د. عباسة نبيل/طبيب أطفال

د. عباسة نبيل/طبيب أطفال صفحة طبية مخصصة لكل ما يتعلق بطب الأطفال و حديثي الولادة
تقدم معلومات ؛ نصائح و إرشادات طبية. طبيب أطفال

اللهم الطف بأهلنا و إخواننا في جيجل، و احفظهم بحفظك و اجعل ما أصابهم بردا و سلاما عليهم وارفع عنهم الضر والبلاء اللهم ...
28/08/2026

اللهم الطف بأهلنا و إخواننا في جيجل، و احفظهم بحفظك و اجعل ما أصابهم بردا و سلاما عليهم وارفع عنهم الضر والبلاء اللهم ارحم الشهداء وشافي الجرحى.
اللهم احفظ بلدنا الجزائر و أهلها من كل سوء


26/08/2026

حب الشباب عند الرضيع

👈 الرضيع نبداو نذوقوه ابتداءا من 4 أشهر و نبداو نشربوه الما لما يبدا يذوق الماكلة.👈 الرضيعة نثقبولها الأذن تاعها بعد ما ...
24/08/2026

👈 الرضيع نبداو نذوقوه ابتداءا من 4 أشهر و نبداو نشربوه الما لما يبدا يذوق الماكلة.

👈 الرضيعة نثقبولها الأذن تاعها بعد ما دير جرعتين من اللقاح ضد التيتانوس ( يعني بعد ما تدير الفاكسان تاع 4 أشهر).

👈 الرضيع نطهرولو من الأفضل لما يكون صغير ( يفضل أول شهر) و هذا ينقص خطر الإصابة بإلتهاب المسالك البولية، و الإحساس بالألم مهما يكون الفصل (شتاء أو صيف).

👈 الرضيع نشربوه الفيتامين د 100000 وحدة ( نصف امبولة تاع 200000 وحدة) لما يدير شهر، 6 أشهر ، سنة و 18 شهر.

👈 الرضيع لي حكماته الحمى نديروله كمادات مشمخة بماء الحنفية على الرقبة، بين الإبطين و الفخذين، و نمدوله جرعات الباراسيتامول حسب الوزن كل 6 ساعات.

👈 الطفل بعد عمر السنة نبداو نقصوله في كمية الحليب تدريجيا و نزيدو في كمية الأطعمة.

👈الطفل المصاب بالإسهال نعطوله السوائل (الما، la soupe تاع الخضر، الأملاح) لتفادي الجفاف ، كذلك أطعمة مثل الموز، التفاح، الأرز، البطاطا لاحتوائها على الألياف المفيدة لامتصاص الما و تحسين حركة الأمعاء.

👈 الطفل المصاب بالإمساك نحفزوه على القيام بأنشطة بدنية لأنها تحفز وظيفة الأمعاء، نكثروله السوائل خاصة الما، زيت الزيتون، نعطوله أطعمة غنية بالألياف كيما الفواكه و الخضر (بطاطا حلوة، جلبان..) و نقصوله الجزر، الموز، السكريات، الأرز و العجائن البيضاء.


22/08/2026

كنتو تعرفوها!!؟

👈 الحلاقم (إلتهاب اللوزتين) ما يستدعيش باه نديرو تحليل ASLO .👈 تحليل ASLO مرتفع ما يستدعيش نمدو للطفل حقنة extencilline ...
20/08/2026

👈 الحلاقم (إلتهاب اللوزتين) ما يستدعيش باه نديرو تحليل ASLO .

👈 تحليل ASLO مرتفع ما يستدعيش نمدو للطفل حقنة extencilline (تاع 21يوم) : هذا التحليل يقيس مناعة الجسم ضد واحد البكتيريا ( Sbh A) ، و ممكن يبقى مرتفع لمدة أشهر بعد الإصابة بهذي البكتيريا.

👈 الفيتامين د عندنا 4 جرعات نمدوهم للرضيع أقل من سنتين (كل جرعة تحتوي على 100000 وحدة) ، يستحسن نمدوها مع شوية من حليب الرضيع أو حليب الأم لتفادي خطر الإختناق.

👈 ما نمدوش الفيتامين د زيادة عن الجرعات المذكورة على خاطر الأسنان ما خرجوش أو مازال ما حباش أو ما مشاش (الجرعات الزائدة ممكن تسبب تسمم، ارتفاع الكاليسيوم في الدم أو مشاكل في الكلى..)

👈 النزلات المعوية المنتشرة بكثرة حاليا أغلبها سببها فيروسي (فيروس الروتا) و هي ما تحناجش مضاد حيوي.

👈 بعد القيء ، الطفل يصبح وجهه شاحب (صفر) و ما يقدرش ياكل و هذا مشي بوصفير لذلك مشي تروح "تڤطعله البوصفير", اديه لطبيب أطفال يكشف عليه و يعالجه.

👈 البوصفير عند حديث الولادة إما يكون "قاوي" و يحتاج العلاج بجهاز الأشعة الضوئية الموجود في "المستشفى"، إما يكون خفيف و ما يحتاج حتى علاج: اديه لطبيب أطفال و اخطونا من " لامبة صفرا أو زرقا......

👈 الرضيع لي شهيتو للأكل ناقصة مشي تحاولي تعوضيلو الأكل بالحليب، لأنو المشكل راه يزيد يتضاعف و شهيتو راح تزيد تقل أكثر.


#ما لازمش ديري هذو #الغلطات إذا #طفلك عمرو #أقل من #سنة 👈 ما ترضعيهش وهو راقد أو مستلقي بالكامل ( الأفضل تميليه شوي...
18/08/2026

#ما لازمش ديري هذو #الغلطات إذا #طفلك عمرو #أقل من #سنة

👈 ما ترضعيهش وهو راقد أو مستلقي بالكامل ( الأفضل تميليه شوية بزاوية 30 إلى 45 درجة).

👈 ما تعطيلهش البيبرون بدون نظافة وتعقيم مناسب.

👈 ما تزيديش و تنقصي في تركيز الحليب أو عدد الكيلات ( تزيدي مغرف أو تنقصيها) كي تحضريله البيبرون (خاصة في حالة الإسهال أو الإمساك) لأنو ممكن يسبب مشاكل هضمية أو سوء تغذية.

👈 ما تحميش البيبرون بالمايكرويف ( micro ondes)، حطيه في وعاء به ماء دافئ لبضع دقائق، أو استعملي جهاز تسخين الرضاعات المخصص.

👈 ما تشربيلهش حليب "كانديا"، أو "اللحظة" أو حليب رقم 3، أو الحليب تاع الشكارة (يا ترضعيه رضاعة طبيعية يا تعطيله حليب صناعي مناسب لعمره).

👈 ما تزيدش السكر للأكل لأنو ما يحتاجش سكر إضافي، وزيد خليه يتعود على الطعم الطبيعي.

👈 و ما تضيفيش الملح للأكل لأن كليته مازالها صغيرة، والملح الزائد يقدر يضره.

👈ما تعطيلهش العسل بسبب خطر التسمم الغذائي عند الرضع.

👈 ما تشربيلهش العصير لا طبيعي ولا صناعي، من الأفضل توكليه الفاكهة نفسها.

👈 ما تعطيلهش الشاي أو القهوة أو أي حاجة فيها كافيين.

👈 ما تعطيلهش المكسرات (حب)، العلك، العنب الكامل، أو أي حاجة ممكن تسبب إختناق حتى الألعاب الصغيرة لي ممكن يبلعها.
👈 ما تنسايلوش " الفاكسان" و جرعات الفيتامين "د".
👈ما تخليهش وحدو على حافة السرير ممكن يتقلب و يسقط .

👈 ماتعرضيهش لدخان السجائر .

👈 ما ديريش معطرات قوية أو عطور قوية قريب للطفل.

👈 ما تخرجيهش في الڨايلة و السخانة.

👈ما تكثريلهش الغطو بزاف.

👈 ما تسمعيش لكل نصيحة شفتيها على الإنترنت أو من عند الجيران إذا كانت تخالف الطب الحديث.


نعلم مرضانا الأعزاء أننا سنستأنف المناوبة الليلية، و هذا توقيت عمل العيادة الجديد :16:00-08:0021:30-18:00🔷 ملاحظات هامة:...
17/08/2026

نعلم مرضانا الأعزاء أننا سنستأنف المناوبة الليلية، و هذا توقيت عمل العيادة الجديد :
16:00-08:00
21:30-18:00

🔷 ملاحظات هامة:
نرجو من مرضانا الأعزاء إحترام هذا التوقيت .
يرجى الإتصال بأرقام العيادة لحجز موعد ( من فضلكم يرجى عدم دق الباب تفاديا لإزعاج الجيران)
فيما يخص الاستفسارات على الهاتف ، تكون فقط خلال الفترة الصباحية، أما الفترة المسائية فهي فقط لأخذ المواعيد.

أرقام الهاتف:
0696335211
0791378142




#مستغانم

إذا #الطفل أو #الرضيع عنده #إسهال ( لادياري) 🤔: 👈 لازم نعطوه كمية كافية من السوائل لي هي الماء ، البويون (مثل مرق...
16/08/2026

إذا #الطفل أو #الرضيع عنده #إسهال ( لادياري) 🤔:

👈 لازم نعطوه كمية كافية من السوائل لي هي الماء ، البويون (مثل مرق الدجاج أو الأرز ) و الخضار( مثل حساء الجزر) و المحاليل المعالجة للجفاف( الأملاح).
.
👈 نظيفوله الأطعمة شبه الصلبة تدريجيًا مثل الموز و التفاح( نمرسوه للرضّع ولا نعطوه على شكل عصير بدون سكر) فهي تحتوي على الألياف المفيدة لامتصاص الماء و تحسين حركة الأمعاء .

👈 نركزو على النشويات مثل الأرز و البطاطا المسلوقة أو المهروسة .

👈 نعطوه وجبات صغيرة و متفرقة خلال اليوم بدلًا من الوجبات الكبيرة ( 5 أو 6 وجبات).

👈 حليب الأم مهم، ما تحبسيش الرضاعة.

🚫 لازم تتجنبو شرب المنبهات و المشروبات الي تحتوي على الكافيين مثل القهوة والشاي و المشروبات الغازية لأنها تزيد من إدرار البول و بالتالي تزيد خطر الجفاف، وكذلك تجنبو السكريات و العصائر الصناعية والأطعمة الدهنية ( الأطعمة المقلية ؛ الزبدة.. )

👈 الطفل المصاب بالإسهال يحتاج الى عنصر البوتاسيوم وهو متوفر في الموز و البطاطا و إلى عنصر الزنك الموجود في اللحوم خاصة الحمراء ( تقدم مشوية و مهروسة باه نتخلص من الدهون) والبيض المسلوق.


👈ما نعطوش للطفل مضاد حيوي بمجرد ارتفاع درجة الحرارة بدون استشارة طبية. 👈ما نحبسوش المضاد الحيوي لي عطاهولنا الطبيب بمجرد...
10/08/2026

👈ما نعطوش للطفل مضاد حيوي بمجرد ارتفاع درجة الحرارة بدون استشارة طبية.

👈ما نحبسوش المضاد الحيوي لي عطاهولنا الطبيب بمجرد زوال الحمى.

👈ما ندخلوش الكوتون تيج داخل أذن الرضيع لأنو يدفع الشمع للداخل و يقدر يثقب طبلة الأذن (نمسحوله من الخارج بكتانة نقية).

👈ما نكثروش القش للبيبي (خاصة حديث الولادة) خاصة إذا كانت درجة حرارة الغرفة كبيرة: يقدر يسبب حمى و جفاف.

👈ما نديروش مخدة للمولود الجديد في الأيام الأولى.

👈ما نخلوش الرضيع يرقد بالحفاظة مليانة (خاصة في السخانة ممكن تسبب تسلخات جلدية و التهابات حادة).

👈ما نخلوش الكليماتيزور موجه مباشرة لجسم الطفل و ما نديروهش في درجات حرارة منخفظة.


👈 ما نبوسوش البيبي من الفم، ممكن ننقلوله البكتيريا.👈 ما نزيروش الڤماطة في منطقة الحوض ، ممكن تزيد خطر خلع المفصل الوركي....
08/08/2026

👈 ما نبوسوش البيبي من الفم، ممكن ننقلوله البكتيريا.

👈 ما نزيروش الڤماطة في منطقة الحوض ، ممكن تزيد خطر خلع المفصل الوركي.

👈 ما نظفوش منطقة الحفاظ من الخلف إلى الأمام ، ممكن ننقلوله بكتيريا أو فطريات و نسبوله التهاب المسالك البولية.

👈 ما نعطوش الماء للمولود الجديد، ممنوع قبل ما يكمل 4 أشهر.

👈 ما نوكلوش الرضيع قبل ما يكمل 4 أشهر و يدخل في الشهر الخامس، ممكن يسببله حساسية و اضطرابات هضمية.

👈 ما نديروش مواعيد محددة و صارمة للرضاعة ( كل ساعتين أو 3 ساعات!!) ممكن في الأيام الأولى بعد الولادة فقط ، لكن في ما بعد نخلوها حسب طلب الرضيع.

👈 ما نديروش حديث الولادة لي عنده بوصفير تحت الضو تاع " النيون" ولا نشربوه كاش عشبة، لازم استشارة طبيب أطفال ، لأنو ممكن يكون خطير و يأثرله على جهازه العصبي.

👈 ما نْرَڤْدوش الرضيع مباشرة بعد الرضاعة ، نڤرعوه باه نتفاداو الإرتجاع ، المغص أو أي انزعاج ممكن يسببه الهواء الموجود بالمعدة.

👈 ما نبقاوش نبدلو نوع الحليب الصناعي بشكل متكرر بدون استشارة طبية، ممكن يسببله اضطرابات هضمية و يزيدله في المغص.

👈 ما نقارنوش الطفل بولد خالته وولد عمه و...، كل طفل و نموه الخاص.


Adresse

5 Place BELATRECHE LADJEL
Mostaganem
27001

Heures d'ouverture

Lundi 08:00 - 16:00
17:30 - 20:30
Mardi 08:00 - 16:00
17:30 - 20:30
Mercredi 08:00 - 16:00
17:30 - 20:30
Jeudi 08:00 - 16:00
17:30 - 20:30
Vendredi 17:30 - 20:30
Samedi 08:00 - 16:00
17:30 - 20:30
Dimanche 08:00 - 16:00
17:30 - 20:30

Site Web

Notifications

Soyez le premier à savoir et laissez-nous vous envoyer un courriel lorsque د. عباسة نبيل/طبيب أطفال publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type