04/05/2026
كانت كاين ايفاكياسيون ميديكال لعسكري مصاب نحو مستشفى عين النعجة العسكري لبارح الحالة كانت طروما مزدوجة مع شك في ايموراجي داخلي وبنيموتوراكس، الممرضة كانت تراقب ليكونستوت ولاحظت بلي ساتيراسيو يهبط وطاكي و لاطونسيو راهو ينزل تدريجيا، فجأة المريض دخل في ديستريس ريسبيراتوار واضح مع غياب اصوات التنفس في جهة وحدة ، قلبت المريض المالاد و كذا ، فهمت باللي الحالة تولات تانسيون بنيموتوراكس يعني ضغط الهواء داخل الصدر راهو يخنق الرئة ويضغط على القلب، بلا ما تضيع وقت قررت تدير نيدل ديكومبريسيون في الطريق خرجت كاتي كبير وحددت البلاصة بين الضلوع الثانية من جهة الكلافيكول ودخلت الابرة و حبست لومبيلونصي باش متزغدش لامبيلونص فطريق، خرج صوت الهواء المحبوس مباشرة وتحسن التنفس تدريجيا وطلع الساتيراسيو ، من بعد ركبت اوكسيجان وبقات تشوف فليكونستوت ، وبهذا التصرف السريع والدقيق قدرت تحول حالة قاتلة في الطريق لحالة مستقرة حتى وصلو للمستشفى، هذي مشي زهر ولا حظ هذا فهم عميق للفيزيوباتولوجي وقدرة على اتخاذ قرار صعيب تحت ضغط حقيقي و ايكسبارسيونس كبيرة
و كي وصلت لعين النعجة جاي جينيراليست يزيد فالهدرة كي جابت ايفاك كيما هاذي بلا طبيب و يقلها ندير لي رابور تاوعي و الله يسهل و هو خايف يعيط لسبيسياليست 🤣🤣
لانفارميار هاذي لبارح صفقتلها البنومو في عين النعجة
و ليوم أنا نقلها بلي السوبرمان خيالي و نتي حقيقة
مستشفى المدية
