أو ماء ملوث.

Dr HAMADI Malek
0554 14 30 89/ 0674 80 37 23

05/08/2026

من البحوثات الأخيرة🔶 كي تشرب حبة الحديد الكبد تاعك يفرز هرمون Hepcidine يغلق بيبان الأمعاء لمدة 48 ساعة⬅️ الحبة اللي تشربها غدوة ما تمتصش تماماًو تبقى في الأمعاء وتدير حريق المعدة و La Constipation
✅ نشربو حبة كل يومين مع فيتامين C

طفلك عندو أكزيما أو التهاب جلدي موضعي 🔶قص العلامات( étiquettes)🔶 لبسو ملابس مقلوبة كي يكون ملامس للجلد مباشرةً🔶نقصو كمية...
03/08/2026

طفلك عندو أكزيما أو التهاب جلدي موضعي

🔶قص العلامات( étiquettes)
🔶 لبسو ملابس مقلوبة كي يكون ملامس للجلد مباشرةً
🔶نقصو كمية المنظف ( lessive ) ب1/2 إلى 2/3 (أو صابون مرسيليا🧼 أو الغسل عند 40 درجة مئوية)

🚫تجنب الملابس الصوفية في الشتاء
🚫تجنب منتجات التليين( adoucissant )


0554143089 / 0674803723

Adresse

16 Logement
M'Sila
28000

Heures d'ouverture

Lundi 07:00 - 17:00
Mardi 07:00 - 17:00
Mercredi 07:00 - 17:00
Jeudi 07:00 - 17:00
Samedi 07:00 - 17:00
Dimanche 07:00 - 17:00

Site Web

Notifications

Soyez le premier à savoir et laissez-nous vous envoyer un courriel lorsque صفحة عيادة الحكيم حمادي مالك طبيب الاطفال وحديثي الولادة publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type