08/06/2024
هيا بنا لنغوص في عالم التحفيزات التجارب النفسية ونستكشف تجربتي شخصيا معا الباكالوريا 😊❤وجميع الطرق النفسية لتحقيق النجاح لامثل والسعادة وتخفيف التوتر 🕵️♂️👨🎓❤🤲
السلام عليكم عائلتي السعيدة انشاء لله تكونو لباس في احسن وقت المعلومة تاع ليوم راح تكون مليحا بزاف ❤
وهيا راح نعيشكم تجربتي معا شهادة البكالوريا واساليب النجاح في شهادة البكالوريا ونصائح نفسية تخفف الضغط و التوتر وراح تكون تكون معاها تحفيزات وانشاء لله تكون جرعة امل ليكم يا ابطال الياكالوريا ❤🤲
اول حاجا يا عائلتي السعيدة هيا في كامل ايام الإجتياز لازم ترقد بكري حاول متصهرش وكون ايجابي ب البزاف وكون متفأل انك راح تفرح ❤ ثاني حاجا المنبه ثم المنبه ديما عدل اضبط المنبه تاعك قبل ماترقد باش ينوضك على 6 ولا على ال 5 المهم اي شخص و البعد تاعو على مركز لامتحان ❤ اامهم اني وصيتكم رقيلوه من ضرك عائلتي السعيدة باش متنساوش ياك ووصو اهلكم وريقلو ادواتكم كل الأدوات لي تسحقوها في اليل وفي صباح اتأكدو منها ❤ بعدها ارقد مرتاح عادي ونوض الصباح على الوقت لي كونت محدو ❤ نوض اول حاجا كي تفتح عينك تديرها هيا اعمل 5 تنفسات عميقة بزاف باش تعطيلك راحة نفسية وتعطيلك قوة ايجابية بعدها نوض طول روح لاي مصدر هواء او طبيعية عندكم في المنزل اما عند باب الدار او عند الشرفة المهم اي واحد او يعرف كي تروح شم هوا نقي اتننفس بعمق واستشعر وجود لله معك في اي وقت وراح تجذب ليك وحد طاقة ايجابية مليحا بزاف بعدها وتعمك السكينة والطمأنينة من بعد حبر الأهل تاعك قولهم راح نفرحكم متخفوش وقوهم يدعولك 🤍🤲هكا راح يتفاعلو معاك راح تروحلك التوتر يروحلك الخوف يروحلك كلش ومتنساوش كي تفطرو كولو اكل صحي واخطيكم من الشاي والقهوة وكولو سكريات شيكولا ولا حلوى راح تساعد على تنشيطكم وراح تكون مفعلة لهرمون الدوبامين ❤ ياك عائلتي السعيدة اني علابلي بيكم ابطال وتقدرولها ❤💪
اخرجو اول حاجا قلوها هيا اتوكل عليك يا لله بسم لله ديرو ربي في قلوبكم وعائلاتكم في عقولكم 🤲❤ وكونو على ثقة تامة وعلى تفأل بلي راح تنجحو ان شاء لله 🤍
توصلو للمركز لاجراءيقبلوكم المشرفين كيف كبف يديروكم بتاع المسح هذاك كاشف المعادن ينحولك تلفون و الكرتابل لي تهزو معاك متنساش ادي معاك كل اغراضك ياك باش تجوز في راحتك ❤ بعدها ادخل لساحة تاع المركز يا عائلتي السعيدة اتلاقاو صحابكم❤ والبنات تلاقاو صحاباتكم ❤ وكل الطلبة معا بعضكم باينة تكونو توحشتو بعضكم كامل نصيحة من عندي ليكم كي تتلاقاو متحكوش على الباك متقولوش انا حفظت كذا ونتا حفظت كذا ومن ومن هكاك راح يسببلك التوتر 🥀 كي تتلاقاو قصرو اضكو على امور خارج الدراسة هكا باش تكون مرتاح نفسيا ❤🫂
متنساوش يا عائلتي السعيدة تروحو تشوفو وين تجوزو وين حطولكم بلايصكم ياك هيا اول حاجا تديروها روحو شوفو وين تجوزو بعدهها يوصل وقت لامتحان تدخلو تشدو بلايصكم تقصرو معا صحابكم تكونو اجتماعين تكونو متفالين بزاف ❤ تكونو متضامنين 🫂❤ باش تأثرو ايجابيا على نفسيتكم 😁
بعدها يجو يفتحو عندكم المواضيع ❤ اول حاجا يحطولكم اوراق المحاولات واوراق لاجابة اتكادو يا عائلتي السعيدة ونزيد نوصيكم تتاكدو من لون الورقة و الون لي راح ملون بيه اسمك في الطاولة ❤ هكا خاطر اذا اختلفو لاوان الورقة لا تصحح 💔✅
بعدها يسلم لكم المواضيع يا عائلتي السعيدة وراح يكونو 2 مواضيع هذي باينة يا عائلتي السعيدة ❤ اول حاجا تديرها هيا تفصل الموضوع لاول على ثاني وتهز الموضوع لاول تشوفو بعينك برك تقراه هكا شفهيا برك يعني تتأمل فيه وهكا راح تكون بعثت لعقلك رسالة وبرمجتو انو عندك امتحان راح تجوزو وهذي الطريقة تساعدك بزاف باش عقلك يعطيلك افكار في محتوى هذاك الموضوع فقط وترتب افكارك ❤😁 وهذي هيا افضل حيلة هههه في االباكلوريا وطبقها معا جميع المواضيع ❤😁💪
وبعدها حاجا مهمة لازم تديرها هيا كلش او انا اعتبرها اليد الخفية لي راح تساعدك في الباك الحاجا هيا انك تدير 6 تنفسات عميقة بعدها تقول بسم لله بعدها تتوكل على ربي بعدها تقرا المعوذتين بعدها تقرا اية الكرسي بعدها تقرا دعاء لامتحان لي هوا 👈❤"ربي أدخلني مدخل صدق، وأخرجني مخرج صدق، واجعل لي من لدنك سلطانا نصيرا". "بسم الله توكلت على الله، ولا حول ولا قوة إلا بالله العلي العظيم، اللهم كنّ لي ولا تكن عليّ، ويسر لي أمري". "اللهم افتح بيننا وبين قومنا بالحق، وأنت خير الفاتحين"❤
عائلتي السعيدة الموضوع تاعكم خيروه بتمعن مليح وشوف نقاط القوة تاعك وينها ونقاط الضعف تاعك واختار الموضوع تاعك وقسم الوقت تاعك ❤ على الموضوع مليح كون ذكي التمرين الساهل باينة متحلش في ورقة المحاولة و التمرين لي يسحق محاولة اي باينة ❤
حاجا اخرا متسلمش الورقة تع لاجابة حتى تكون راضي عليها ❤ حتا تكون متاكد من اجابتك خاطر هذا هوا سر النجاح 🤝❤
وباينة الكتابة اكتب بخط واضح ربي يحفظكم الخط ثم الخط خاطر هوا لي راح تقابل بيه المصحح ❤ حتا تكون معلومة صحيحة وخط موش واضح سما كشغل ماجاوبتش ملا ركزو على الخط وراجعو الورقة تاعكم ❤ وكونو على امل النجاح انشاء لله ❤🤲 وففقكم لله يا عائلتي السعيدة ❤🤲
كونو على امال يا عاىلتي السعيدة على امل النجاح انشاء لله ❤🤲 ثيقو في نفووسكم ثيقو في الخالق وربي موش راح يضيع تعب حتى انسان ❤🤲
شاركو المنشور معا اصدقائكم ومعا جميع الناس لي عندهم باكالوريا ❤ وطاقو الناس في المنشور باش يوصل لاكبر عدد من الطلبة ❤ و الدال على الخير كفاعله❤ متنساوش كل يوم راه كاين ستوري شوفوه وتحفيزات في الصفحة 🕵️♂️
ادعونا معاكم عائلتي السعيدة واي استفسار مرحبا ❤
