Psy/samya elmohamady

Directions Website

Psy/samya elmohamady إستشاري الصحه النفسيه والعلاقات الأسريه
وعلاج الادمان [رجال_سيدات ]
طرق التواصل وحجز الإستشارات النفسية 👇
https://linktr.ee/Psy_samyaelmohamady

09/08/2026

المخدرات بتسيطر على خلايا الدماغ وبتخليك تفقد السيطرة على قراراتك لكن بإيدك توقفها

بإيدك تختار تاخد القرار 💪🏻

#الادمان #المخدرات #توعية #قادر

اليوم أقف وأنا أحمل سنوات من التعب، والسهر، والقلق، والدعاء، والمحاولات التي لم يرها أحد، ولحظات ظننت فيها أن الطريق أصع...
30/06/2026

اليوم أقف وأنا
أحمل سنوات من التعب، والسهر، والقلق، والدعاء، والمحاولات التي لم يرها أحد، ولحظات ظننت فيها أن الطريق أصعب من أن يُكمل، لكن فضل الله كان أكبر من كل الصعوبات.

الحمد لله الذي بنعمته تتم الصالحات، تمّت مناقشة رسالتي بعنوان
"نمذجة العلاقات السببية بين صدمات الطفوله وبعض سمات إضطراب الشخصية الحدية والأجواء العاطفيه الأسرية لدي عينة من مدمني بعض المواد المؤثرة في الاعصاب"
ومنحي درجة الماجستير في علم النفس الإكلينيكي

وأسأل الله أن يجعل هذا العلم نافعًا، وأن يبارك لي في كل خطوة قادمة.

كل الشكر والتقدير لكل من دعمني بكلمة، أو بدعوة صادقة، أو بموقف لن أنساه. وجودكم كان سندًا حقيقيًا في هذه الرحلة.

وهذه ليست النهاية... بل بداية مرحلة جديدة أسأل الله أن تكون مليئة بالنجاح والعطاء، وأن أستطيع أن أقدم علمًا ينفع الناس ويترك أثرًا طيبًا.

الحمد لله دائمًا وأبدًا. 🤍🎓

01/06/2026

الفشل هو فرصة جديدة لكي تبدأ من جديد؛لكن هذه المرة بذكاء أكبر.
Failure is a new opportunity to start again — but this time, with greater wisdom.

13/05/2026

الإنسان الناجح دائما عنده خطة بديلة ..
الإنسان الفاشل دائما عنده اعذار ومبررات ..
النجاح قرار والفشل اختيار..


✍️ازاي تعرف مدمن الشابو بسهوله :-اشهر علامه الصحيان بالتلت و اربع ايام و النوم يوم او يومين كاملين-هتلاقي معاه بايب ازاز...
02/04/2026

✍️ازاي تعرف مدمن الشابو بسهوله :
-اشهر علامه الصحيان بالتلت و اربع ايام و النوم يوم او يومين كاملين
-هتلاقي معاه بايب ازاز او شيشه ازاز صغيره
-هتلاقي اكياس بلاستك صغيره شفافه دي الي بيتباع فيها الايس اكياس ٣ سم و بتتقفل من فوق كده
-هتلاقي جسمه ظاهر عليه طفح جلدي في مناطق كتير من جسمه
-هتلاقيه مبرق و هو بيتكلم
-هتلاقي صوابعه دايما اطرافها متاكله او في تقشير في الجلد
-هتلاقي شفايفه دايما ناشفه و مقشفه
-هتلاقي في تأكل في سنانه
-هتلاقي في اوضته دايما كم هائل من الولاعات
-هتلاقي الولاعات مفككه ديما من فوق و سايحه
-هتلاقي شفاطات كتير ديما
-هتلاقيه ديما قافل علي نفسه اوضته و عمال تسمع تكتكت الولاعات
-هايقولك في ناس مرقباه و ناس عايزه تتخانق معاه
-بيشك في اهل بيته الستات
-اخواته عايزين ياكلوه و ياكلو ورثه
-معموله عمل او سحر
-انه ولي من اولياء الله الصالحين
-بيشك ان في حاجه ديما محطوطه في الاكل او الشرب
-الكارثه بقا انه بقا يتاخد عن طريق الفيب و الشيش الالكترونيه
-المصيبه السوده ان في ناس بتحقنه مع القطره الميدرابيد و الميدراسيل
مش هقولكو انه ماده كاويه و لو مسكته بأيدك بياكل جلد صوابعك
هقولك ان اللي بيعمل كده الله يرحمه خلاص

العلامات دي بتظهر تدريجي مش مره واحده بس زي ما قولت اشهر علامه هي الصحيان ٣ او ٤ ايام
و دي بتدمر المخ و الجهاز العصبي فا بناء عليه بيبتدي يتخيل حاجات مش حقيقه
زي خيانه مراته او الشك في سلوك امه و اخواته البنات
و بتحصل جرايم قتل كتير بسبب الحوار ده و حصلت فعلا

رجاءا لو بتشرب ايس اعرف انك هتوصل للمرحله دي اجلا ام عاجلا كلمني و هنلاقي حل
و لو تعرف حد بيشرب ايس كلمني عشان نشوف هنساعده ازاي
مخدر نهايه العالم لقب اكتسبه مش من فراغ
اللي بيشربه بيتجنن و بيرتكب جرايم قد كده و مفيش حد بيسلم منه
حتي لو بتشرب نفسك و شايف نفسك طبيعي اسئل القريبين منك هتلاقيهم شايفينك متغير و بتتصرف تصرفات صعبه



لا يوجد تهنئة أغلى ولا أحلى ولا أعز من تهنئة رسول الله صلى الله عليه وسلم .أهنئكم بها وأهديكم إياها. *.(عَنْ أَبِي هُرَ...
18/02/2026

لا يوجد تهنئة أغلى ولا أحلى ولا أعز من تهنئة رسول الله صلى الله عليه وسلم .
أهنئكم بها وأهديكم إياها.

*.(عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
أَتَاكُمْ رَمَضَانُ شَهْرٌ مُبَارَكٌ، فَرَضَ اللَّهُ عَزَّ وَجَلَّ عَلَيْكُمْ صِيَامَهُ، تُفْتَحُ فِيهِ أَبْوَابُ السَّمَاءِ، وَتُغْلَقُ فِيهِ أَبْوَابُ الْجَحِيمِ، وَتُغَلُّ فِيهِ مَرَدَةُ الشَّيَاطِينِ، لِلَّهِ فِيهِ لَيْلَةٌ خَيْرٌ مِنْ أَلْفِ شَهْرٍ مَنْ حُرِمَ خَيْرَهَا فَقَدْ حُرِمَ)

الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ،،
مُبارٓكٌ علٓيْكُمْ شّٓهرُ رٓمٓضٓان


02/12/2025

🔹 الطلاق… حل أخير مش أول خطوة! 🔹
الانفصال مش مجرد ورق بينتهي… ده زلزال بيهز حياة الطرفين خصوصًا لو في أطفال.

🧠 أهم الأضرار اللي لازم نفكر فيها كويس قبل القرار:

اضطرابات نفسية زي القلق والاكتئاب للطرفين

انعدام الإحساس بالأمان عند الأطفال

مشاكل سلوكية وتراجع دراسي للأطفال بسبب فقدان الاستقرار

صعوبة بناء علاقات جديدة بسبب فقدان الثقة

شعور دائم بالوحدة والندم في بعض الحالات

ضغوط مالية وزيادة الأعباء على الطرف الحاضن

💬 الطلاق مش دايمًا شر… لكنه محتاج وعي وتخطيط ودعم نفسي
وأحيانًا جلسة واحدة مع مختص ممكن تغيّر شكل العلاقة وتمنع انهيار أسرة كاملة.

📌 للاستشارة والدعم النفسي قبل اتخاذ القرار
مع د/سامية المحمدي تواصل معنا .

عايز ترجع لحياتك؟ ولا تفضل عايش في دائرة الألم؟الإدمان مش ضعف…الإدمان صرخة محتاج حد يسمعها ويعالج أصلها.في مصحتنا بنقدم ...
14/11/2025

عايز ترجع لحياتك؟ ولا تفضل عايش في دائرة الألم؟
الإدمان مش ضعف…
الإدمان صرخة محتاج حد يسمعها ويعالج أصلها.

في مصحتنا بنقدم برنامج علاجي متكامل:
✔ علاج طبي آمن لسحب السموم
✔ برنامج نفسي متخصص لعلاج الصدمات والأسباب الحقيقية للإدمان
✔ متابعة فردية وجماعية تمنع الانتكاسة
✔ خطط تأهيل سلوكي وحياتي بعد التعافي
✔ خصوصية تامة – واحترام كامل – وبيئة آمنة

إحنا مش مجرد مكان للعلاج…
إحنا بداية جديدة.
بداية ترجع فيها تكون إنسان قادر… وواقف على رجليه… ومتصالح مع نفسه قبل الدنيا.

لو أنت أو حد بتحبه محتاج فرصة تانية…
اطلب المساعدة الآن – قبل ما اللحظة اللي جايّة تبقى أثقل من إنك تشيلها.

للاستشارات والدعم:
📞 01200386222
مع

مهما عملت مش هتعرف تغير من طبع إنسان سام ، حتى لو قدمت من الود والحب أطنان ، هتضيع وقت وطاقة بدون نتيجة ، أو هيعاملك كوي...
04/11/2025

مهما عملت مش هتعرف تغير من طبع إنسان سام ، حتى لو قدمت من الود والحب أطنان ، هتضيع وقت وطاقة بدون نتيجة ، أو هيعاملك كويس مؤقتًا ، وفجأة هيلدغك بدون مقدمات ، وهتسأل نفسك أنا عملت إيه عشان يعمل معايا كده ، أنا حاولت وقدمت كل حاجة ، ليه يعمل معايا كده ؟
والاجابة أنت معملتش حاجة ، هو اللي طبعه مش بيتأثر بالعطاء ولا بالحب ولا بالمواقف الحلوة ، ولا بيعرف يصون الود ، كائن سام بلا مشاعر اساسا ؟
" في جملة بتقول " إطعام الأفعى العسل ، لن يغير من طبيعتها المسمومة

22/10/2025

ليه عقلك فاكر الكلمة اللي وجعتك من تلاتين سنة،
بس ناسي الكلام الحلو اللي سمعته الأسبوع اللي فات؟

لأن مخك “Wired” — يعني مبرمج — على إنه يحميك مش يسعدك.
شغلته الأساسية البقاء مش الراحة.
فعشان يحافظ عليك، بيخزّن الألم والخطر،
وبيطنّش الحاجات المريحة… لأنها مش بتهدده.

وده اسمه التحيّز المعرفي السلبي – Negative Bias.
يعني عندك جهاز إنذار شغّال طول الوقت، حتى لو مفيش حريق.

بس الخبر الكويس
انك تقدر تدرب عقلك يشتغل بطريقة تانية.
مش تمسح الماضي… لكن تعيد برمجته.
وده يحصل بخطوات بسيطة وواضحة:
1. اكتب كل كلمة حلوة بتتقالك.
لما تكتبها، مخك بيعتبرها “معلومة مهمة” وبيخزنها في نفس المكان اللي كان بيخزن فيه التحذيرات.
2. اقراها تاني كل يوم لمدة 30 ثانية.
التكرار هو اللي بيعمل الـ Rewiring — يعني يعيد توصيل الدواير العصبية.
3. فعّل العصب الحائر.
خد نفس عميق من بطنك، وطلّعه ببطء.
اعمل دا 3 مرات… دا بيبعث إشارة للمخ إنك في أمان، مش في خطر.
4. درّب نفسك تلاحظ الجمال الصغير.
صوت عصفورة، كلمة حلوة، كوباية قهوة مظبوطة.
كل لحظة وعي بالجمال بتبني شبكة عصبية جديدة للسعادة.
5. امتن قبل ما تنام.
عدّد 3 حاجات حصلت النهارده تستحق الشكر — حتى لو بسيطة.
الامتنان بيغيّر الكيمياء العصبية وبيهدّي نظام التوتر.

الهدف مش إنك تنسى الألم…
الهدف إنك تبطّل تعيش فيه.

العقل هو نفس الأداة اللي وجعتك…
بس هو كمان مفتاح شفاك.

الدوائر العصبية اللي اتكوّنت من الخوف ممكن تعيد تشكيلها بالأمان،
والكلمات اللي جرحتك زمان… ممكن دلوقتي تبقى دليل على قوتك مش ضعفك.

مخك اتعلم يحميك من الألم،
ودورك دلوقتي تعلّمه إزاي يعيش في سلام.

لأنك مش آلة نجاة…
إنت إنسان،
ولك كل الحق إنك تكون آمن، ومتطمن، وسعيد

Address

6 October City
6 October City

Website

Alerts

Be the first to know and let us send you an email when Psy/samya elmohamady posts news and promotions. Your email address will not be used for any other purpose, and you can unsubscribe at any time.

Shortcuts

Share

Category