Dr. Sara Aziz

Dr. Sara Aziz ‏د.سارة عزيز محمد
استشاري العلاج الطبيعي والتغذية العلاجية معتمد بالاتحاد الدولي للسمنة بإنجلترا

28/08/2026

مش كل حاجة بنشوفها على السوشيال ميديا هي الحقيقة كاملة.
ممكن تشوف حد خَس في وقت قصير، وتبدأ تسأل نفسك: «أنا ليه مش بوصل لنفس النتيجة؟»
بس إنت مش عارف هو عمل إيه عشان يوصل لها.

متقارنش رحلتك برحلة حد تاني… ركّز على اللي يناسب جسمك وحياتك. 🤍

24/08/2026

في البودكاست اتكلمنا عن مفهوم الـ Longevity وإن الهدف مش مجرد إننا نعيش سنين أكتر لكن إننا نعيشها بصحة وقوة وجودة حياة أفضل

هل أنتم أصلًا متفقين مع مفهوم الـ Longevity ولا ضده؟ وهل العمر الأطول فعلًا ميزة حتي لو ماكانش مصحوب بصحة جيدة؟

22/08/2026

كستات، احتياجات جسمنا مش بتفضل ثابتة طول الشهر.

يعني مش منطقي إننا نتعامل مع أكلنا بنفس الطريقة كل أسبوع، لأن الهرمونات بتتغير، ومعاها ممكن تتغير الشهية، الطاقة، والمزاج وحتى احتياجات الجسم.

عشان كده أنا دايمًا بحب إننا نسمع جسمنا ونفهم هو محتاج إيه في كل مرحلة، بدل ما نمشي على نفس النظام ونلوم نفسنا لما نحس إن جسمنا اتغير.

الأكل الصح مش نظام ثابت طول الشهر… الأهم إنه يكون مناسب لجسمك واحتياجاتك.
د.ساره عزيز محمد
استشاري العلاج الطبيعي والتغذية العلاجية والسمنه

20/08/2026

حلوي سريعة وصحية ومن غير تعقيد 🥭🤍

رول المانجو ببسكويت التيراميسو والزبادي
طعم منعش وحلو ينفع سناك أو تحلية خفيفة

مين هيجربها؟ 😍

18/08/2026

خلونا نشوف الحاجات دي تاخد كام من ١٠ من وجهة نظري كـ Nutritionist

في حاجات هتاخد الدرجة كاملة… وحاجات ممكن تستغربوا إني مش هديها الدرجة اللي متوقعينها 😅

إنتوا قبل ما تشوفوا الفيديو… كل حاجة فيهم هتدوها كام؟

15/08/2026

الكلام ده ماكانش متحضّر له… والحقيقة إني ماكنتش واخدة بالي أصلًا إنه بيتصوّر 😅
كانت مجرد دردشة عفوية بين التصوير… بس لما شفتها حسيت إن الكلام ده لازم يتقال.

الـ Retatrutide لحد دلوقتي ما نزلش رسميًا كدواء معتمد، ولسه تحت الدراسة.

فأي منتج بيتباع حاليًا على إنه «ريتا الأصلي» أو Retatrutide معتمد… لازم نسأل: أصلي منين، طالما الدواء نفسه لسه ما اتطرحش رسميًا؟

وكون إن حد أخده وخس عليه أو قال: «أنا جربته ومحصلّيش حاجة»، ده مش دليل على الأمان.

لأن المشكلة مش بس: خسيت كام كيلو؟
المشكلة الأهم: إنت حقنت إيه في جسمك؟

هل فعلًا المادة Retatrutide؟
التركيز كام؟ النقاء؟ التعقيم؟ التخزين؟ والمصدر إيه؟

ومع منتج مجهول المصدر والتركيب، محدش يقدر يضمن تأثيره أو أمانه، أو يتنبأ بأضراره على الجسم.

والأهم…
ماينفعش نحقن دواء مجهول المصدر لمجرد إنه موجود في عيادة أو حد قال لنا إنه مضمون.

💉 الدواء الموثوق له اسم وترخيص ومصدر وسلسلة توريد واضحة، ومكان صرف الدواء المعتمد هو الصيدلية المرخصة، مع استخدامه تحت الإشراف الطبي المناسب.

أنا مع التطور ومع أدوية السمنة الحديثة جدًا لما تُستخدم صح…
لكن مش مع إننا نسبق العلم ونحوّل أجسام الناس لتجربة.

مش كل حاجة بتخسسك تبقى آمنة… ومش كل حقنة موجودة تبقى دواء.
د.ساره عزيز محمد
استشاري العلاج الطبيعي والتغذيه العلاجيه والسمنه

12/08/2026

5 حاجات أنا كدكتورة تغذية… مستحيل أختار آكلهم بإرادتي 🚫

مش لأن فيه أكل «ممنوع» وأكل «مسموح»…
لكن لأن فيه حاجات ضررها المحتمل أكبر بكتير من أي فايدة ممكن آخدها منها.

1️⃣ الزيوت المهدرجة جزئيًا والدهون المتحولة الصناعية
لأنها من أسوأ أنواع الدهون لصحة القلب والشرايين؛ بترفع الـ LDL وبتأثر سلبًا على دهون الدم، ومفيش منها فايدة صحية تخليني أختارها.

2️⃣ اللحوم المصنّعة بشكل متكرر
زي اللانشون والسوسيس والهوت دوج والسلامي.
ودي مش مجرد وجهة نظر؛ الـ IARC صنّفت اللحوم المصنّعة كمسرطنة للإنسان، وأقوى دليل موجود على ارتباطها بزيادة خطر سرطان القولون والمستقيم.

3️⃣ المشروبات الغازية السكرية ومشروبات الطاقة
كمية سكر كبيرة وسريعة من غير شبع حقيقي، ومشروبات الطاقة ممكن كمان تحتوي على جرعات عالية من الكافيين والمنبهات، فتأثر على ضربات القلب وضغط الدم عند بعض الأشخاص.

4️⃣ اللحمة المحروقة والمتفحمة 🔥
مش معنى كده إن الشوي ممنوع… المشكلة لما اللحمة توصل للسواد والتفحم. الطهي في درجات حرارة عالية جدًا والتعرض المباشر للهب ممكن يكوّن مركبات زي HCAs وPAHs، وهي مركبات لها خصائص مطفِّرة ومحل اهتمام فيما يتعلق بخطر السرطان.

5️⃣ والأخطر بالنسبة لي… أي دواء أو حقنة أو منتج تخسيس مجهول المصدر.
مهما حد قال لي «الناس كلها خست عليه» أو «مضمون ومجرب»… أنا مش هحط في جسمي مادة مش عارفة مصدرها وتركيزها ومكوناتها الحقيقية.

10/08/2026

خلونا نشوف… لو قدامي اختيارين، كـ Nutritionist هختار إيه؟ 👀

في حاجات الاختيار فيها بيكون واضح، وحاجات تانية الموضوع بيعتمد على الكمية وطريقة التحضير.

شوفوا اختياراتي في الفيديو، وقولولي إنتوا كنتوا هتختاروا إيه؟
د. ساره عزيز محمد
استشاري العلاج الطبيعي والتغذيه العلاجيه والسمنه

06/08/2026

🍞 عيش الحبة الكاملة صحي… بس مش لأنه أقل في السعرات!

ناس كتير فاكرة إن عيش الحبة الكاملة = سعرات أقل ❌
لكن الحقيقة إن سعراته ممكن تكون قريبة جدًا من العيش العادي، وأحيانًا أعلى حسب النوع والمكونات.

الفرق الحقيقي؟ 👇
🌾 ألياف أكتر
⏳ هضم أبطأ
😋 شبع لفترة أطول
📉 وغالبًا تأثير أفضل على سكر الدم مقارنة بالخبز المصنوع من الدقيق المكرر.

لكن المشكلة إن مش كل عيش لونه بني أو مكتوب عليه Whole Grain يبقى فعلًا حبة كاملة!

🔍 إزاي تختار الصح؟
الأدق دائمًا إنك تقرأ المكونات وتدور على 100% whole wheat / whole grain ويكون دقيق الحبة الكاملة من أول المكونات.

أما القوام والشكل فيقدروا يدّوك مؤشر مش اختبار مؤكد:
العيش الحقيقي بالحبة الكاملة غالبًا بيكون أكثف وأتقل شوية في المضغ والبلع، ولما تفتته تلاقيه بيفرول ويتفتت أكتر، بينما العيش المعتمد على الدقيق الأبيض غالبًا بيكون أنعم ويميل إنه يعجن ويلزق أكتر مع المياه.

⚠️ اللون البني لوحده مش دليل… لأن اللون ممكن يتغير بإضافات من غير ما يكون الخبز فعلًا حبة كاملة.

الخلاصة:
ما تختارش عيش الحبة الكاملة علشان “سعراته أقل”… اختاره علشان جودة الكربوهيدرات والألياف والشبع الأفضل. 🌾

د.ساره عزيز محمد
استشاري العلاج الطبيعي والتغذيه العلاجيه والسمنه

30/07/2026

المشاركة في المؤتمرات العلمية ليست مجرد إلقاء محاضرة، بل مسؤولية لنقل المعرفة ومناقشة أحدث ما وصل إليه العلم مع نخبة من الخبراء.

سعدت بتقديم محاضرتي في مؤتمر ESNO برئاسة Prof. Samer Hamdoon، ومشاركة خبراتنا ورؤيتنا حول التكامل بين العلاج الطبيعي والتغذية المبنية على الدليل العلمي.
كل الشكر والتقدير للأستاذ الدكتور Samer Hamdoon على الدعوة الكريمة، وحسن الاستضافة والتنظيم، وعلى هذا المؤتمر العلمي المتميز.

Address

Ritzy Plaza , El Shabab Street, Behind Saudi Market , Al Sheikh Zayed City, 6 October City
6 October City
12588

Opening Hours

Monday 12pm - 9pm
Tuesday 12pm - 9pm
Wednesday 12pm - 9pm
Thursday 12pm - 9pm
Sunday 12pm - 9pm

Telephone

+201069072910

Website

Alerts

Be the first to know and let us send you an email when Dr. Sara Aziz posts news and promotions. Your email address will not be used for any other purpose, and you can unsubscribe at any time.

Shortcuts

Share