لنا محي - Lana Mohie

12/04/2025

مهم لكل متابعيني! ❤️📣
حبيت أبلغكم انى بدأت صفحاتى الجديدة فيسبوك، إنستجرام، و تيك توك 🙏🏻

مشوار جديد هكون فيها معاكوا بشكل مستمر وتواصل أكبر💯👌🏻
من خلال:
-ستوريز يومية
-مناقشات مفتوحة في الـ live اسبوعى
-إجابة على أسئلتكم بشكل دورى

وكمان هشارك معاكم سلسلة فيديوهات تجاوب على أسئلة كتيرة نفهم من خلالها نفسنا و علاقاتنا بشكل أعمق 🤍
وهكون حابه جدا تشاركونى مشوارى الجديد 🙏🏻💙

تابعوني على الصفحات الجديدة:👇

📌 Facebook:
https://www.facebook.com/drlanamohie
__
📌 Instagram:
https://www.instagram.com/drlanamohie
__
📌TikTok:
https://www.tiktok.com/
__

رأيكم دايما يهمنى …مستنياكم هناك 💙
بداية جديدة ☺️

27/11/2024

27/11/2024

في مشهد بحبه جداً في فيلم "آسف ع الازعاج" لما حسن بيقول لفريدة..
- انا نفسي تحبيني يا فريدة..
فهي بترد عليه رد بيلخص حاجات كتيره اوى :))
"الحُب مش امنية يا حسن.. الامنية ان الحُب ده.. يدوم."
_____________________________________.
انا اتحبيت كتير في حياتي.. -اي نوع من انواع الحُب- و في الاول بيقولوا كلام حلو اوي.. و انبهار و وعود.. و محاولات للاقناع و نول الرضا.. بس عُمر ما الحُب ده استمر.. دايماً برجع ابقى لوحدي.. دايماً بيختفي..
مع اول مشكلة، مع اول عقبة.. مع اول اكتشاف اني مش شخص مثالي و بغلط و بتعصب و بمل و بزن و بغير و بخاف.. مع الزهق من المحاولة.. اومفيش قدرة على المعافرة.. او التغيرات اللي بتحصل في حياتهم.. او لما يلاقوا بديل.. ماحدش بيفضل او بيستحمل او بيحب بنفس الدرجة بعد مرور وقت..
_______________________________.
الحُب حاجة سهل جداً انها تحصل.. و دايماً بتحصل اصلاً.. لكن اللي شبه مستحيل هو المحافظة على الحُب ده.. المحافظة على الحُب محتاجة مجهود.. ده اللي صعب نلاقيه فعلاً هو حد يفضل يحبنا مهما شاف فينا عيوب.. مهما حصل بينا.. مهما حصلت تغيرات في حياته و حياتنا.. مهما طال الغياب و عزّ اللُقا.. مش اي حد هايبقى صبور و باله طويل.. مش اي حد هايحبك في كل حالاتك و انت متعصب و انت قرفان و انت عيّان و انت مفلس و انت تخين.. مش اي حد هايستمر في حبك لو الدنيا و النصيب قالوله لأ معلش ماينفعش.. مش اي حد هايفضل شايلك نفس القدر من الحُب من غير تغير.. ده شيء نادر جداً.. و ده اللي لازم نتمناه بجد.. ان الحُب يقوى. :))

24/11/2024

قالوها زمان فى الأمثال

( كيد النسا غلب كيد الرجال )
...وبعد سنين من البحث اتأكدت أن انتقام الرجالة أهون بكثير من الستات الراجل عقلة هو اللى بيتحكم فى أنتقامة او فى خططة و بيبقى فى الغالب بطريقة مباشرة او بطريقة توصلة لهدفة على طول ..وطبعا" بيركز فى النتائج السريعة اللى يشوفها قدامة
..أما بقى الستات ف أجارك اللة من كيدهم!!!!! الست بتبقى عارفة مشاعر الست اللى قدامها وبتبقى عارفة هى بتفكر أزاى و فاهمة أحساسها و عارفىة أية اللى هيوجعها واية بيأثر عليها وأية هيجننها ويخليها تلف حوالين نفسها و يسلام بقى لو كانت بتغير منها....هتخلى حياتها سودة
الست انتقامها من الست اللى زيها بيبقى جبار بتستخدم فية أحساسها...فين يوجعك وأضربيك فية....وأهدى كدة وأستنا لما تفوقى علشان أضربك الضاربة الثانية....والأهم من دة كلة يبقى من بعيد لبعيد من غير ما تحس ولا تشك فيها ....وكمان بيبقى عندها صبر وطولة بال مش مهم ابدا" اللى هى عاوزة توصلة يحصل بسرعة المهم أنة يحصل بأتقان ...وتوصل للنتيجة اللى هى عاوزاها.....الست بتستخدم فى أنتقامها أو كيدها سياسة اللف والدوران علشان ادوخ الست اللى قدامى واتوهها و أشيلها الهموم واوجعها أطول فترة ممكنة و فى أكثر حتة بتوجعها....أصعب أحساس بتحس بية الست هو أنها تتجرح وتفقد الثقة فى نفسها ومتحسش بأنوثتها بسبب ست ثانية!!!!!! فبيبقى هدفها الأساسى اللى عايشة علشانة سأعيش لأنتقم!!!!!!!...مش كل الستات تقدر توصل للأحساس الانتقام دة ..فى ستات طيبة جدا" وشخصيتها أضعف من أنها تقدر تفكر بالطريقة دى وكل اللى تقدر تعملة أنها تفوض أمرها للة....لكن فى ستات بيبقى جواها نار وبتبقى لازم تاخد حقها علشان ترتاح....و السبب الأساسى لكيد النسا بيبقى الراجل والغيرة يا أما علية أو من الست الثانية....فى حاجة الرجالة مش مركزة فيها وهى أن ربنا يكفيهم شر كيد الستات...لأنها لو دخلتك فى دماغها هتخليك تلف تكلم نفسك....خصوصا" لو بطلت تحبها
...أحكلكم حكاية صغيرة.....
كانت زوجة لراجل طموح جدا" وقدر يوصل للنجاح اللى كان نفسة فية وبقى رجل أعمال كبير و مشهور وغنى ....ولقت نفسها ساكنة فى فيلا كبيرة ولابسة مجوهرات و عندها رصيد كبير فى البنك....أنشغلت بحياتها الجديدة النادى والأصحاب والسهر والسفر معاهم علشان جوزها مشغول وشوية شوية أبتدت تحس أن جوزها أتغير معاها اوى...و فيوم لقتة داخل عليها وبيقولها انة بيحب واحدة ثانية وهيتجوزها...سرخت و أنهارت و رفضت بس هو صمم...فضلت فى حالة وحشة جدا" لمدة 15 يوم ومرة واحد قررت تفوق وتنتقم و ترجع جوزها حتى لو غصب عنة....أبتدت تلم كل المعلومات عن الزوجة الجديدة بتروح فين بتعمل شعرها عند انى كوافير ...اسم النادى والجم اللى مواظبة علية...كل حاجة عرفتها عنها ....وأهم معلومة أن جوزها مرديش يقولها أى حاجة عن الزوجة الاولى لا اسمها ولا شكلها لتجنب المشاكل...قررت أنها تتعرف عليها...وأبتدت تروح الجيم اللى الثانية بتروحة و مرة فى مرة بقم صحاب جدا" لدرجة أن الزوجة الثانية بقت تحكلها على كل تفاصل حياتها وبعد فترة بقت تثق فيها ثقة عجيبة ةتستاشرها فى مشاكلها مع زوجها وطبعا" هى علشان حافظة جوزها وعارفة هو ممكن ينفعل أزاى ويفرح أزاى بدأت تقلبها علية وتخليها تتصرف تصرفات تعمل مشاكل بنها وبين جوزها...وفى نفس الوقت تكون هى مصدر الحنية والدلع والعقل لية أول لما يرجع البيت عندها وهى عارفة ومتأكدة أن فى خناقة كبيرة عند الزوجة الثانية ...والمهم أنها بقت بشوشة ومرحة واتغيرت خالص....لحد ما حياة الزوجة الثانية أتدمرت وجوزها طلقها وبعد عنها ورجع لبيتة ومراتة الأولى,,,
بس للأسف كانت شايفاة حزبن جدا" و مكتئب...وقطعت علاقتها بالزوجة الثانية بحجة أنها مسافرة لفترة بس كانت شايفاها متدمرة...فى الأخر هى بقت واثقة أن جوزها بيعشق طليقتة........وجاتلى أستشارة وبعد ما حكت كل حاجة ....قالتلى انها بعد كل الحرب دى أكتشفت ان جوزها بطل يحبها من زمااااان ومش بسبب العلاقة الثانية لا دة من قبل كدة من اول ما الفلوس والمستوى الجديد شغلها عنة....وفى الأخر قالتلى أنها ندمانة جدا" وحاسة بالذنب أتجاة الزوجة الثانية اللى ضحكت عليها وخدعتها علشان تنتقم منها مع انها اتأكدت انها طيبة اوى وحنينة وفيها صفات كثير حلوة..........كل اللى كانت بتقولة فى الأخر أنا ندمانة انى دمرت حياتهم ومش عارفة أعمل أية؟؟؟؟؟؟......طبعا" انا عارفة ومتأكدة أن أحساس الندم دة كان ناتج من الخداع وانها ضربتها فى ظهرها وهى مأمنلها.....لكن لو الحرب كانت وجها" لوجة ماكنتش هتحس بأى حاجة...بالعكس كانت هتحس بمتعة الأنتصار..........حقيقى أن كيدهن عظيم....




coach

23/11/2024

يعنى اية؟؟؟؟؟؟
الاكتئاب دة بيجى مع تغير الفصول.
بتحس انك عاوز تعيط وحساس زيادة عن اللزوم،جسمك تعبان وشعرك بيوقع و همدان و عصبى جدا"،مفيش تركيز او اهتمام فى اى موضوع،وبتفكر تقطع علاقتك باى حد حاسس ناحيتة بتجاهل!!....متخافش.................فترة و هتعدى.......
المهم تقاوم الاحساس دة عن طريق الخروج و الإستماع بالطبيعة واليوجا وتمارين التأمل وطبعا" الصلاة وأكثر حاجة تجيب نتايج الصيام لأنة بيوازن كمياء الجسم .

07/11/2024

كل حاجة بتتعمل بزيادة بيضيع طعمها...........

الحب بزيادة بيزهق

الأهتمام بزيادة بيخنق

الغيرة بزيادة بتموت

الدلع بزيادة بيقوى القلب
........كل حاجة ليها حدود حتى المشاعر والعطاء.........
ولازم نعرف ان كل شىء لية مقابل علشان يستمر
الوهم اللى طول عمرنا عايشيين بية ( الحب عطاء بدون مقابل ) دة كذبة كبيرة بنكذب بيها على نفسنا
لأنك لو فضلت تددى حب ومشاعر من غير مقابل بعد شوية هتملل وهتتخنق وهتزهق وهتبطلع.....
لازم تعود الطرف الثانى من اول العلاقة انك كل ما بتتدينى هتلاقى رد فعلى اجمل واقوى.....................( الحب عطاء بمقابل )............................
بس برجع ثانى ونقول بحدود....لان كل حاجة بتزيد عن حدها بتفقد طعمها وحلاوتها وبتتحول لحالة مملة و روتينية
........الحالة الوحيدة اللى الحب فيها بيكون بدون مقابل وبيقى عطاء مستمر هى مشاعر الاب والام ....احنا بنحب وندى علشان انتم اولادنا من دمنا ومن روحنا....ودى اكبر مشكلة بيقابلها اى شاب واى بنت قبل الجواز

كل واحد فيهم بيبقى متخيل ان الطرف الثانى هيحب وهيدلع وهيدى زى ماما وبابا....بس للاسف دى غلطة كبيرة.....بابا وماما بيدوا ومش عاوزين حاجة منك

لكن فى العلاقات العاطفية الحب علشان يكبر ويزيد لازم يكون لية مقابل زى الشجرة لو مسقتهاش هتموت

المشاعر كمان لازم تتسقى علشان تعيش وتقوى





coach

04/11/2024

بتوجهك مشكله ومش عارف تحلها ؟
‼️ *ورشة الطرف الثالث: استكشف خفايا العلاقات المتعددة!*
Multiple relationship workshop online
هل سبق وفكرت في الأسباب اللي بتخلي العلاقات تفشل؟ عندنا الحل! انضموا لورشتنا الأونلاين وتعرفوا على كل ما يخص "الطرف الثالث".
💔 *معانا هنساعدك تعرف:*
⬅️ يعني إيه طرف ثالث؟
⬅️ إزاي توصل لمرحلة الخيانة؟
⬅️ أسباب دخول المرأة لعالم الخيانة.
⬅️ أسباب انفصال الزوجين وأنواع الانفصال.
⬅️ تأثير الجنس على وجود الطرف الثالث.
⬅️ صدمات الطفولة وعلاقتها بالعلاقات.
⬅️ كيف العلاقات السابقة تؤثر على الحاضر.
⬅️ استراتيجيات لتجنب وجود الطرف الثالث.
💥 *انضموا لينا في الورشة دي* واكتشفوا أسرار تعزيز علاقاتكم وتفادي التعقيدات! 👌
📅 *الموعد:* الخميس 14 نوفمبر والجمعه 15 نوفمبر الساعة 6 مساءً
📍 *للحجز والاستفسار:* اتصلوا على 01122228803 (فون وواتس آب)
تحت إشراف: *Dr. Lana Mohei*
لا تفوتوا الفرصة! 🌟

03/11/2024

#الأحلام

هل للأحلام تفسير نفسى؟؟؟؟؟؟؟
طيب لو فضلت تحلم بشخص معين لفترة هل دة لية أى معنى فى علم النفس؟؟؟؟؟؟؟؟

.....خلينا ندخل فى الموضوع
اوقات الأحلام بتبقى مرتبطة بالحالة النفسية اللى بنعشها
و أوقات بتبقى مجرد أفكار فى العقل الباطن
و أوقات بتكون حاسة سادسة مرتبطة بالروحانيات
....طيب هل حلمك بشخص معين لفترات طوبلة دة لية تفسير أو معنى ؟؟؟؟؟؟

التفسير الأول :
لو بتحلم بشخص وانت بتفكر كثير اوى فبيمتد التفكر لحد الأحلام ممكن يكون شخص بتحبة او عزيز عليك او صديق أو شخص سببتلة أذى وأنت حاسس بالندم ناحيتة فكل ما تفكر فية زيادة هتشوفة فى أحلامك أو فى خيالك

التفسير الثانى:
أن الشخص دة هو اللى بيفكر فيك بشكل كبير وطول الوقت..ودة بيخليك تفكر فية أنت كمان ...دة بيحصل علشان قدرات العقل الباطن أكبر من قدرات العقل الواعى...لأن العقل الباطن
عندة القدرة على (التخاطر ) بين الشخصين دول وبيترجم تفكير الشخص الثانى بيك فى صورة أحلام بتتكرر
...معنى ( التخاطر) : هو التواصل الروحى او الحاسة السادسة بين شخصين

وهنلاقى ان فى دراسات كثير أثبتت...أن عدم قدرتك على تجاهل او نسيان شخص اخر...دة بسبب أنة بيفكر فيك كثير





com

02/11/2024

‼️ *ورشة الطرف الثالث: استكشف خفايا العلاقات المتعددة!* ‼️
Multiple relationship workshop online

هل سبق وفكرت في الأسباب اللي بتخلي العلاقات تفشل؟ عندنا الحل! انضموا لورشتنا الأونلاين وتعرفوا على كل ما يخص "الطرف الثالث".

💔 *معانا هنساعدك تعرف:*
⬅️ يعني إيه طرف ثالث؟
⬅️ إزاي توصل لمرحلة الخيانة؟
⬅️ أسباب دخول المرأة لعالم الخيانة.
⬅️ أسباب انفصال الزوجين وأنواع الانفصال.
⬅️ تأثير الجنس على وجود الطرف الثالث.
⬅️ صدمات الطفولة وعلاقتها بالعلاقات.
⬅️ كيف العلاقات السابقة تؤثر على الحاضر.
⬅️ استراتيجيات لتجنب وجود الطرف الثالث.

💥 *انضموا لينا في الورشة دي* واكتشفوا أسرار تعزيز علاقاتكم وتفادي التعقيدات! 👌

📅 *الموعد:* الخميس 7 نوفمبر والجمعه 8 نوفمبر الساعة 6 مساءً
📍 *للحجز والاستفسار:* اتصلوا على 01122228803 (فون وواتس آب)

تحت إشراف: *Dr. Lana Mohei*

لا تفوتوا الفرصة! 🌟

02/11/2024

‼️ ورشة الطرف الثالث
Multiple relationship workshop online
معانا هنحاول نساعدك في ازاي تعرف يعني اي طرف تالت و اي الاسباب اللي بتخلي الطرف التاني يوصل لمرحلة الخيانه واي سبب فشل العلاقات وازاي تقدر تحل كل دا وتتغلب عليه 🤷‍♀️
في الورشه بتاعتنا هنوضحلك
⬅️ما هو الطرف الثالث
⬅️كيفية الوصول لمرحلة الخيانة
⬅️أسباب دخول المرأة لمرحلة الخيانة
⬅️أسباب انفصال الزوجين
⬅️أنواع انفصال الزوجين
⬅️الجنس والطرف الثالث
⬅️صدمات الطفولة والطرف الثالث
⬅️العلاقات السابقة والطرف الثالث
⬅️كيفية تجنب الطرف الثالث
💥انضموا إلينا في هذه الورشة لاستكشاف هذه المواضيع وفهم كيفية تعزيز العلاقات وتجنب التعقيدات.👌
📌الموعد : الخميس 7 نوفمبر
و الجمعه : 8 نوفمبر الساعه 6
📍للحجز و الاستفسار التواصل علي 01122228803 فون و واتس اب
تحت اشراف : Dr .Lana mohei

01/11/2024

بعد الانفصال أحيانًا بتلاقي نفسك حاسس بفراغ، ووِحدة، واحتياج للشخص ده
وكأن فيه حاجة جواك ناقصة
وتبدأ تحس مشاعر غريبة ومتناقضة!!
هو أنا بحبه ومعرفتش غير لما ضاع مني!!
وليه أنا دلوقتي مش مرتاح وده القرار اللي خدته والمفروض هيريحني!!
يا ترى أنا خدت قرار غلط!!

وتبدأ تدخل في دوامة كده وتسوء حالتك النفسية ومتعرفش تخرج منها
بس على فكرة الموضوع مش حب خالص!!

الفكرة كلها احتياج للحالة اللي كنت عايشها..
المشاعر اللي بتاخدها، الاهتمام اللي كنت لاقيه وحد بيسأل عليك، بيطمن وخايف عليك
التعود على وجود الإنسان ده في حياتك
شعورك بالفرح والسعادة إنه بيحبك وبيبادلك نفس الشعور
يعني الموضوع كله احتياج عاطفي لحالة الحب نفسها

لو الشخص اللي انفصلت عنه ده، هو حبك الحقيقي وتوأم روحك..
عمرك ما هتفكر إنك تسيبه، أو تبعد عنه!!
ولما بيكون فيه مشاكل بتفكروا إزاي تحلوها سوا
لكن اختيار البعد والانفصال مش هيكون موجود بينكم أصلا

طيب نعرف إزاي إن دي مشاعر حب، ولا احتياج لحالة الحب
لو احتياج.. هتلاقي بعد فترة هياخد وقته ويعدي، ومشاعرك تهدى وتتعود عالوضع الجديد وتنسى
وهتحس براحة غريبة إنك خدت القرار الصح
أما لو حب، لا هتقدر تبعد، ولا هتقدر تنسى.. ولا مشاعرك هتهدى..
بالعكس كل ما الفترة هتطول، كل ما حبك هيزيد ويقوى أكتر..
ومن جواك بتبقى متأكد إنكم راجعين لبعض