مركز آي كير للعلاج الطبيعي دكتور احمد عليبه "I care centre"

  • Home
  • Egypt
  • 6 October City
  • مركز آي كير للعلاج الطبيعي دكتور احمد عليبه "I care centre"

مركز آي كير للعلاج الطبيعي دكتور احمد عليبه "I care centre" مركز “I care”للعلاج الطبيعي المكثف للاطفال ذوي الاحتياجات الخاصه والشلل الدماغي للاطفال - الدكتور احمد عليبه & دكتوره سمر زهير

15/07/2026

أنا هازعل منك ومش هكلمك!" 💔🙅‍♀️🙅‍♂️

​كتير مننا بيستخدم الخصام مع الطفل على إنه وسيلة للتربية 😔🚫، لكن هل فعلًا بيساعد؟ 🤔💭

​لما الطفل يحس إن حب أهله واهتمامهم بيتوقف لمجرد إنه غلط 😢، ممكن يتعلم إن الحب مشروط ❌❤️، وإن الغلط معناه الرفض التام والبعد 😰.

​وده للأسف ممكن يخليه:
🔹 يخاف يغلط: بدل ما يتعلم من غلطه ويكتشف 🏃‍♂️🔍.
🔹 يكذب: عشان يتجنب الخصام والرفض بأي طريقة 🤫🤥.
🔹 يحس بعدم الأمان: وتتهز ثقته في أقوى علاقة في حياته (علاقته بوالديه) 💔🏚️.

​التربية مش معناها إننا نوافق على السلوك الغلط ❌🛑، لكن معناها نفصل تماماً بين "رفض السلوك" و"قبول وحب الطفل" 🤗💖.
​🌱 البديل التربوي:
بدل ما نقول: "أنا مش هكلمك تاني." 🤐🗣️
ممكن نقول: "أنا زعلان من السلوك اللي حصل 😔، ولما نهدى خالص هنتكلم مع بعض ونشوف هنحل المشكلة دي إزاي." 👋🗣️✨
​الطفل محتاج دايماً يشعر إن أهله هما ملجأه الآمن وحصنه المنيع 🏡🛡️.. حتى وهو بيغلط 🫂❤️.
ولو عايزه تعرفى اكتر احنا معاكى

05/07/2026

طفلك بيبقى هادي مع الغرباء؟🫣
خجل طبيعي ولا حاجة تانية؟🤔🤔🤔

​كتير من الأمهات بيمروا بالحيرة دي 🎯، وعشان كده مهم جداً نعرف الفرق ونطمن:

​😊 الخجل الطبيعي (مرحلة وتعدي):
✔️ بيندمج مع الناس بعد شوية وقت ⏳
✔️ بيبص في عينك وبيتواصل معاكي حتى وهو ساكت 👀
✔️ بيحب يلعب مع الأطفال بس محتاج وقت للألفة 🧸
✔️ بيتطور ويتحسن مع التكرار (المدرسة، النادي، التجمعات) 🏫🚀

​😔 الانطواء أو الصعوبات الاجتماعية (محتاجة تركيز):
❌ صعوبة مستمرة في التواصل بالعين حتى مع الوقت 🫣
❌ مش بيحاول يتفاعل أو يقرب، حتى لو الموقف اتكرر كتير
❌ بيفضل دايماً يلعب لوحده وبيتجنب الأطفال التانيين 🧩
❌ مبيتحسنش بالتكرار، وأحياناً بيكون مترافق مع تأخر لغوي أو كلامي 🗣️📉

​💡 ليه الفرق ده مهم؟
الخجل سلوك طبيعي وبيمر مع النمو 🌱، لكن الصعوبات الاجتماعية أو الانطواء الشديد ممكن تكون علامة مبكرة لمشكلة محتاجة تدخل ودعم بدري، عشان نساعد الطفل يندمج صح ونطور مهاراته 🤝✨
​مش قادرة تفرقي ومحتارة؟ طبيعي جداً.. إحنا هنا عشان نساعدك 👣
للحجز والتواصل ابعتولنا على رسائل الصفحة أو على واتساب
010 80049789

29/06/2026

🚨 علامات لو لاحظتيها على طفلك.. يبقى محتاج تقييم من متخصص 👩‍⚕️🧩

​كأم، إحساسك دايماً دليلك، وعشان تطمني على تطور طفلك وصحته النفسية والسلوكية، دي علامات إنذار مبكر محتاجة منك تركيز: 👀👇

​💬 في الكلام واللغة:
🗣️ تأخر في الكلام أو فقد مفاجئ لكلمات كان بيقولها قبل كده.
👂 لا ينفذ تعليمات بسيطة مناسبة لسنه.

​🤝 في التواصل والتفاعل الاجتماعي:
👋 لا يستجيب لاسمه باستمرار.
👀 لا ينظر في عين من يتحدث معه لفترات كافية (غياب التواصل البصري).
🧸 لا يلعب مع الأطفال أو يفضل اللعب وحده دائمًا.

​🔄 في السلوك والحركة:
🏃‍♂️ يكرر نفس الحركات (زي الهز أو الرفرفة) أو نفس الكلمات بشكل ملحوظ.
😤 نوبات غضب شديدة ومتكررة يصعب تهدئتها وبدون سبب واضح.
🧠 يواجه صعوبة واضحة في التعلم أو التركيز مقارنة بأقرانه.

​⚠️ ملحوظة مهمة جداً:
وجود علامة واحدة مش معناه بالضرورة وجود مشكلة كبيرة، لكن استمرارها أو تجمع أكتر من علامة سوا، هو الإشارة اللي بتقولنا "يلا نستشير متخصص". 🔍💡

ولو محتاجة تعرفى اكتر احنا معاكى

26/06/2026

👂💬 هو طفلك بيسمع... لكن هل بيفهم؟ 🤔

كتير من الأهالي بيفتكروا إن الطفل طالما بيسمع الكلام 👂 يبقى مفيش مشكلة

لكن الحقيقة إن اللغة الاستقبالية هي قدرة الطفل على فهم الكلام 🧠، مش مجرد سماعه.
لو طفلك:

🟢 لما تقولي له: "هات الجزمة وحطها جنب الباب" 👟🚪 ينفذ جزء من المطلوب أو يتلخبط.
🟢 يسألك كتير: "ها؟" أو "يعني إيه؟" ❓
🟢 يواجه صعوبة في فهم القصص 📖 أو التعليمات الطويلة.
🟢 ميقدرش ينفذ تعليمات فيها أكتر من خطوة 📝.

فممكن يكون محتاج دعم في اللغة الاستقبالية.
✨ ليه هي مهمة؟
لأنها أساس:
✅ فهم التعليمات.
✅ التعلم داخل الفصل 🏫.
✅ فهم الأسئلة والإجابة عليها 💬.
✅ تنمية اللغة التعبيرية (الكلام) 🗣️.
✅ التواصل والثقة بالنفس 💙.

🌱 كل ما اكتشفنا الصعوبة بدري واشتغلنا عليها، كل ما ساعدنا الطفل يفهم العالم حواليه بشكل أفضل.

في Enas Edu Care Centre بنقيم مهارات اللغة الاستقبالية بدقة، ونضع برنامجًا فرديًا يناسب احتياجات كل طفل.

04/06/2026

🤔 تربية إيجابية ولا شبشبية؟! 🩴🩴🙆

في ناس فاكرة إن التربية الإيجابية معناها:
❌ نسيب الطفل يعمل اللي هو عايزه🤸
❌ منقولش لأ😡
❌ نعدّي أي سلوك غلط🙊🙉🙈
❌ ولما يعمل تصرف خاطئ نقول: "مش قصده" 😅🙈
❌ ولما يعمل مصيبة نقول: "أصل لسه صغير... وسيبوه يعبر عن مشاعره" 😂🤦‍♀️
وده مش صحيح خالص! 🚨🚨

التربية الإيجابية معناها:
✅ حزم بدون ضرب
✅ قواعد وحدود واضحة
✅ عواقب مناسبة للسلوك
✅ احترام الطفل مع تعليمه الصح والغلط

يعني لو الطفل غلط مش هنسكت ونعدّي... لكن كمان مش لازم يكون الحل صريخ أو ضرب🔴🔴

الهدف إن الطفل يفهم:
✔️ ليه السلوك ده غلط؟
✔️ وإيه المطلوب منه المرة الجاية؟
✔️ وإن لكل تصرف نتيجة ومسؤولية

التربية الإيجابية مش دلع ⚡ والشبشب مش خطة تربوية! 🩴
بين الاتنين في منطقة اسمها:
💪حزم🧐 + حب❤️ + ثبات


لو محتاجة تعرفي أكتر عن أساليب التربية ومحتاجة الدعم، إحنا معاكي 👣 💙

03/06/2026

📌 ليه "رعاية نهارية" ومش حضانة عادية؟ 🤔✨

​لأن الرعاية النهارية هنا مش مجرد بديل للحضانة
🛑 دي خدمة مخصصة ومصممة خصيصاً لدعم أطفالنا من الفئات الخاصة 💛👦👧

​🌟 إحنا بنقدم إيه؟
​نستهدف الأطفال الذين يحتاجون إلى دعم مكثف وإضافي في:
​🗣️ اللغة والتواصل: لتطوير مهارات النطق والتعبير.
​🎯 الانتباه والتركيز: لزيادة القدرة على التحصيل والاستيعاب.
​🤝 السلوك والتفاعل الاجتماعي: لدمجهم بشكل إيجابي مع المحيطين بهم.
​👟 مهارات الاعتماد على النفس: لتمكينهم من استقلاليتهم اليومية.

​🎯 ما الذي يميزنا؟
​📝 بنشتغل مع كل طفل داخل برنامج تأهيلي يومي متكامل قائم على أسس علمية، مش مجرد رعاية عادية أو تمضية وقت. 🧩

هدفنا الأساسي والوحيد هو مساعدة طفلك ليحقق أقصى تطور ممكن بناءً على قدراته الخاصة 💪✨
​
​لو حابة تعرفي هل نظام الرعاية النهارية هو الأنسب لطفلك، ومتى يكون التدخل المبكر ضرورياً؟ 🩺 إحنا هنا عشان نجاوبك ونساعدك 🤍

31/05/2026

نفسي أنزل ابني حضانة... بس مش لاقية مكان يقبله

كام أم وأب قالوا الجملة دي؟

💔 كل ما يروحوا حضانة يسمعوا
"إحنا مش مجهزين لاستقبال حالته."
أو "هيحتاج متابعة خاصة أكتر من اللي نقدر نقدمه."
فتبدأ الحيرة 🤷

🏡 يفضل في البيت؟
🤔 هيتعلم إزاي؟
👫 هيتعامل مع أطفال تانيين فين؟
🌱 وهيكتسب المهارات اللي محتاجها إزاي؟

✨ لو الحضانات العادية مش مناسبة لطفلك، يمكن يكون محتاج مكان معمول علشانه هو

علشان كده وفرنا برنامج الرعاية النهارية المتخصصة للأطفال ذوي الاحتياجات الخاصة ❤️

أطفال التوحد 🌟 متلازمة داون 🌟 التأخر العقلي 🌟 الشلل الدماغي
من خلال:

✅ أنشطة تعليمية وترفيهية مناسبة لكل طفل
✅ جلسات فردية وجماعية
✅ تنمية مهارات التواصل واللغة
✅ تدريب على المهارات الحياتية والاعتماد على النفس
✅ متابعة مستمرة وتقييم للتقدم
✅ خطة فردية تناسب احتياجات وقدرات كل طفل

ولأن كل طفل يستحق مكان يفهم احتياجاته، ويؤمن بقدراته، ويساعده على النمو والتقدم
💙 هدفنا مش مجرد رعاية طفلك خلال اليوم
هدفنا إننا نساعده يكتسب المهارات اللي محتاجها ويتطور
للحجز والتواصل ابعتولنا على رسائل الصفحة أو واتساب على رقم
010 80049789

15/05/2026

يعني إيه مشكلات نمائية؟” 🤔

المشكلات النمائية معناها إن الطفل ممكن يكون محتاج دعم في جزء من تطوره مقارنة بسنه.

وده ممكن يظهر في 👇👇👇
الكلام واللغة 🗣️
التركيز والانتباه 🧠
التواصل مع الآخرين 🤝
اللعب والتفاعل 🧩
الحركة أو المهارات 🏃‍♂️
الفهم وتنفيذ التعليمات 🧏

وده مش معناه إن الطفل “مش شاطر” أو “مش هيتحسن” ❤️
لكن معناه إنه محتاج نفهمه صح وندعمه بدري.
وكل ما التدخل كان بدرى … كل ما فرص التطور والتحسن كانت أفضل ⬆️

لو حاسة إن طفلك👇👇👇
كلامه متأخر❌
مش بيركز❌
صعب يتفاعل❌
سلوكه متعب بشكل مستمر❌
التقييم المبكر بيساعدنا نفهم احتياجاته ونحدد أفضل طريقة لدعمه 🌹
ولو محتاجة تعرفي أكتر… إحنا معاكي ❤️
في ENAS Edu Care Centre 🌟
📍 الحي الثاني – مجاورة خامسة
📞 01080049789
#تخاطب #أطفالنا

13/05/2026

“هل كثرة الأسئلة للطفل بتساعده… ولا بتضغطه؟” 🤔

أوقات كتير بنفضل نسأل الطفل طول اليوم ❓❓
❌إيه ده؟
❌ده لونه إيه؟
❌قول دي اسمها إيه؟
❌مين جه؟
❌بتعمل إيه؟

وإحنا فاكرين إننا كده بنساعده يتكلم لكن الحقيقة
إن كثرة الأسئلة أوقات بتخلي الطفل بتوتر ويهرب من الكلام
وكمان يحس إنه في اختبار طول الوقت خصوصاً الاطفال
ألى عندهم تأخر لغوي أو صعوبة في التواصل

نعمل ايه 🤷🤷🤷

🚫بدل ما نسأل طول الوقت🚫

الأفضل نوصف ونشارك الطفل اللعب والكلام بشكل طبيعي
يعني بدل دي إيه؟
ممكن نقول: “واو… دي عربية حمرا 🚗”
❤️الطفل بيتعلم من السماع المريح أكتر من الضغط المستمر

ولو عايزه تعرفي اكتر احنا معاكى

Address

6 October City
6 October City

Telephone

01060900891

Website

Alerts

Be the first to know and let us send you an email when مركز آي كير للعلاج الطبيعي دكتور احمد عليبه "I care centre" posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to مركز آي كير للعلاج الطبيعي دكتور احمد عليبه "I care centre":

Shortcuts

Share

Category