المستشار النفسي صفا مصطفى

25/08/2026

انا عايش وسط ناس ما بتصليش بس بيحتفلوا بمولد النبي
انا عايش وسط ناس بيبيعوا مخدرات بس بيحتفلوا بمولد النبي ..
انا اعيش وسط ناس بيسبوا الدين بس بيحتفلوا بمولد النبي
انا عايش وسط ناس بتصطبح وتنام على الحسد والنميمة بس بيحتفلوا بمولد النبي ..
انا عايش على ناس بتتعامل مع الرشوة على انها حق من الحقوق الشرعية وبيحتفلوا بمولد النبي ..
وعلى فكرة ما فيش حاجه تؤكد ان النبي اتولد في اليوم ده فعلا .. هو في الاغلب ظن ..
بس على أي حال اهو مولد النبي خلص ... ارجعوا بقى للي انتم كنتم بتعملوه .
إن الله طيب .. و لا يقبل الا الطيب .

24/08/2026

16/08/2026

أسرع طريق لقلب الراجل غير الأكل: سحر المدح والتقدير

لو الستات بيميلوا للكلام الرومانسي المباشر، فالراجل مفتاحه مختلف تماماً؛ الراجل بيتحرك بـ المدح المرتبط بأفعاله وإنجازه.

المدح هنا مش مجرد كلام حلو وخلاص، ده ثناء على المجهود اللي بيعمله، حتى لو:

لسه مبيعرفش يتقنه كويس وعكّ فيه.

أول مرة يجرب يعمله.

إنتي بتعرفي تعمليه أحسن منه بمراحل.

التفسير النفسي اللي ورا ده:

دماغ الراجل بتتغذى على هرمون الدوبامين المرتبط بالإنجاز والمكافأة.
يعني أبسط مثال: لو شال كيسين من السوبر ماركت، بيبقى جواه سؤال لا إرادي: "هل مجهودي ده ليه قيمة واتشاف، ولا ملوش أي لزمة؟"

لما بتمدحي المجهود ده، بيحصل عنده ما يُسمى في علم النفس بـ التعزيز الإيجابي الشرطي (Positive Reinforcement)؛ فإحساسه بالرجولة والإنجاز بيرتبط بيكي إنتي، لأنك المصدر اللي بيشوفه ويقدّره.

طب إيه اللي بيحصل لو مجهوده اتاخد كأمر مسلّم بيه وعادي؟

بيبدأ يدور على التقدير في مكان تاني (مع أصحابه أو في شغله).

أو بينعزل ويبطل يبذل أي مجهود في البيت، وساعتها تبدأ دوامة "اطلب منه وميعملش".

الأمان العاطفي عند الراجل:
المدح مش هيخليه يتعالى عليكي، المدح بالنسبة للراجل هو المعادل الحقيقي للكلام العاطفي عند الست، وهو اللي بيبني عنده الأمان العاطفي والشغف إنه يفضل يقدم ويسند دايمًا.

15/08/2026

👏👏👏

13/08/2026

🔴 يعني إيه تحتوي الست؟ وليه معظم الرجالة فاهمين الاحتواء غلط؟

الاحتواء مش إنك تراضيها على طول، ولا توافقها في كل حاجة، ولا تعمل أي حاجة عشان متزعلش؛ ده خوف من زعلها مش احتواء.

الاحتواء إنك تفهم حالتها الأول وتعرف هي محتاجة إيه: تسمعها، تطمنها، تحضنها، تساعدها في حل، أو تديها مساحة. لو زعلانة، اسمع قبل ما تدافع عن نفسك، ولو غلطان اعتذر، ولو مش غلطان متعتذرش لمجرد إن الخناقة تخلص. ولو بتعيط، متحاولش تثبت إن مشاعرها مبالغ فيها؛ افهمها الأول وبعد ما تهدى اتكلم في الموضوع.

ولو متعصبة، الاحتواء مش إنك تستحمل الإهانة أو تعلي صوتك، لكن إنك توقف التصعيد وتقول: "نتكلم لما نهدى"، وترجع فعلًا تتكلم. ولو ساكتة، افهم هل محتاجة مساحة ولا بتستخدم السكات كعقاب؛ لأن الاتنين مش واحد.

ولو هي غلطانة، قول إن التصرف غلط من غير ما تهاجم شخصيتها. والاعتذار مش بيقلل من الراجل؛ اللي بيقلل منه إنه يعرف إنه غلطان ويكابر. وكمان متتحولش لمدير لمشاعرها؛ طمّنها وساعدها، لكن لو نفس الخوف والشك والاحتياج للطمأنة بيتكرر، يبقى لازم يتعالج السبب مش تفضل تطمنها للأبد.

الاحتواء الحقيقي محتاج راجل ثابت: يسمع بوعي ، يعتذر من غير ما يحس إنه اتهان، يطمن من غير ما يبقى تابع، ويحط حدود من غير ما يتحول لعدواني. يعني يعرف يقول: "أنا فاهم إنتي حاسة بإيه، بس اللي حصل ده مينفعش."

الاحتواء مش ضعف، ومش معناه إنك تلغي شخصيتك عشان تحافظ على هدوء العلاقة؛ بالعكس، هو إنك تفهمها من غير ما تفقد نفسك، وتحترم مشاعرها من غير ما توافق على الغلط.

الكلام ده للمتجوزين أو المخطوبين، لكن جو الارتباط والتعارف مش هياكل معاكم .

12/08/2026

11/08/2026

اصحى وفووق قبل فوات الاوان

10/08/2026

الاكل والافكار

07/08/2026

الأحياء الموتي