Quelles sont les heures d'ouverture ?

Lundi 08:00 - 16:00 Mardi 08:00 - 16:00 Mercredi 08:00 - 16:00 Jeudi 08:00 - 16:00 Samedi 08:00 - 16:00 Dimanche 08:00 - 16:00

Quel est le site Web ?

https://www.facebook.com/107794538454161/

Cabinet Médical - Med Asma - العيادة الطبية

Page d'Accueil
Algérie
Tiaret
Cabinet Médical - Med Asma - العيادة الطبية

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Cabinet Médical - Med Asma - العيادة الطبية, Médecin, Tiaret.

Dr. Mokhtar | الدكتورة مختار
صحتك تهمّنا، ومعرفتُك أولويتنا.
نُقدّم محتوى طبي موثوق يُراعي الدقة والمصداقية.
📍 معلومات طبية • نصائح يومية • متابعة مستمرة لنمو طفلك وصحة أسرتك.
📩 راسلونا للاستشارات أو المواعيد

13/12/2025

حالة اليوم
ربي يثبت حملها

28/10/2025

🩷 قصة أخرى من الواقع...
حالة اليوم مريضة كانت واعية ومهتمة بصحتها، كل عام تدير فحص دوري خارج الولاية 👩🏻‍⚕️
عندها سوابق عائلية (أختها، خالتها، وبنت خالتها) 💔
للأسف، الفحص الأخير أكّد وجود سرطان الثدي...
لكن اكتشفته في مرحلة مبكرة بفضل متابعتها المستمرة ❤️
هذا هو الهدف من التوعية والفحص المبكر 👏
ما تستناوش الأعراض
إذا عندك سوابق في العائلة، راكي أكثر عرضة من غيرك — والفحص هو درعك الأول 💪

16/10/2025

جاتني سيدة عمرها في الثلاثينات أم لطفل حديث الولادة تشكي غير من حكة بسيطة في الثدي…
ما كان لا ألم، لا إفرازات، لا تغيّر في الشكل.
لكن للأسف، الإيكو بيّن ورم خبيث 💔

الحكاية هذي تخلينا نفهمو حاجة مهمة بزاف:
🔹 ماشي لازم تكون الأعراض خطيرة باش تروحي للطبيبة
🔹 الفحص المبكر يقدر ينقذ حياتك
🔹 الإيكو أو الماموغرافيا ما ياخذوش وقت، بصح يقدر يربحوك عمر

✨ ختي، ما تهمليش نفسك.
ما تستنايش حتى تولي الأعراض واضحة.

، تعلن عياد Méd Asma – د. مختار خيرة عن:
🔍 فحص سرطان الثدي بالإيكوغرافيا (الصدى) بسعر رمزي طيلة شهر أكتوبر

📌 العنوان: حي ديار الشمس، مقابل مديرية التربية – تيارت

📞 للحجز أو الاستفسار: 0698.78.97.58

🌐 موقعنا على Google maps:
https://maps.app.goo.gl/JB39QQVixsJxZikY6

= 🎀

13/10/2025

قولو لي أسكو عمركم تسألتو على دور الشّمع نتاع الأذن؟ 🤔
ماهوش وسخ كيما يظنّو الناس 😅 بالعكس، عندو مهام مهمّة بزاف:

- يحميك من البكتيريا والفطريات 🦠
يحتوي على مواد مضادة تمنع الالتهابات وتخلي الأذن بصحة.

- يرطّب قناة الأذن
يمنع الجفاف والحكة ويحافظ على راحة الأذن من الداخل 👂

- يشكّل حاجز طبيعي
يمنع دخول الأوساخ أو الأجسام الغريبة للأذن ديالك

ما تستعملش الأعواد القطنية (coton-tige) باش تنظّف الداخل ❌
لأنك هكدا راك تدفع الشمع لداخل الأذن، وهاد الشي يقدر يسبب انسداد أو التهاب!

خلي الأذن تنظف روحها بروحها
#الصحة

09/10/2025

أكتوبر شهر التوعية بسرطان الثدي

هذا الشهر كامل 💗 الناس، الدكاترة، والمنظمات يديرو حملات باش يوعّيو النساء بخطورة هاد المرض،
خاطر الكشف المبكر يقدر حرفيًا ينقذ حياة 👩‍⚕️✨

لكن السؤال اللي لازم كل امرأة تطرحو على روحها

واش هي العلامات اللي لازم تخليني نروح للطبيب بلا ما نتردد؟”

الناس بزاف تفكر بلي سرطان الثدي يجي غير على شكل "كتلة"
بصح الحقيقة لا! كاين علامات أخرى لازم ما تتجاهليها أبدًا:

🔹 تغيّر في شكل الجلد
يولي فيه تجاعيد أو ملمس كيما "قشرة البرتقال "

🔹 تورم أو ثخانة غريبة
حتى لو ما كانتش كتلة واضحة

🔹 تغير في شكل الحلمة
تولي داخلة للداخل أو فيها تشققات وتقشر

🔹 إفرازات غير طبيعية من الحلمة
خصوصًا إذا كانت شفافة أو فيها دم

🔹 احمرار أو سخانة في جلد الثدي
بلا سبب واضح

⚠️ هذو العلامات لازم يخلوك تروحي للطبيب بسرعة
ما تستنايش! الكشف المبكر هو المفتاح

📸 الكشف الطبي يكون عبر:
Échographie (الفحص بالصدى)
Mammographie (صورة الأشعة للثدي)
تحاليل طبية حسب تشخيص الطبيب

🎗️ واللي نكتشفوه بكري، نقدروا نعالجو بسهولة ونتفاداو الأسوأ 💪

🩷 عوامل تزيد من خطر الإصابة:
▪️ العمر فوق 40 سنة
▪️ قلة النشاط البدني
▪️ السمنة
▪️ الحمل بعد 30 سنة أو غياب الرضاعة الطبيعية
▪️ بعض العلاجات الهرمونية

08/10/2025

كي تطلع السخانة لولدك بعد اللقاح 💉، ما تقلقيش بزاف يا ماما ❤️
راه أمر طبيعي جداً، بالعكس معناها جسم الطفل راه يتفاعل مع اللقاح ويبني مناعة ضد الأمراض 👏

🔹 علاش تطلع السخانة بعد اللقاح؟
لأن اللقاح يحتوي على جزء ضعيف أو غير مضر من الميكروب، والجهاز المناعي يتعلم كيف يحاربو، وهنا ترتفع الحرارة كدفاع طبيعي 🦠💪

🔹 قدّاه تبقى السخانة؟
عادة ما تدومش أكثر من يومين إلى ثلاثة أيام، وتروح وحدها بإذن الله 🌤️

🔹 وش لازم تديري كي تطلع؟
✅ قيسي الحرارة بترمومتر (ما تعتمدوش على اللمس فقط).
✅ أعطي الطفل سوائل كافية — ماء، حليب، عصير طبيعي.
✅ خليه يلبس خفيف باش ما تزيدش الحرارة.
✅ إذا الحرارة فوق 38.5°C، ممكن تعطي خافض حرارة (باراسيتامول فقط) بعد استشارة الطبيب.
✅ ما تديريش كمّادات باردة بزاف، خليها فاترة فقط 🌡️

🔸 متى تروحي للطبيب؟
⚠️ إذا استمرت السخانة أكثر من 3 أيام.
⚠️ إذا كانت الحرارة عالية بزاف أو الطفل ما يشربش وما يتحركش كيما العادة.
⚠️ إذا كانت السخانة جاية مع طفح جلدي أو بكاء غير طبيعي.

📌 معلومة مهمة:
إذا الطفل ما طلعتلوش السخانة بعد اللقاح، ما يعنيش بلي اللقاح ما خدمش — كل طفل يختلف في التفاعل 🌸

شاركينا في التعليقات 👇
واش هي طريقتك كي يسخن ولدك بعد اللقاح؟
تحطي كمّادات؟ ولا تروحي مباشرة للطبيب؟

08/10/2025

سؤال لكل الأمهات:
كي تطلع السخانة لولدك بعد اللقاح 💉، واش أول حاجة تديريها؟ 🤔

هل تقلقي وتروحي للطبيب فورًا؟
ولا تستني وتشوفي كيفاش تكون الحالة؟

شاركونا تجاربكم ونصائحكم في التعليقات 👇
وفي المنشور الجاي نحكيو على الموضوع بالتفصيل

07/10/2025

تكملة للمنشور السابق ✨️

كاين بعض العلامات كي تبان أثناء التبول (أعزكم الله) لازم ما تتجاهلهاش، خصوصاً عند الرجال، لأنها ممكن تكون إنذار مبكر لمشاكل خطيرة في المسالك البولية أو حتى سرطان البروستات.
شوف معايا الأعراض اللي تستاهل الانتباه 👇

💧 صعوبة في التبول:
تحس بالبول يخرج بصعوبة أو لازم تدير مجهود باش يخرج. هذا غالباً بسبب تضخّم البروستات اللي تضغط على مجرى البول، وممكن يكون سببه التهاب أو ورم.

💧 تقطّع في تدفق البول:
يبدأ البول عادي وبعدها يتوقف فجأة ويرجع من جديد. بزاف ناس ما يعطوش أهمية لهاد العلامة، بصح ممكن تكون أول إشارة لمشكل في البروستات.

💧 ألم أو حرقان أثناء التبول:
إحساس بالحرق أو الوجع وقت التبول ممكن يكون بسبب التهاب، بصح إذا تكرر بزاف، لازم زيارة الطبيب، خاطر ممكن يكون التهاب مزمن أو مشكل أكبر.

💧 وجود دم في البول أو المني:
من أخطر العلامات. حتى نقطة دم وحدة ماشي عادية! لازم تروح فوراً للطبيب باش يدير الفحوصات اللازمة ويتأكد من السبب.

💧 تكرار التبول، خاصة بالليل:
كي تولي تقوم بزاف بالليل أو تحس دايماً بحاجة للتبول، ممكن تكون المثانة ما تفرغش مليح بسبب ضغط البروستات عليها.

🩺 نصيحة مهمة:
ماشي دايماً هاد الأعراض تعني سرطان، ممكن تكون تضخّم حميد أو التهاب بسيط، بصح التشخيص ما يكونش إلا بالكشف الطبي.
الرجال فوق 45 سنة لازم يديرو فحص البروستات مرة في العام على الأقل.

👨‍⚕️ صحتك ما تستناش، الكشف المبكر يقدر ينقذ حياتك.
#صحة

07/10/2025

كاين علامات إذا بانو أثناء التبول (أعزكم الله) 👀
يقدرو ينقذو حياتك… خصوصًا عند الرجال ⚠️
لأنها ممكن تكون إنذار مبكر لسرطان البروستات

وشنو هما هاذ العلامات؟ 🤔
وش لازم تدير كي تلاحظ وحدة منهم؟

📍شاركونا آرائكم في التعليقات وبعدها نحكيو بالتفصيل على هذا الموضوع المهم 👇
#الطب

06/10/2025

تكملة للمنشور السابق 👇

تخيّل جسمك كيما دار كبيرة...
القلب هو الروبيني 🚰 لي يضخّ الدم في كامل الجسم،
والدم يمشي في "الأنابيب" لي هما الشرايين.

🔵 كي تطلع لاطونسيو ⏫:
القلب يضخّ الدم بقوة كبيرة، والشرايين تتعرض لضغط كبير.
🔹 الأسباب: القلق، السمنة، كثرة الملح، قلة الحركة...
⚠️ الأخطار: الجلطة، السكتة القلبية، مشاكل الكلى والعينين.

✅ كيفاش تتعامل مع الضغط المرتفع:
• نقص الملح في الماكلة 🧂
• ابتعد على القلق والتدخين 🚭
• دير رياضة خفيفة بانتظام 🏃‍♂️
• راقب الضغط ديما

🔵 كي تهبط لاطونسيو ⏬:
القلب يضخّ الدم ببطء، والدم ما يوصلش مليح للرأس.
🔹 الأعراض: دوخة، تعب، ضباب فالعين، برودة، إغماء.

✅ كيفاش تتعامل مع الضغط المنخفض:
• أشرب الماء بكمية كافية 💧
• كل وجبات صغيرة ومنتظمة 🍽️
• ارتاح مليح وتفادى الوقوف المفاجئ
• إذا رجع يتكرر، روح للطبيب 🩺

💡 نصيحة:
صحتك مسؤوليتك ❤️
ما تستناش حتى تحس بالأعراض باش تولي تهتم، راقب ضغطك من وقت لآخر وتذكر، الوقاية خير من العلاج.

06/10/2025

👀 ديما نسمعو: فلان طلعتلو لاطونسيو ⏫
ولا فلانة هبطتلها لاطونسيو ⏬

بصح ما نعرفوش شا معنى هذا؟
شا هو الفرق بين الضغط المرتفع والضغط المنخفض؟ 🤔
و شا هوما الأسباب لي تخليه يطلع أو يهبط؟
شاركونا فتعليقات
هل سبق وصرالك موقف بسبب لاطونسيو؟ وكيف كانت الأعراض؟

📢 في المنشور الجاي نحكيو بالتفصيل وبطريقة مبسطة على هذا الموضوع المهم ❤️

05/10/2025

🎀 تكملة للمنشور السابق 🎀

كاين بزاف ناس مايعرفوش بلي سرطان الثدي ما يجيش للنساء فقط، حتى الرجال يقدرو يصابو به، بصح بنسبة أقل بزاف (أقل من 1٪ من الحالات).

علاش؟
لأن حتى الرجل عندو كمية صغيرة من نسيج الثدي، واللي تقدر – في بعض الحالات – تصرا فيها تغيرات خبيثة وتولي خلايا سرطانية.

📍الأسباب والعوامل اللي تزيد الخطر:

العامل الوراثي (إذا كاين مرض في العائلة).

اضطرابات في الهرمونات (زيادة هرمون الأستروجين).

السمنة.

التعرض المفرط للإشعاع.

أمراض في الكبد.

⚠️ الأعراض اللي لازم ينتبهلها الرجل:

وجود كتلة أو ورم صغير قريب من الحلمة.

تغيّر في شكل الحلمة أو خروج إفرازات منها.

تغيّر في لون أو جلد منطقة الثدي.

👨‍⚕️ نصيحتي:
أي تغيّر غير عادي في منطقة الصدر لازم يتشاف من طرف الطبيب بلا تأخير، لأن التشخيص المبكر ينقذ الحياة ❤️

Adresse

Tiaret
14000

Heures d'ouverture

Lundi	08:00 - 16:00
Mardi	08:00 - 16:00
Mercredi	08:00 - 16:00
Jeudi	08:00 - 16:00
Samedi	08:00 - 16:00
Dimanche	08:00 - 16:00

Téléphone

+213698789758

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Cabinet Médical - Med Asma - العيادة الطبية publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.