DrAhmed Al Noamany أحمد النعماني

02/09/2026

السلام عليكم ورحمه الله وبركاته
مع حضراتكم دكتور احمد النعماني أخصائي الغدد الصماء و التغذية العلاجية

L-Carnitine
الموضوع أكبر بكتير من مجرد حرق الدهون

ناس كتير لما تسمع L-Carnitine أول حاجة بتيجي في دماغها إنه مكمل لحرق الدهون.

لكن الحقيقة إن دوره في الجسم أوسع من كده بكتير.

الـ L-Carnitine من أهم أدواره إنه بيساعد في نقل الأحماض الدهنية طويلة السلسلة لجوه الميتوكوندريا علشان الجسم يقدر يستخدمها في إنتاج الطاقة عن طريق الـ Beta-Oxidation.

لكن هنا في نقطة مهمة جدًا وهي علاقته بالـ Oxidative Stress أو الإجهاد التأكسدي.

أثناء التمرين العنيف أو مع وجود التهابات وضغط فسيولوجي على الجسم، بيزيد إنتاج الـ ROS – Reactive Oxygen Species.

والـ ROS في حد ذاته مش حاجة وحشة، والجسم أصلًا محتاجه في وظائف كتير.

المشكلة بتحصل لما إنتاجه يزيد بشكل أكبر من قدرة الجسم على مقاومته، وساعتها يبدأ يحصل Oxidative Stress وضرر تأكسدي للخلايا.

وهنا بيظهر دور مهم محتمل للـ L-Carnitine.

الدراسات لقت إنه ممكن يساعد في:

• تقليل بعض مؤشرات الإجهاد التأكسدي زي MDA.
• دعم أنظمة مضادات الأكسدة الطبيعية في الجسم زي SOD وCatalase وGlutathione.
• دعم كفاءة ووظيفة الميتوكوندريا.
• التأثير على بعض مسارات الالتهاب زي NF-κB.
• وفي بعض الدراسات حصل تحسن في بعض مؤشرات الالتهاب زي TNF-α وIL-6 وCRP.

طيب إيه علاقته بكرات الدم البيضاء WBCs؟

خلايا المناعة، وخصوصًا الـ Neutrophils والـ Macrophages، بتنتج ROS بشكل طبيعي علشان تستخدمه في الدفاع ضد الميكروبات.

يعني إحنا مش عايزين نمنع الـ ROS تمامًا.

إحنا عايزين نحافظ على التوازن بحيث مايبقاش إنتاجه أعلى من قدرة الجسم على التعامل معاه.

وعشان كده تأثير الـ L-Carnitine على كرات الدم البيضاء أقرب لتنظيم وظيفتها والبيئة الالتهابية والتأكسدية المحيطة بيها، مش إنه يقلل عدد كرات الدم البيضاء بشكل مباشر.

ودي نقطة لازم تكون واضحة:

L-Carnitine مش علاج لارتفاع الـ WBCs، ومش Immunosuppressant.

يعني لو كرات الدم البيضاء عالية في الـ CBC، ماينفعش ناخد كارنتين بهدف إننا ننزلها.

لازم نعرف الأول سبب ارتفاعها.

الخلاصة يا سيدي:

L-Carnitine
بيساعد في نقل الأحماض الدهنية للميتوكوندريا
يدعم إنتاج الطاقة والـ Beta-Oxidation
يدعم كفاءة الميتوكوندريا
ممكن يساعد في تقليل الـ Oxidative Stress المفرط
يدعم أنظمة الـ Antioxidants الطبيعية
وممكن يساهم في تنظيم بعض مسارات الالتهاب والاستجابة المناعية.

يعني ببساطة…

الـ L-Carnitine مش مجرد Fat Burner.

دوره الحقيقي أعمق من فكرة رقم أقل على الميزان، وداخل في منظومة مرتبطة بـ الطاقة، الميتوكوندريا، الإجهاد التأكسدي والاستجابة الالتهابية.

28/08/2026

دكتور انا ملقتش فيتامين ب١٢
فا خدت حبايتين فيتامين ب٦

انا 👇

25/08/2026

11/08/2026

الDHT blocker و مشاكل الانتصاب

10/08/2026

الهرمونات بتجيب عقم ولا لا ؟؟؟

07/08/2026

السلام عليكم ورحمه الله وبركاته مع حضراتكم
د. أحمد النعماني
طبيب بشري

•أخصائي الغدد الصماء والسكري والتمثيل الغذائي
•أخصائي التغذية العلاجية

🛑 ليه ناس كتير بتفتكر إن الجروث هرمون (GH) بيحرق الدهون... مع إنه علميًا مش بيحرقها بشكل مباشر؟

خليني أصدمك بمعلومة.

مفيش ولا جرام دهون بيختفي من جسمك لمجرد إنك خدت GH.

اللي الجروث هرمون بيعمله في الحقيقة هو إنه يطلع الدهون من مخازنها... لكن قرار حرقها أو تخزينها من جديد، ده بيرجع لجسمك.

يعني الموضوع بيعدي على مرحلتين مختلفتين تمامًا:

المرحلة الأولى: Lipolysis

الجروث هرمون بينشط إنزيم Hormone-Sensitive Lipase (HSL)، فيبدأ يفك الدهون المخزنة جوه الخلايا الدهنية، ويحولها لأحماض دهنية حرة (Free Fatty Acids) وجليسرول.

لحد هنا
الدهون خرجت من المخزن.

لكنها لسه متحرقتش.

المرحلة التانية: Fat Oxidation

هنا الجسم بيقرر

لو محتاج طاقة، هياخد الأحماض الدهنية دي ويدخلها الميتوكوندريا عشان تتحرق وتنتج ATP.

أما لو مش محتاج طاقة...
أو أنت داخل في فائض سعرات
أو قاعد طول اليوم بدون نشاط

فالجسم بمنتهى البساطة هيعيد تخزين نفس الدهون دي مرة تانية.

يعني ممكن الجروث هرمون يكون زود خروج الدهون من الخلايا...
وفي نفس الوقت متحرقش ولا جرام دهون فعليًا.

وده سبب إن ناس كتير تستخدم GH شهور، ومستغربة إن نسبة الدهون مش بتنزل بالشكل اللي كانت متوقعاه.

الجروث هرمون كمان:

• بيقلل اعتماد الجسم على الجلوكوز كمصدر للطاقة.

• بيزود اعتماد العضلات على الأحماض الدهنية الحرة.

• وبيقلل نشاط إنزيم Lipoprotein Lipase (LPL) داخل الخلايا الدهنية، وبالتالي يقل تكوين مخزون دهون جديد.

لكن في النهاية...

لو مفيش احتياج للطاقة... مفيش حرق دهون.

🛑 وده الفرق اللي ناس كتير مش واخدة بالها منه

Lipolysis ≠ Fat Loss

و

Lipolysis ≠ Fat Oxidation

يعني مجرد إن الدهون خرجت من الخلية الدهنية، ده لا معناه إنها اتحرقت، ولا معناه إن نسبة الدهون في جسمك قلت.

الخلاصة:

الجروث هرمون مش "حارق دهون"

هو بيجهز جسمك لاستخدام الدهون كمصدر للطاقة.

أما إذا الدهون دي هتتحرق فعلًا ولا هترجع تتخزن، فده بيتحدد بعوامل أهم بكتير:

• نظامك الغذائي.
• إجمالي السعرات.
• النشاط البدني.
• حساسية الإنسولين.
• واحتياج جسمك الحقيقي للطاقة.

عشان كده، أي حد بيقول إن GH لوحده "بيحرق الدهون" فهو بيشرح جزء من الصورة، وسايب الجزء الأهم.

07/08/2026

شكرا رئيس تحرير جريدة الوفد 🙏❤️
المقال عنيف 😅👌❤️

في عصرٍ أصبحت فيه الأمراض المزمنة واضطرابات الهرمونات والتمثيل الغذائي من أكثر التحديات الصحية انتشارًا وتعقيدًا، تزداد أهمية الطبيب الذي لا يكتفي بالنظر إلى الأع...

06/08/2026

🛑السلام عليكم ورحمه الله وبركاته
مع حضراتكم دكتور احمد النعماني طبيب بشري اخصائي غدد صماء و سكري
وأخصائي تغذية علاجية

انا هكتب البوست ده وههدم شوية معتقدات حوالين هرمون النمو GH

و هكشف معظم الورق
عشان بس بشوف ناس بتحرق بنزين كتير فيه للاسف وهما فاهمينه غلط ...اشتريه ياعم براحتك ولكن إفهم هو بيعمل ايه و بيشتغل ازاي اصلا

و الكلام علني و قدام الكل ..انا مبخفش من حد
عندك كلمتين تقولهم ..قولهوملي ب اثباتاتك العلمية (ولن اقبل بنقاش الا من أطباء بشريين متخصصين في نفس مجالي )

شكرا لحضراتكم

لو اتكلمنا علميًا، في موضوع الجروث هرمون (GH) وتضاعف الألياف العضلية (Hyperplasia) من أكتر المواضيع التي انتشرت فيها المعلومات الخاطئة، خصوصًا في كمال الأجسام. هذه هي الحقائق وما يقابلها من مفاهيم خاطئة:
أولًا: الكذبة الكبرى
"الجروث هرمون بيكوّن ألياف عضلية جديدة."
الحقيقة: مفيش لحد دلوقتي دليل قوي يثبت أن GH لوحده يقدر يكوين ألياف عضلية جديدة عند الإنسان البالغ. معظم الدراسات البشرية أظهرت زيادة في الكتلة الخالية من الدهون، لكن مش بالضرورة زيادة في البروتين العضلي أو عدد الألياف نفسها ...ولكن حضرتك اللي بتحركه في الاتجاه المخصص له حسب رغبتك لانه بيشتغل علي كذا محور

♦️الحقيقة الأولى
GH هرمون غير بنائي للعضلات بنفس قوة التستوستيرون
الجروث بيعمل أساسًا عن طريق:

زيادة إفراز IGF-1
زيادة تصنيع الكولاجين في الجسم (جلد-شعر ضوافر-مفاصل )
زيادة احتباس الماء داخل الأنسجة
زيادة استخدام الدهون كمصدر للطاقة ومن هنا بيبتظي مثار الحرق الغير مباشر
تقليل أكسدة الجلوكوز ودي غاية في الأهمية
ولهذا يبدو الجسم أكبر وأمتلأ، لكن جزءًا من هذه الزيادة ليس عضلة صافية

♦️الحقيقة الثانية
المسؤول الحقيقي عن نمو العضلة هو IGF-1
بعد ارتباط GH بالمستقبل:
GH → مستقبل GH
↓
JAK2
↓
STAT5
↓
زيادة تصنيع IGF-1
ثم يبدأ IGF-1 في تنشيط:
PI3K
AKT
mTOR
وهذا هو المسار المسؤول عن تصنيع البروتين العضلي.

♦️الحقيقة الثالثة
GH بينشط الخلايا الساتالايت
ودي أهم نقطة نقطة لاني سائقها المحور الرئيسي
Satellite Cells
↓
انقسام
↓
اندماج مع الليفة
↓
زيادة عدد الأنوية (Myonuclei)
↓
زيادة قدرة الليفة على تصنيع البروتين
هذه العملية تؤدي إلى تضخم الليفة، وليس بالضرورة تكوين ليفة جديدة

♦️الحقيقة الرابعة
Hyperplasia موجودة... لكن
في الحيوانات:
اه بيزود
مثبتة علمياً كمان

في الإنسان بقا :
توجد مؤشرات ودراسات تقترح إمكانية حدوثها
لكن لا يوجد دليل قاطع على أنها تحدث بدرجة كبيرة أو أن GH وحده يسببها

♦️الحقيقة الخامسة
لطب ليه لاعيبة كمال الأجسام فاكرين أن GH بيصنع ألياف عضلية جديدة؟

لأنهم بيستخدموه مع:
Testosterone
Insulin
IGF-1
وأحيانًا بيحصل دمج مع مركبات أخرى
من المستحيل تفصل تأثير GH عن بقية الهرمونات دي 🤣، عشان كدة بقول مينفعش ننسب أي زيادة في عدد الألياف للجروث هرمون لوحده

♦️الحقيقة السادسة
GH يزيد الكولاجين أكثر من المايوفايبرلز
يزيد تصنيع:
Collagen I
Collagen III
في:
الأوتار
الأربطة
اللفافة العضلية (Fascia)
النسيج الضام
عشان كدة كتير بيتحسنوا في تحمل الأوزان، بس ده مش معناه زيادة مباشرة في الألياف العضلية يا حبيبي

♦️الحقيقة السابعة
احتباس الماء بيخدع كتييييير اوي ..بيفكرني بالكرياتين والله
GH
بيزود 👇
الصوديوم
الميا جوا الخلايا خارجها برده
حجم العضلة الظاهري
وهذا قد يعطي انطباعًا بزيادة عضلية أسرع مما هو حقيقي.

♦️الحقيقة الثامنة
GH مش اقوي هرمون لبناء العضلات علي فكرة
لو رتبنا التأثير المباشر على تضخم العضلات:
التستوستيرون ومشتقاته.
IGF-1 المحلي داخل العضلة.
التدريب المقاوم للجاذبية او مقوم عكس الاتجاه و خلاص
التغذية والبروتين العالي تحديداً
GH (دور مساعد أكثر من كونه المحرك الأساسي).

♦️الحقيقة التاسعة
لماذا يستخدمه المحترفون إذن؟
لأنه يساعد على:
-تحسين التعافي
-زيادة تصنيع الكولاجين
-حماية نسبية للأوتار والأنسجة الضامة
-زيادة حرق الدهون بشكل غير مباشر عن طريق كذا عملية هتكلم فيها بالتفصيل الممل بعدين
-الحفاظ على الكتلة العضلية أثناء التنشيف
-تحسين مظهر الامتلاء العضلي بسبب السوائل

♦️الحقيقة العاشرة

هل يمكن أن يحدث Hyperplasia؟
نظريًا قد يحدث إذا اجتمعت عوامل مثل:
-إجهاد ميكانيكي شديد جدًا
-تنشيط قوي للخلايا الساتالايت في جسمك ودي الاساس اصلا
-إشارات نمو متعددة (IGF-1 وعوامل أخرى)
-بيئة هرمونية مناسبة(يعني سيكل قوي تدخل فيه عشان تقلل من المايسوستاتين في جسمك )

لكن حتى الآن مفيش أدلة قوية تثبت أن GH لوحده بيسبب تضاعفًا ملحوظًا في عدد الألياف العضلية لدى الإنسان
الخلاصة(ركزوووووو بقول لوحده )

♦️ حقيقة: GH يزيد IGF-1 وينشط الخلايا الساتالايت، وبيحسن تصنيع الكولاجين، بيزيد استخدام الدهون (لكن مش بيحرقها بشكل مباشر ) زي ما بعض الأساتذة فاكرين

♦️ حقيقة: يساعد في تضخم العضلة بشكل غير مباشر ويُحسن التعافي

♦️ خرافة: GH وحده يصنع أليافًا عضلية جديدة عند الإنسان البشري

♦️ خرافة: أي زيادة في الحجم أثناء استخدام GH تعني زيادة صافية في البروتين العضلي

الرأي العلمي الحالي: تضاعف الألياف العضلية في الإنسان إن حدث، فهو محدود وغير مثبت كا تأثير مباشر للجروث هرمون لوحده، ولكن التأثير المثبت فعلاً هو دعم تضخم الألياف(داخلياً /تغذويا ً) الموجودة وتحسين بيئة النمو والتعافي

او👌...زيادة عدد الألياف ولكن بطرق ضغط تانية 😏 ودي قصة وليها الف قصة ممتدة منها

03/08/2026

الزلزال اللي حسيته و اللي هز حيطان البيت حرفيا كان علي بعد ١٧٠ كيلو من القاهرة (مصر )

موجة ارتدادية نتيجة الصدوع الچيولوجية النشطة في منطقة خليج السويس و البحر الاحمر

موجة ارتدادية ..واخد بالك ؟؟؟
يعني مش الأصل حتي

لو الزلزال كان جنبنا ومكنتش موجة ارتدادية مكنش قوته هتبقا ٥.٥- ٥.٧ ريختر

كان هيعدي ال٧ براحة و ده كفيل يعمل كوارث و وفيات بسم الله الرحمن الرحيم كدة

بقولك الكلام ده ليه عشان نتقي الله في بعض

اتقوا الله في العموم
اتقوا يوما ترجعون فيه الي الله

الدنيا مش مستاهلة نزاعات ولا خصام ولا اي حاجة
مش مستاهلة مشاكل ولا آذي

في لحظة اقسم بالله العظيم هتكون عنده و بتتحاسب عادي جدا

ده درس لينا علي الصاحي اهو و علني قدام الكل و الكل حس بيه