09/09/2026
الحمل الكاذب في أبهى صورة 📸 🐐
بزاف مربيين تخدعهم المعزة 👈👈كرشها تكبر وتبان عشار، ومبعد ما يبان والو هاذي الحالة هي "الحمل الكاذب" وين الرحم يكون معمر سوائل Hydromètre
فالإيكوغرافي هادي رانا نشوفو 🩻🩻
شكارات معمرين بالماء: هادوك البلايص الكحولة الكبار هما جيوب تع ماء محبوس داخل الرحم.
جدارالرحم رقيق بزاف: جدار الرحم يبان نحيف بزاف ومكسل بسبب الضغط تع هاداك الماء.
ماكانش جديان: الشاشة فارغة❌️ ما فيها لا جدي👈 لا قلب ينبض👈 ولا المشيمة تع الحمل الحقيقي.
⚙️ السبب: هاد المشكل هرموني مية بالمية ⚠️الهرمونات تع المعزة يتبلوكاو (الجسم الأصفر يبقا) ويخلو الجسم تعها يحسب روحه حامل ويغلق فم الرحم 👇والافرازات تبدا تتجمع لداخل في بلاصة الجديان.
🛠️ الحالة هادي تتريغل؟ ✅️✅️نعم هاد الحالة تتريغل عادي بمتابعة هرمونية يرجع السيستام تع الهرمونات لبلايصو👇👇 تفرغ هاداك الماء وترجع المعزة لطبيعتها وتثمر من جديد ❤️
